2 Timoteo 2:7 - U Maganda A Baheta Ni Jesu-Cristo

⁷ Pagisipan mo ti husto u kinagi ko niko, dipo u Diyos u mangtulung niko a mangintendi tu atanan a iye.

2 Timoteo 2:7 ပူးပေါင်းရင်းမြစ်များ

Lukas 21:15

dipo hikán i mangtolduway nikam tu tama a itábbeg moy, tánni awan ti makagi u kadima moy hide.

Lukas 24:45

Binukasan na u iisip de para maintendiyan de u Kasulatan hide.

Lukas 9:44

“Pakasanigán moy sakay pakatandaan i kagiyán kuwáy: u Anak nu Tolay ay itokyon nu tolay hide sakay masakup nu kapangyariyan nu tolay hide.”

Juan 14:26

Pero ni nakalakadák dán, u tagagiyya nikam ay u Banal a Ispirito a paangayán he nu Ama. Siya u mangtoldu nikam tu atanan a bagay sakay mángpaala-ala nikam tu atanan a kinagi ko nikam.

Juan 16:13

Pero káddemát nu Banal a Ispirito a tagapagtoldu tu tatahoden ay tulungan nakam para maintendiyan moy u atanan a tatahoden. U itoldu na ay bakán a gábwat nikuna, nan u nasaneg nala tu Diyos u kagiyán na. Sakay kagiyán na be nikam u tungkul tu bagay hide a dumemát.

Gimet 7:10

Nan tinulungan na siya tu atanan a pághirap na. Pinagpala siya nu Diyos sakay pinagkaluuben ti karunungan nikuna umatubang siya tu Faraon, u hare ti Egipto. Sakay ginimet na siya a gobernador ti Egipto sakay namahala tu bilay na.

1 Corinto 12:8

U agum nikitam ay inatádden nu Banal a Ispirito ti kakayanan a mángbaheta tu upos nu Diyos a nebagay tu kailangan nu mánnampalataya hide. U agum be ay u kakayanan a ipaliwanag u karunungan nu Diyos, pero i iye hide ay naggábwat be tu Banal a Ispirito.

Filipos 4:8

Nadid kákkapatkákka, iye u kadimodyanan a kagiyán ko nikam: u lagi moy a isipán ay u bagay hide a karapat-dapat sakay kapure-pure: u bagay hide a tatahoden, marangal, matuwid, mágkaganda a gimet, sakay kagalang-galang.

Colosas 1:9

Kaya sapul a nasaneg me iye, ay tulos-tulos me a idáddasal tu Diyos a nákwa ay ipakapos-pos na nikam ti husto u kaluuban na. Tu pamamag-itan nu karunungan sakay pággintendi a kaluub nu Banal a Ispirito.

1 Timoteo 4:15

Igimet mo iye hide a tungkulin sakay ilaan mo he u sadile mo, tánni ketan nu atanan u kállagu mo.

2 Timoteo 2:6

U masipag a nagaradu ay siya u karapat-dapat a mangalap tu purumero a bahagi nu ladáy na.

2 Timoteo 2:8

Diyan mo kalimunan ti Jesu-Cristo a huway a nabiyag, sakay gábwat tu lahe ni David. Iye u Maganda a Baheta a ipáppangaral ko,

Hebreo 12:3

Isipán moy u tiniis hide ni Jesus a hirap a gábwat tu makasalanan hide a tolay, tánni awan kam manghina ti isip.

Hebreo 13:7

Alalahanán moy u nangasiwa hide nikam, a nángpakapospos nikam tu upos nu Diyos. Isipán moy ni kodya hide a nabiyag hanggan a natay ate pánnampalataya. Ahigán moy u pánnampalataya de tu Diyos.

Hebreo 3:1

Kanya ngane kákkapatkákka ko hide ti pánnampalataya sakay kaguman tu dulaw nu Diyos, alalahanán moy ti Jesus a pinaangay he nu Diyos a puno a saserdote nu pánnampalataya tam.

Hebreo 7:4

Ina u paketaan ni sakodya ti kadakila ti Melquisedek! Inyatád nikuna ni Abraham a pinakaama nu lahe tam u ikapo nu naalap na tu gera.

Santiagu 1:5

Ni ti deya man u kulang ti karunungan ay mangaged kam tu Diyos tánni atádden na kam dipo makákkagbiyán siya awan mágkemot sakay awan na ipasanike u magaged nikuna.

Santiagu 3:15

U konna hina a karunungan ay bakán a gábwat tu Diyos nan makamundu; gábwat tu diyablo, bakán a tu Banal a Ispirito.

Santiagu 3:17

Pero u tolay a te karunungan a gábwat tu Diyos, dipalongo tu atanan, ay te maayus a kákkabiyag, masássohán ti kapayapaan sakay mapagpugád. Awan na ipilit u sadile na a kagustuwan, makákkagbiyán, masipag a maggimet ti maganda, pare-pareho u pangileng na tu atanan a tolay sakay awan mapagkunware.

1 Juan 5:20

Tukoy tam a immangay dán he u Anak nu Diyos sakay inatádden na kitam ti pággintendi tánni matukuyan tam u tatahoden a Diyos. Sakay katoy kitam tu tatahoden a Diyos, tu Anak na a ti Jesu-Cristo. Siya u tatahoden a Diyos sakay u Biyag a awan ti Kahád.