2 Timoteo 3:15 - U Maganda A Baheta Ni Jesu-Cristo

¹⁵ Sakay sapul pa a anak ka ay tukoy mo dán u Banal a Kasulatan. Iye u makapangatád niko ti karunungan para magkahod ka ti kaligtasan tu pamamag-itan nu pánnampalataya ni Cristo Jesus.

2 Timoteo 3:15 ပူးပေါင်းရင်းမြစ်များ

Mateo 22:29

Timmábbeg ti Jesus, “Liwat kam a tahod, dipo awan moy tukoy u Kasulatan hide oni u kapangyariyan nu Diyos.

Lukas 1:15

dipo magin dakila siya tu pangileng nu Panginoon. Awan siya dapat a uminom ti alak oni ányaman a áinumán a makalasing. Sakay he palla siya tu tiyan nu ina na ay atádden dán siya ti kapangyariyan nu Banal a Ispirito.

Lukas 2:40

Dimmakál u anak a mabegsak, malalake sakay kinasayaan nu Diyos.

Lukas 24:27

Sakay impaliwanag nide ni Jesus u atanan a nesulat tu Kasulatan tungkul tu sadile na, sapul tu insulat ni Moises hanggan tu insulat nu prupeta hide.

Lukas 24:32

Nakagi de, “Kaya bál a konna dálla hod u sahat tam mentaras a mákpágguhon sakay makánpaliwanagán nikita tu Kasulatán.”

Lukas 24:45

Binukasan na u iisip de para maintendiyan de u Kasulatan hide.

Juan 5:47

Pero ni awan kam maniwala tu insulat na, kodya kam a maniwala tu kinákkagi ko?”

Gimet 10:43

Siya u kákkagiyán nu prupeta hide nikuna ipahayag de a, ‘Ni deya man u maniwala nikuna ay patawadán na u kasalanan de tu pamamagitan nu ngahan na.’”

Gimet 13:29

Sakay nikuna matupad di dán u atanan nu nakasulat tungkul nikuna ay inyogsad di siya tu kudus sakay inlábbáng.

Gimet 16:1

Immangay be ti Pablo tu banuwan a Derbe sakay ti Listra. Tehhod hod a mánnampalataya a u ngahan na ay ti Timoteo a anak nu essa a bábbey a Judio a mánnámpalataya, pero u ama na ay essa a Griego.

Gimet 17:2

Ugale dán ni Pablo a umangay tu sinagoga. Tu luub nu tállo a simba kada Aldew nu Káimang ay mákpagpaliwanagan siya tungkul tu Kasulatan,

Gimet 26:24

Mentaras a magupos ti Pablo ay kinagi ni Festo ti mabegsák, “Magaheng ka dán Pablo! Nasubraan ka dán ti talino kanya ka nagaheng-aheng!”

Roma 1:2

Iye a Maganda a Baheta a impananto nu Diyos tu itod pa a panahun tu pamamag-itan nu prupeta hide sakay nesulat tu Banal a Kasulatan,

Roma 16:26

pero nadid ay nehayag dán tu atanan a tolay tu pamamag-itan nu insulat nu prupeta hide. Iye ay ayun tu utus nu awan ti kamatayan a Diyos, tánni u atanan nu tolay ay manampalataya sakay sumunud nikuna.

Roma 2:27

Kanya maski hikam a Judio hide sakay nature, patunayan nu bakán hide a Judio a dapat kam a parusaan. Dipo maski awan hide ture sakay awan nide u Kautusan ay sássunudán di labe. Pero hikam a makatukoy tu Kautusan ay lumabag labe ti iye.

1 Corinto 1:21

Sigun tu karunungan nu Diyos, ay awan na impahintulut a matukuyan siya nu tolay tu pamamag-itan nu karunungan ni munduwan iye. Nan, inligtas na u manalig hide nikuna tu pamamag-itan nu Maganda a Baheta a ipáppangaral me a tu pangileng nu agum ay awan ti kabuluhan.

Efeso 6:4

Hikam a dáddakál hide, dyan moy masiyado a págngállan u anak moy hide ti ipagribeldi de. Padakállán moy hide a tehhod a disiplina sakay tolduwan moy tu adal nu Panginoon.

1 Timoteo 4:13

Mentaras a awanák palla hina ay basaán mo u Kasulatan tu atubang nu katolayan sakay itulos mo u pangngaral mo nide sakay palagi mo hide a tolduwan.

2 Timoteo 1:1

Iye a sulat ay gábwat nikán a ti Pablo a apostol ni Cristo Jesus ayun tu kaluuben nu Diyos para ipangaral u nepananto a biyag a matanggap tam tu pamamag-itan ni Cristo Jesus.

2 Timoteo 1:5

Awan ko malimunan u tapat mo a pánnampalataya a konna tu pánnampalataya nu apo mo a bakás a ti Loida sakay nena mo a ti Eunice. Sakay hanggan nadid, ay siguraduwák a konna palla hod u pánnámpalataya mo.

2 Pedro 3:16

Tu atanan nu sulat na hide ay pirme a konna hina i paalaala naay. Tehhod a parte nu sulat na a mágkatánnáb kaya mahirap a maintendiyan. Kaya male u pángpakahulugen nu kulang hide ti karunungan. Konna be hina u gággimitán de tu agum a parte nu banal a Kasulatan, kaya dipo ti iye ay mismo a hide u mángpahamak tu sadi-sadile de.

Pahayag 19:10

Limmuhudák tu atubang na para sumamba nikuna, pero kinagi na nikán, “Dyan mo ina gimitán! Dipo kaparehuwák mu labe a tagapagserbi, konna tu kákkapatkákka hide a nagpahayag tungkul ni Jesus. U Diyos u dapat mo a sambaán! Dipo u tatahoden a intoldu ni Jesus ay impahayag nu prupeta hide tu pamamag-itan nu kapangriyan nu Banal a Ispirito.”