2 Timoteo 2:23 - U Maganda A Baheta Ni Jesu-Cristo

²³ Iwasan mo u awan hide ti kuwenta a tábbegan dipo sangpáttán ni ina ay dimaan.

2 Timoteo 2:23 ပူးပေါင်းရင်းမြစ်များ

1 Timoteo 1:4

Sakay dyan de sássayangan i odas diye tu bida hide sakay tu listaan hide nu ginagábwatan nu dadáddikál di hide. Ta paggábwatan la iye nu pamágtalu-talu sakay awan ti metulung tu kákkabiyag nu mánnampalataya hide tu Diyos.

1 Timoteo 4:7

Dyan mo pagsayangan ti odas u awan hide ti kuwenta a bida sakay u awan tatahoden a istorya; nan sanayan mo u sadile mo a mabiyag ate kabanalan.

2 Timoteo 2:14

Ipaalaala mo nide i bagayan hidenye, sakay pagkagiyan mo hide tu pamamag-itan nu ngahan nu Diyos. A dyan hide mákpagtábbegan tu awan hide ti kabuluhan. Awan ti meatad a maganda iye hide a gimet, nan iye u mangsida tu pánnampalataya nu tolay hide a mágsaneg.

2 Timoteo 2:16

Iwasan mo u uhunan hide a malaswa sakay awan ti serbi, dipo u tolay hide a mággimet ti konna he ay lalo la hide a umadeyo tu Diyos.

Tito 3:9

Pero umadeyo ka tu awan hide ti kabuluhan a uhunan, konna tu pángsaysay tu atakdug a listaan nu nunu hide, u pamágdibate sakay pamágdadema tungkul tu Kautusan. Dipo i konna ay he a uhunan ay awan ti meatád a maganda.

Santiagu 4:1

Ánya u nagsapulan nu pamágdadema moy? Awan beman u mágkadukás a hilig u gusto a maghare tu puso moy?