2 Timoteo 2:10 - U Maganda A Baheta Ni Jesu-Cristo

¹⁰ Kaya pagtiisan ko u atanan a bagay alang-alang tu pinile hide nu Diyos tánni magkahod be hide ti kaligtasan sakay biyag a awan ti kahád a gábwat ni Cristo Jesus.

2 Timoteo 2:10 ပူးပေါင်းရင်းမြစ်များ

Mateo 24:22

Sakay u tatahoden ni awan paapehetan nu Diyos i panahon an itod ay awan ti maligtas. Pero para tu tolay hide nu Diyos ay ipaapehet na u panahon”.

Mateo 24:24

Dipo te magkunware hide a Mesias sakay te pumeta a awan tatahoden a propeta. Mangpeta hide ti makataka-taka a tanda sakay kababalaghan hide para itawtaw ni maari, pate u tolay hide nu Diyos.

Mateo 24:31

Tu mabegsák a tánnog nu tambuli, iyutus na tu anghel na hide a angay tu buo a mundo sakay pisanan de u tolay hide nu Diyos.”

Lukas 18:7

U Diyos pa wád u awan mángsuhog tu pinile na hide a mákkekakagbi nikuna ti aldew ay ti gibi. Paguhayán na beman wád hide ti malay a panahun?

Lukas 22:57

Pero impamen ni Pedro, kinagi na, “Aha! Awan ko siya matengge!”

Juan 11:52

Sakay bakán la a tu bansa de, nan para tu atanan a anak nu Diyos a nekalat tu buu a mundu, para hide ay ipunán sakay pagessaán.

Juan 17:24

Ama, gusto ko a makaguman tu angayan ko u tolay hide a inyatád mo nikán, tán ketan di be u karangalan a inyatád mo nikán, dipo mahalák mo bagu pa a nilalang i munduway.

Juan 17:9

Ipagdasal ko hide. Awanák magdasal para tu taga-mundu hide nan para tu inyatád mo hide nikán, dipo kao mo hide.

Roma 2:7

Atádden na ti biyag a awan ti kahád u tolay hide a magsumikap a maggimet ti maganda, a u gusto de ay maalap u karangalan, papure a gábwat tu Diyos sakay biyag a awan ti kamatayan.

Roma 9:23

Ginimet na iye tánni ipeta na u awan ti kapareho a kadakilaan na tu tolay hide a kinahabagen na, a tu itod pa ay inhanda na dán para parangalan na.

1 Corinto 1:21

Sigun tu karunungan nu Diyos, ay awan na impahintulut a matukuyan siya nu tolay tu pamamag-itan nu karunungan ni munduwan iye. Nan, inligtas na u manalig hide nikuna tu pamamag-itan nu Maganda a Baheta a ipáppangaral me a tu pangileng nu agum ay awan ti kabuluhan.

1 Corinto 9:22

Ni hikán ay hod tu mágkahina hide ti pánnampalataya ay mákbagayák para mapabegsák ko hide ni Cristo. Nákbagayák tu atanan a tolay, tánni maskin tu ánya a paraan ay maakit ko u agum nide a sumampalataya ni Jesu-Cristo para maligtas hide.

2 Corinto 1:6

Ni maghirap man kame, ay para iye tu kasayaan sakay tu kaligtasan moy. Ni paha-pahaán kame, ay mapaha-paha kam be sakay bumegsák kam be tánni matággád moy u kahirapan a dáddanasán moy a konna nikame.

2 Corinto 12:15

Masayaák maski ni iyatád ko u atanan a hod nikán sakay maski ni iyalay ko u biyag ko para tu kapiyyaan moy. Ni minahal takam ti husto, bakin awanák moy mamahal ti konna hod?

2 Corinto 4:15

Dipo u atanan nu págtiis me ay para tu kapiyyaán moy, tánni lalu pa a kumáppal u tolay a makatanggap tu págpapala nu Diyos. Para makpal be u magpasalamat sakay magpure nikuna.

2 Corinto 4:17

Dipo u pághirap a nadanas me nadid, ay pangsandaliyan la sakay awan masiyadu a madágge. Dipo tukoy me a tehhod a inhanda a dakál a gantimpala u Diyos para nikame. Iye ay manatile a magpakahanggan sakay awan mapantayan.

Efeso 3:13

Kanya dyan kam nakwa manghina dipo tu nabaheta moy a pághirap ko he para nikam. Iye a pághirap ay para tu kapiyaan moy.

Colosas 1:24

Masayaák tu pághirap ko nadid dipo tukoy ko a para iye tu ikapiya moy. I pághirap ni bággi kuwáy nadid ay pángtulos-tulos tu pághirap ni Cristo para tu mánnampalataya hide a magebággi na.

Colosas 1:27

Ginusto nu Diyos a ihayag tu atanan a tolay u dakila sakay makataka-takaan iye a planu na, a awan ti agum nan ti Cristo a katna nikam. Dipo nikuna ay nakasigudu kitam tu pag-asa tam a makaguman kitam tu kahariyan nu Diyos.

1 Tesalonica 5:9

Awan kitam pinile nu Diyos para parusaan nan para iligtas na kitam tu pamamagitan nu Panginoon tam a ti Jesu Cristo.

2 Tesalonica 2:14

Dinulaw kam nu Diyos tu pamamag-itan nu Maganda a Baheta a intoldu me nikam, para makaguman moy be u Panginoon tam a ti Jesu-Cristo tu kaluwalhatiyan na.

2 Timoteo 1:1

Iye a sulat ay gábwat nikán a ti Pablo a apostol ni Cristo Jesus ayun tu kaluuben nu Diyos para ipangaral u nepananto a biyag a matanggap tam tu pamamag-itan ni Cristo Jesus.

2 Timoteo 2:1

Nadid, Timoteo a anak ko ti pánnampalataya, magpakatatag ka, tu pamamag-itan nu pakpagkaessa tam ni Cristo Jesus.

2 Timoteo 2:3

Mákpagtággád ka tu hirap, bilang essa a tapat a sundalo ni Cristo Jesus.

Tito 1:1

Mahal ko a Tito. Hikán iye ti Pablo a alipin nu Diyos sakay apostol ni Jesu-Cristo. Piniliyák na para patatagán u pánnampalataya nu pinile na hide a tolay sakay palawakán u pákkatukoy de tu tatahoden a tungkul tu kakkabiyag a ayun tu kaluuban nu Diyos.

1 Pedro 2:10

Tu itod ay bakán kam palla a sakup nu Diyos pero nadid ay sakup na kamon. Awan nikam tu itod u kagbi nu Diyos, pero nadid ay hod dán nikam u kagbi na.

1 Pedro 5:10

U Diyos a naggábwatan nu Págpapala, siya u nangpile nikam tu pamamag-itan ni Jesu-Cristo tánni makabahagi nakam tu kapuriyan na a awan ti kahád, kaguman ni Cristo. Pero ipakultad napa a magtággád kam ti hirap tu sabadit a panahun, tánni gimitán nakam a ganap, sakay siya u mangpabegsák ti isip moye, sakay mangpatatag tu pánnampalataya moy nikuna.