2 Timoteo 2:16 - U Maganda A Baheta Ni Jesu-Cristo

¹⁶ Iwasan mo u uhunan hide a malaswa sakay awan ti serbi, dipo u tolay hide a mággimet ti konna he ay lalo la hide a umadeyo tu Diyos.

2 Timoteo 2:16 ပူးပေါင်းရင်းမြစ်များ

1 Corinto 15:33

Dyan kam padaya, dipo “U madukás a kaguman ay makasida ti mágkaganda a ugale.”

1 Corinto 5:6

Dyan kam magmadakál. Awan moy beman tukoy a u madukás a gimet ay kumán a u págpaalsa ti tinapay? Dipo maski ni badit la ay meahes u atanan.

1 Timoteo 1:9

Tukoy tam be a u Kautusan ay bakán a para tu mágkabait a tolay, nan para tu awan hide sumássunud tu batas sakay tu loko hide. U Kautusan be ay para tu awan hide tumenggi tu Diyos sakay tu makasalanan hide, tu awan hide masoh a magin banal sakay tu awan hide ti galang tu Diyos. U Kautusan ay para be tu mámmuno hide tu dáddikál de sakay tu agum pa a mágbabonu hide,

1 Timoteo 4:7

Dyan mo pagsayangan ti odas u awan hide ti kuwenta a bida sakay u awan tatahoden a istorya; nan sanayan mo u sadile mo a mabiyag ate kabanalan.

1 Timoteo 6:20

Timoteo, pakaingatan mo u nepagkatiwala niko. Sakay adeyuwan mo u awan hide ti pinagseserbiyan a uhunan a awan neayun tu kagustuwan nu Diyos, sakay u pángngatuwiran a liwat, a tu pangileng de ay karunungan.

2 Timoteo 2:14

Ipaalaala mo nide i bagayan hidenye, sakay pagkagiyan mo hide tu pamamag-itan nu ngahan nu Diyos. A dyan hide mákpagtábbegan tu awan hide ti kabuluhan. Awan ti meatad a maganda iye hide a gimet, nan iye u mangsida tu pánnampalataya nu tolay hide a mágsaneg.

2 Timoteo 2:21

Ni deya man u umadeyo tu gimet a madukás ay konna siya tu kagamitan a gággamitán tu mágkahalaga a ukásyon. Inlaan na u sadile na para tu Panginoon sakay nakahanda a lagi a maggimet tu atanan a mágkaganda a gimet.

2 Timoteo 3:13

Pero u tolay hide a mágkadukás sakay mapagkunware ay lalo pa a magpakadukás. Tulos-tulos hide a maglinlang. Pero awan de tukoy a pate hide ay nalinlang be.

Tito 1:11

Kailangan a pugáddán mo hide ti gággimitán diyan iye, dipo sássidaán de u bawat pamilya tu pamamag-itan nu itattoldu de a awan dapat a itoldu. Gággimitán di iye para la a magkahod hide ti pilak.

Tito 1:14

sakay dyan dán hide mágsaneg tu bida nu Judio hide a awan ti pinagseserbiyan oni tu toldu nu tolay hide a immadág tu tatahoden.

Tito 3:9

Pero umadeyo ka tu awan hide ti kabuluhan a uhunan, konna tu pángsaysay tu atakdug a listaan nu nunu hide, u pamágdibate sakay pamágdadema tungkul tu Kautusan. Dipo i konna ay he a uhunan ay awan ti meatád a maganda.

Hebreo 12:15

Pakabantayan moy a awan adággen nu deya man nikam u pagmahal nu Diyos. Dyan kam magmula ti saket ni isip a makapangpadukás tu agum.

2 Pedro 2:18

Dipo u pangisip de ay tunay hide ti kalalake, pero awan labe ti seserbi u kákkagiyán de. Kákkagiyán de a awan madukás u kássunud tu kagustuwan nu pilas. Kanya maakit de a maggimet a huway ti madukás u bigu palla hide a immadág tu date de a madukás a kákkabiyag.

2 Pedro 2:2

Sakay makpal hide a maakit a mánnampalataya a sumunud tu gimet de a malaswa. Kaya dipo he ay hamak-hamakán nu awan hide mánnampalataya u pánnampalataya tam ni Cristo.

Pahayag 13:14

Sakay dipo tu makataka-taka hide a impagimet nikuna nu purumero a makaánteng a hayup ay nalinlang na u katolayan. Inutusan na u katolayan a maggimet ti rebulto nu purumero a makaánteng a hayup, a natalinguwan ti áttak pero nabiyag pade.

Pahayag 13:3

U essa tu ulo hide nu makaánteng a hayup ay tehhod a talingo a ngahe-ngahe na dán a katayan, pero nagpiyya itod. Kanya himmanga u atanan a tolay ti munduwáy tu nangyare kaya simmunud hide nikuna.