2 Timoteo 2:19 - U Maganda A Baheta Ni Jesu-Cristo

¹⁹ Pero awan maare a mawan u tatahoden a toldu a gábwat tu Diyos. A konna tu pundasyon a indátton na sakay tinatakan na ti konna he, “Tukoy nu Panginoon ni deya u sakup na hide,” sakay “U tolay a sumunud tu Panginoon ay dapat ibutan na u gimet na a madukás.”

2 Timoteo 2:19 ပူးပေါင်းရင်းမြစ်များ

Mateo 24:24

Dipo te magkunware hide a Mesias sakay te pumeta a awan tatahoden a propeta. Mangpeta hide ti makataka-taka a tanda sakay kababalaghan hide para itawtaw ni maari, pate u tolay hide nu Diyos.

Mateo 28:19

Kanya angay kam sakay gimitán moy a disepulus ko u atanan a tolay tu atanan a bansa. Bawtismuwan moy hide tu ngahan nu Ama sakay nu Anak sakay tu Banal a Ispiritu.

Mateo 7:23

Sakay tábbegán ku hide ‘Awan takam matengge. Makasalanan kam, umadeyu kamon.’

Mateo 7:25

Dummemát u uden a mabegsák sakay dummakál u dinom. Sakay pinahás ti mabegsák u bilay. Pero awan la natumba dipo nakatolnák tu bito.

Markos 12:16

Inangayan di ngane ti Jesus ti pilak. Sakay nagtanung ti Jesus, “Kándeya a ngahan sakay letrato u neukit heeh?” Timmábbeg hide, “Kán Cesar a hare ti Roma.”

Markos 13:22

Dipo makpal a magwari-ware a hide u Cristo sakay te magwari-ware be a prupeta hide, sakay mángpeta bi hide ti tanda sakay makataka-taka hide a bagay tán itawtaw de ni maare pate u pinile hide nu Diyos.

Lukas 13:27

Pero kagiyán be nu Panginoon a, ‘Awan takam matengge! Umadeyo kam nikán, atanan moy a mággagimitán ti mágkadukás!’

Lukas 6:48

Konna siya tu tolay a naggimet ti bilay. Uginimet na ay nagkotkot ti tuna't kadsalad sakay impundasyon na u bilay tu dakal a bito. Nikuna a nagdakál u dinom ay dinapalis na u bilay pero awan la nagahikad dipo matibáng u kákkagimet na.

Juan 10:14

Hikán u mabait sakay matapat a pastol. Tukoy-tukuyák nu tupa ko hide. Sakay tukoy-tukuyák di be.

Juan 13:18

Awan ko makagi iye para nikam a atanan, dipo tukoy ko u pinile ko hide pero kailangan a matupad u kinagi tu Kasulatan a, ‘Intokyunák nu tolay a páppakanán ko.’

Juan 3:33

Pero u maniwala hide tu kinagi ni Jesus ay hide u mangpatunay a tatahoden u kinagi nu Diyos.

Gimet 11:26

Sakay nikuna netan na dán siya ay kinuyog na ti Antioquia. Tu buo a sa taon ay nágyan hide hod a kakaguman nu mánnampalataya hod hide sakay nangaral tu makpal a tolay. Ti Antioquia u kadipalonguwan a lugar a nangahanan a Cristiyano u mánnampalataya hide.

Gimet 15:17

tánni ehyukán sakay sambaán nu atanan a tolay u Panginoon; Sakay u atanan a Hentil a dinulaw ko para magin kao ko.

Gimet 9:14

Sakay immangay siya ti Damasco wáy, a te karapatan a gábwat tu pupuno nu saserdote hide, para dakáppán u atanan a summampalataya niko.”

Roma 11:2

Awan inadiyan nu Diyos u tolay hide a sapul pa tu sapul ay pinile na dán. Awan moy beman tukoy u kinagi na tu Kasulatan tungkul ni Propeta Elias? Dinumaing siya tu Diyos dipo tu gággimitán nu Israelita hide.

Roma 12:9

Magmahalan kam a tehhod a katapatan. Kaiyamutan moy u madukás sakay palagi kam a maggimet ti maganda.

Roma 15:20

U pinakagugusto ko ay mepangaral u Maganda Baheta tu lugar hide a awan palla nepangaral ti Cristo tánni awanák makapangaral tu lugar a tehhod dán a tarabaho a sinapulan nu iba.

Roma 15:9

Inutusan be ti Cristo tánni mepeta na u kagbi nu Diyos tu bakán hide a Judio, tánni puriyán di be u Diyos. Ayun ngane tu Kasulatan, “Puriyán taka kaguman u awan hide Judio sakay puriyán taka tu kansiyon ko.”

Roma 8:28

Tukoy tam atu atanan a bagay, ay magahikad u Diyos para tu kapiyyaan nu atanan a mangmahal nikuna. Iye u gággimitán nu Diyos tu atanan a mangyare tu tolay hide a pinili na a makaguman tu plano na.

