2 Timoteo 2:18 - U Maganda A Baheta Ni Jesu-Cristo

¹⁸ Limmise hide tu tatahoden sakay Itáttoldu de a tapus kanon u kákkabiyag a huway nu tolay hide a nágkatay. Dipo ti iye ay te agum a naniwala nide kaya nasida u pánnampalataya de.

2 Timoteo 2:18 ပူးပေါင်းရင်းမြစ်များ

Mateo 15:13

Tinábbeg hide ni Jesus “Bagután nama ko a atoy ti langet u halaman hide a awan na inmula.

Mateo 22:29

Timmábbeg ti Jesus, “Liwat kam a tahod, dipo awan moy tukoy u Kasulatan hide oni u kapangyariyan nu Diyos.

Lukas 8:13

U nesabug a bine tu bito-bito hide ay u tolay hide a nágsaneg sakay masaya de a tinanggap u upos nu Diyos. Pero awan tatahoden u págtanggap de tu puso de, kaya awan nagnalay u pánnampalataya de. Tu káddemát nu pagsubuk tu biyag de ay pagdaka hide a summina.

Gimet 5:39

Pero ni gábwat tu Diyos ay awan moy itona mapugáddan sakay lumitaw la a lumaban kam tu Diyos!” Nikuna masaneg de u payo ni Gamaliel ay simmunud hide nikuna.

1 Corinto 11:19

(Talaga a magguru-gurupo kam! Pero kaluuban dámbe nu Diyos ina tánni ketan nitideya nikam u matapat?)

1 Corinto 15:12

Nadid, ni ipáppangaral me nikam a nabiyag a huway ti Cristo, bakin a kákkagiyán nu agum nikam a awan mabiyag a huway u nágkatay hide?

Colosas 3:1

Nadid, dipo nebilang kamon a nabiyag a huway a kaguman ni Cristo, ituun moy u isip moy tu bagay hide a katoy ti langet tu páppágyanan ni Cristo a mággetnod tu kawanan nu Diyos.

1 Timoteo 1:19

sakay nakwa ay lagi a mabegsak u pannampalataya mo sakay malinis u kansensiya mo. Te sangan a tolay a awan sumunud tu konsensiya de kaya u pánnampalataya de ay nasida.

1 Timoteo 6:10

Dipo u págmahal ti pilak ay paggábwatan nu atanan a madukás. Inadággan dán nu agum u pánnampalataya de dipo tu soh de a magkahod ti makpal a pilak pero garabi a kalungkutan u inyatad ni iye nide.

1 Timoteo 6:21

Tehhod a tolay a simmunud hide tu liwat a karunungan kaya nelise dán hide tu pánnampalataya. Pagpalaán kam nakwa nu Diyos.

2 Timoteo 2:14

Ipaalaala mo nide i bagayan hidenye, sakay pagkagiyan mo hide tu pamamag-itan nu ngahan nu Diyos. A dyan hide mákpagtábbegan tu awan hide ti kabuluhan. Awan ti meatad a maganda iye hide a gimet, nan iye u mangsida tu pánnampalataya nu tolay hide a mágsaneg.

Tito 1:11

Kailangan a pugáddán mo hide ti gággimitán diyan iye, dipo sássidaán de u bawat pamilya tu pamamag-itan nu itattoldu de a awan dapat a itoldu. Gággimitán di iye para la a magkahod hide ti pilak.

Hebreo 3:10

Kanya nabate de u iyamut ko sakay kinagi ko, “Pirme hide a sumuway nikán, awan di dán sunudán u kagiyán ko.”’

Santiagu 5:19

Kákkapatkákka ko hide, ni tehhod a essa nikam a nehiwalay tu tatahoden ay maganda ni maakit moy siya a huway.

1 Juan 2:19

Maski ni date tam hide a kaguman pero awan tam hide kaessa. Dipo ni talaga a kaessa tam hide ay kakaguman tam nakwa hide nadid. Pero summina hide, kanya nángpeta la a awan tam hide talaga a kaessa.