2 Timoteo 2:13 - U Maganda A Baheta Ni Jesu-Cristo

¹³ Maski ni awan kitam tapat, ay tapat padi siya a lagi. Dipo u ugale na ay awan pabagu-bagu.”

2 Timoteo 2:13 ပူးပေါင်းရင်းမြစ်များ

Mateo 24:35

Mawan u langit sakay u luta pero u upos ko hide ay awan mawan.”

Roma 3:3

Maski ni awan maniwala u sangan nide tu pananto nu Diyos, u gusto na beman a kagiyán ay awan dán tapat u Diyos tu págtupad na tu pananto na hide?

Roma 9:6

Awan na gusto a kagiyán a awan natupad u pananto nu Diyos, dipo awan hide simmapalataya, dipo awan atanan a gábwat ti Israel ay kaguman tu banuwan a pinile na.

1 Corinto 1:9

Matapat u Diyos a nangdulaw nikam tánni mákpagkaessa tu Anak na a ti Jesu-Cristo a Panginoon tam.

1 Tesalonica 5:24

Matapat u Diyos a nangdulaw nikam kaya tupadán na iye a talaga.

2 Tesalonica 3:3

Matapat u Panginoon. Atádden na kam ti begsak ni pannampalataya sakay ingatan na kam para awan kam matalo ni Satanas.

Tito 1:2

U pánnampalataya sakay pakkaunawa a iye u mangatád tu pag-asa tam a matanggap tam u biyag a awan ti kahád a inpananto nu Diyos bagu na a linalang i munduwáy. Siya u Diyos a awan mágbule-bule.

Hebreo 6:18

Awan magbabagu oni magbule-bule u Diyos ti duwwaan iye a bagay: U pananto na sakay u sinumpaan na. Kanya hikitam a nagpasakup tu Diyos ay matibay u isip tam a umasa tu inpananto na.