Roma 9:11

Impakilala nu Diyos a u págpile na ay ayun tu sadile na a plano sakay bakán a tu gimet nu tolay. Dipo bagu pa a meenak u anak hide sakay bagu pa a makagimet ti maganda oni madukás,

1 Corinto 1:2

Iye a sulat ay para tu mánnampalataya hide a katoy ti Corinto a pinili na para magin kao na tu pamamag-itan nu pákpagkaessa ni Cristo Jesus. Kumonna be tu pinile hide tu atanan a lugar a dumulaw tu ngahan nu Panginoon a ti Jesu-Cristo, u Panginoon tam a atanan.

1 Corinto 8:3

Pero u mangmahal tu Diyos u kilalaán na a kao na.

2 Corinto 7:1

Nadid, mahal me hide a kákkapatkákka, nadid ta inpananto nikitam nu Diyos iye hide a bagay ay adággen tam u atanan a mágkadukás a gimet a makapangatád ti dangát tu isip tam sakay makedukás tu bággi tam. Sikapán tam a mabiyag ti banal sakay tehhod a ánteng tu Diyos.

Galacia 4:9

Pero nadid a matengge moy dán u Diyos, o mas maganda a kagiyán a, matengge kamon nu Diyos, bakin a soliyán moy dámman u baka-bakán hide a toldu ni munduwáy? Bakin a gusto moy dámman a paalipin a huway ti itod hide a bagay?

Efeso 2:20

Kumán kitam a bilay, u pundásyon ay u intoldu nu apostol sakay u prupeta hide sakay u pinakamahalaga a bito ay ti Cristo Jesus.

Efeso 3:15

Siya u Ama nu kada pamilya nu tolay a hed ti langet sakay ti lutaáy a simampalataya nikuna.

Efeso 4:30

Sakay dyan moy palungkután u Banal a Spirito, dipo siya u tanda nu Diyos nikam, sakay siya u katibayan nu kaligtasan moy káddemát nu netakda a aldew.

1 Timoteo 3:15

ni mara awanák makademát a pagdaka ay tukoy mu dán u dapat a ugale nu tolay hide a kabilang dan tu pamilya nu biyag a Diyos. Dipo intiwala nikitam u tatahoden tungkul ni Cristo a kuman a hikitam u adigi sakay pundasyon nu tatahoden.

1 Timoteo 6:19

Ti konna hod ay makapagipun hide ti kayamanan ti langet a awan mawan para tu tamuwán, sakay magkahod hide ti tatahoden a biyag.

Hebreo 11:10

Dipo áohayán ni Abraham u essa a banuwan a matibay u pundasiyon a mismo u Diyos u nagplano sakay nángtatag.

2 Pedro 3:14

Kaya ngane, mahal ko hide a kákkapatkákka, mentaras maguhay kam ti iye hide a bagay, ay pagsikapan moy a mabiyag a te kapayapaan, malinis sakay awan ti dangát tu pangileng na.

1 Juan 2:19

Maski ni date tam hide a kaguman pero awan tam hide kaessa. Dipo ni talaga a kaessa tam hide ay kakaguman tam nakwa hide nadid. Pero summina hide, kanya nángpeta la a awan tam hide talaga a kaessa.

Pahayag 17:8

U makaánteng a hayup a netan mo ay biyag tu itod pero patay dán nadid; pero lumitaw siya a huway a gábwat tu ábbut a awan ti kahád ti kadsalad sakay agad na a tamuwán u kaparusaan. Ketan siya nu tolay hide ti lutaáy a awan nakasulat u ngahan de tu libro a listaan nu tolay hide a inatádden ti biyag a awan ti kahád. Bagu a lalangán i munduway, u ngahan de ay awan nelista ti libruwan itod pákketa de tu makaánteng a hayup, hide ay magtaka, dipo tukoy de a nabuno dán siya, pero lumitaw siya a huway a biyag.

Pahayag 2:13

Tukoy ko a mámmágyan kam tu lugar a paghariyan ni Satanas, pero tulos-tulos kam padi a tapat nikán. Awan moy inadággen u pánnampalataya moy. Maski ni binuno ti Antipas, a matapat ko a tagapagserbi ti lugar moye a páppágyanan ni Satanas.

Pahayag 21:14

Sakay tehhod pa a sapulo ay ti duwwa a pundasyon u kudal nu pader sakay nakasulat hod u ngahan nu sapulo ay ti duwwa a apostol nu Tupa.

Pahayag 22:4

Ketan de u hupa na, sakay mesulat tu kidáp de u ngahan na.

Pahayag 3:8

Tukoy ko u gággimitán moy hide. Tukoy ko a sabadit la u kakayanan moy, pero sinunud moy u toldu ko sakay nagin matapat kam nikán. Nan binukasan ko u pintuwan a sáddáppan moy a awan mesiradu nu maskin ti deya.