2 Timoteo 2:4 - U Maganda A Baheta Ni Jesu-Cristo

⁴ Dapat ay konna ka tu essa a sundalo a awan mák-alam tu bagay hide a awan ti kaugnayan tu pagigin sundalo. Nan pagsikapan na a mapasaya u pinuno na.

2 Timoteo 2:4 ပူးပေါင်းရင်းမြစ်များ

Lukas 8:14

U nesabug tu kasaetan ay u tolay hide a nágsaneg tu upos na pero tu kalayan ay dinaig hide nu kákkabalisa de ti biyag, kákkasoh ti kayamanan sakay págsasaya tu magkadukás hide a bagay. Kanya awan hide lummagu tu pánnampalataya de.

2 Corinto 5:9

Kaya ngani, u pinakagugusto me ay makasaya kame tu Diyos, he man ti munduwáy oni ti langet.

Galacia 5:1

Nadid, ay malaya kitamon dipo pinalaya kitamon ni Cristo tu Kautusan a nangsakup nikitam. Kaya magpakatatag kam sakay dyan dán paalipin a huway!

1 Tesalonica 2:4

Tinanggap kame nu Diyos sakay pinagkatiwalaan tu págpakapospos tu Maganda a Baheta. Inpakapospos me iye, bakán a para pasayaán u tolay hide nan u Diyos a makatukoy tu bawat puso tam.

2 Timoteo 4:10

Dipo linakadinák dán ni Demas, mas minahal na u makamundu hide a bagay, immangay siya nadid ti Tesalonica. Ti Cresente ay immangay be ti Galacia, sakay ti Tito ay immangay dán ti Dalmacia.

2 Pedro 2:20

U tolay hide a nakatukoy dán ni Jesu-Cristo a Panginoon sakay Tagapagligtas ay immadág dán tu magkadukás hide a gimet ti munduwáy. Pero ni sumole hide tu gimet a madukás sakay paalipin hide a huway ti iye, ay mas grabi pa tu date u magin kalagayan de.