2 Timoteo 3:12 - U Maganda A Baheta Ni Jesu-Cristo

¹² U atanan a masoh a mabiyag ti tama bilang essa a tagasunud ni Jesu-Cristo ay talaga a dumanas ti hirap.

2 Timoteo 3:12 ပူးပေါင်းရင်းမြစ်များ

Mateo 16:24

Kinagi ni Jesus tu disepulus na hide, “Ni deya u masoh a sumunod nikán ay limunán na u sadili na, báklayán na u kudus na sakay sumunud nikán.

Mateo 23:34

Magpaangayyák nikam ti propeta hide, mágkalalaki a tolay sakay u maisto hide nu Kautusan ni Moises! Bunuwán moy u sangan nide sakay u agum ay ipako moy tu kudus. U agum ay haplitán moy tu sinagoga sakay u agum ay ehyokán moy tu banubanuwan tán madakáp moy.

Markos 10:30

ay siguradu a magkahod siya nadid a panahun ti dinatos-datos a bilay, kákkapatkákka, dáddikál, anak sakay ari-ariyan hide, peru te kaguman be a kahirapan. Sakay káttapos nu biyag ti lutaáy ay magkahod siya ti biyag a awan ti katapusan.

Juan 16:2

Dumemát u odas a awan kamon tanggapán nu kasa-Judio moy hide tu sinagoga. Sakay dumemát u odas a ni deyaman u mangbuno nikam ay magakala a págserbi dán itod tu Diyos.

Juan 16:33

Kinagi ko dán iye hide a bagay nikam, tán magkahod kam ti kapayapaan tu pákpagkaessa moy nikán. He ti munduway pahirapan dikam, pero pabegsákkán moy u isip moy dipo nagtagumpayák dán kontara tu kapangyariyan ni munduway.”

Juan 17:14

Intoldu ku dán nide u upos mo. Tunay u ingál nu taga-mundu hide nide, dipo awan dán hide makamundu a konna nikán a bakán a makamundu.

Gimet 14:22

Pinabegsák de u isip nu mánnampalataya hide tu lugar a hinoyutan de sakay pinayuwan de hide a magtulos-tulos a tapat tu pánnampalataya de. Kinagi de, “Magdanas kitam pa ti makpal a hirap bagu kitam a makasáddáp tu kahariyan nu Diyos.”

1 Corinto 15:19

Ni u pag-asa tam ni Cristo ay para la ti biyagáy a iye, ay hikitamon u pinakakakagbi tu atanan a tolay.

2 Corinto 1:12

Essa a bagay u mepagmadakál me: nabiyag kame ti matuwid sakay tapat tu atubang nu atanan a tolay, lalu dán nikam. Nagimet mi iye dipo tu kagbi nu Diyos bakán a tu pamamag-itan nu karunungan nu mundu. Sakay mapatunayan nu isip me a tatahoden u ipagmadakál me.

2 Corinto 4:9

Usigán di kame pero awan kame pinabayan nu Diyos. Páppasakitan dikame pero awan pade matuluyan a matay.

1 Timoteo 2:2

Ipagdasal moy be u hare hide sakay tu atanan a te katungkulan tánni magkahod kitam ti tahimik a biyag sakay mapayapa, kagalang-galang sakay maka-Diyos.

1 Timoteo 3:16

Tunay ngane a maganda u impakapos-pos nu Diyos nikitam a tama a pannampalataya: Ti Jesus ay nehayag nikitam nikuna nagin tolay siya, sakay pinatunayan nu Banal a Ispirito a siya ay matuwid sakay netan nu anghel hide. Sakay nadid ay nepahayag dan tu buo a mundu u tungkul nikuna sakay tehhod a simmampalataya. Sakay siya ay inyontok ti langet ni hadya siya a maghare.

1 Timoteo 6:3

Ni deya man u magtoldu ti iba a adal, sakay awan nakaayun tu Upos nu Panginoon tam a ti Jesu-Cristo sakay tu adal hide a magresulta tu makidiyos a kakkabiyag,

Tito 1:1

Mahal ko a Tito. Hikán iye ti Pablo a alipin nu Diyos sakay apostol ni Jesu-Cristo. Piniliyák na para patatagán u pánnampalataya nu pinile na hide a tolay sakay palawakán u pákkatukoy de tu tatahoden a tungkul tu kakkabiyag a ayun tu kaluuban nu Diyos.

Tito 2:12

U kagbi na u nangtoldu nikitam tánni adággen tamon u kákkabiyag a makamundu sakay u kagustuwan nu pilas tánni mabiyag kitamon nadid a tehhod a págpugad ti sadile, banal sakay karapat-dapat tu Diyos,

1 Pedro 3:14

Pero ni pahirapan dikam padi maski ni maggimet kam ti tama ay pinagpala kam pade nu Diyos. Diyan kam manteng maski ni deya sakay diyan kam la mabalisa.

2 Pedro 3:11

Ni konna he u mangyare tu atanan a bagay, ay dapat kam a mabiyag a tehhod a kalinisan sakay makadiyos a kákkabiyag,

Pahayag 12:4

Kinahed nu ipos na u katállo a parte nu biton hide ti langet sakay insapwag na itod ti lutaáy. Káttapos ay timmaknág siya tu áoyadan nu bábbey a adene dán a magenak tánni itálmok na u anak tu kálluwas na.

Pahayag 7:14

Timmábbegák, “Awan ku ben tukoy. Hiko i makatukuyay.” Kaya kinagi na nikán, “Hide u nagtagumpay tu mahigpit a hirap. Mapudew dán nadid u badu de kumán a linabaan tu dige nu Tupa.