2 Timoteo 2:25 - U Maganda A Baheta Ni Jesu-Cristo

²⁵ sakay tehhod siya a kahinahunan tu pángtama na tu mangkontara hide nikuna. Ta bakay tu konna he a paraan ay atádden hide nu Diyos ti pagkakataon a magsise sakay umadág tu kasalanan de hide, sakay matukuyan di pa u tatahoden.

2 Timoteo 2:25 ပူးပေါင်းရင်းမြစ်များ

Mateo 11:29

Magpasakup kam nikán konna tu essa a hayup a te paud sakay matuto kam nikán. Mabaiták sakay mapagpakumbaba kanya makaimang kamon.

Mateo 21:32

Dipo immangay nikam ti Juan sakay intoldo na u matuwid a biyag sakay awan moy siya pinaniwalaan. Pero pinaniwalaan siya nu madukás hide a tagakolekta ti buwes sakay tu belyas hide. Netan moy iye, pero awan kam padi nagsisi sakay naniwala nikuna.”

Markos 1:15

Kinagi na, “Dimmemát dán u odas sakay adene dán a maghare u Diyos. Kaya magsise kamon tu kasalanan moy hide sakay maniwala kam ti iye a Maganda a Baheta.”

Juan 5:34

Pero awan ko kailangan u patunay a gabwat tu tolay. Kinagi ko la iye para maniwala sakay maligtas kam.

Gimet 11:18

Nikuna masaneg di iye ay awan dán hide nagbaháng nan nagpure hide tu Diyos, kinagi de “Ni konna hod ay inatádden be nu Diyos u Hentil hide ti pagkakataun a magsise tu kasalanan de sakay magbagu tánni maligtas.”

Gimet 2:38

Timmábbeg ti Pedro, “Kákkapatkákka ko hide, pagsisiyan moy dán sakay adeyuwan u kasalanan moy hide, sakay magpabawtismo kam tu ngahan ni Jesu-Cristo tánni mapatawad kam tu kasalanan moy hide, sakay pagkaluuben nakam tu Banal a Ispirito.

Gimet 20:21

Impangaral ko tu Judio hide sakay tu Griego hide a dapat de adággen u kasalanan de sakay magsole tu Diyos sakay sumampalataya tu Panginoon tam a ti Jesu-Cristo.

Gimet 5:21

Nikuna kaldiwan dán ay simmáddáp hide tu templo sakay nangaral tu tolay hide. Nagipun-ipun be u pinakapuno nu saserdote hide sakay tu kaguman na hide. Dinulaw de u ama-amaan hide nu lahe hide ni Israel a kákkagiyán a Sanedrin, sakay impaalap de tu kulungan u apostol hide.

Gimet 5:31

Inyangay siya nu Diyos ti langet sakay inatádden ti kataasan a katungkulan a makaguman na a maghare ti langet. Siya u Mangsakup sakay Mángligtas nikitam. Ginimet itod nu Diyos tánni magkahod ti págkakataun u lahe hide ni Israel a magsise sakay mangaged ti tawad tu kasalanan de hide tánni mapatawad hide.

Gimet 8:22

Pagsisiyan mo u mágkadukás mo hide a gimet sakay magdasal ka tu Panginoon a patawadán naka nakwa tu balak mo a madukás.

Galacia 6:1

Kákkapatkákka ko hide, ni te nagkasala a kaguman moy, hikam a igággiyya nu Banal a Ispirito ay uhunán moy siya a pasoliyán tu Diyos. Pero magingat kam makay pate hikam ay matokso be.

1 Timoteo 2:4

Gugustu na a maligtas u atanan a tolay sakay makatukoy tu tatahoden,

1 Timoteo 6:11

Pero hiko, Timoteo, bilang tagapagserbi nu Diyos, ay umadeyo ka ti iye hide a bagay. Pilitán mo a mabiyag ti matuwid, te kabanalan, pánnampalataya, págmahal, págtiyaga, sakay kahinahunan.

2 Timoteo 3:7

Iye hide a bábbey ay gugusto de a matukuyan u ánya man a bigu a toldu pero maski nikan ay awan hide kumabeto tu tatahoden.

Tito 1:1

Mahal ko a Tito. Hikán iye ti Pablo a alipin nu Diyos sakay apostol ni Jesu-Cristo. Piniliyák na para patatagán u pánnampalataya nu pinile na hide a tolay sakay palawakán u pákkatukoy de tu tatahoden a tungkul tu kakkabiyag a ayun tu kaluuban nu Diyos.

Tito 3:2

Pagkagiyan mo hide a dyan magupos ti madukás tungkul tu agum. Sakay tolduwan mo hide a magin mahinahun sakay maáunawaán sakay mapagpakumbaba tu balang essa.

Santiagu 1:17

Atanan a mágkaganda a bagay ay inyatád nu Diyos a nanggimet tu aldew, bulan, biton ay tu langet. Sakay maskin magbagu iye a atanan ay awan siya magbabagu nikitam maskin nikan.

1 Pedro 3:15

Igalang moy ti Cristo sakay sambaán moy siya bilang Panginoon. Dapat Pirme kitam a handa a magpaliwanag tu maski ni ti deya a magtanung nikam tungkul tu pánnampalataya tam.

1 Juan 5:16

Ni ti deyaman u maketa tu kapatkákka na a naggimet ti kasalanan a awan himmayun tu kákkatay ay ipagdasal na itod a kapatkákka tu Diyos a makapangatád nikuna ti bigu a biyag. Iye ay para tu kapatkákka hide a awan himmayun u kasalanan de tu kákkatay. Dipo tehhod a kasalanan a humayun ti kákkatay, pero awan ko kagiyán a ipagdasal moy u makán gimitán ti konna hod.