2 Timoteo 2:1 - U Maganda A Baheta Ni Jesu-Cristo

¹ Nadid, Timoteo a anak ko ti pánnampalataya, magpakatatag ka, tu pamamag-itan nu pakpagkaessa tam ni Cristo Jesus.

2 Timoteo 2:1 ပူးပေါင်းရင်းမြစ်များ

1 Corinto 16:13

Magin handa kam sakay magpakatatag tu pánnampalataya moy. Magpakatapang kam sakay magpakatibay.

Efeso 6:10

Iye u dimodyan ko a kagiyán: Magpakatibay kam tu pánnampalataya moy tu Panginoon tu pamamag-itan nu dakila na a kapangyariyan.

Filipos 4:13

Magimet ku iye a atanan dipo tu begsák a inyatád nikán ni Cristo.

1 Timoteo 1:18

Anak ko a Timoteo, iyintrega ko niko i bagayan iye ayun tu nehula dán tungkul niko. Tánni tu pangtupad mo ti hidenye ay magkahod ka ti tapang a umatubang tu kumontara hide tu tama a toldu,

1 Timoteo 1:2

Para ni Timoteo a tatahoden ko a anak ti pánnampalataya: Magkahod kam nakwa ti págpapala, kagbi, sakay ti kapayapaan a gábwat tu Diyos a Ama sakay ni Jesu-Cristo a Panginoon tam.

2 Timoteo 1:1

Iye a sulat ay gábwat nikán a ti Pablo a apostol ni Cristo Jesus ayun tu kaluuben nu Diyos para ipangaral u nepananto a biyag a matanggap tam tu pamamag-itan ni Cristo Jesus.

2 Timoteo 1:2

Para ni Timoteo a mahal ko a anak: Magkahod ka nakwa ti pagpapala, kagbi, sakay kapayapaan a gábwat tu Diyos a Ama sakay ni Cristo Jesus a Panginoon tam.

2 Timoteo 1:7

Dipo u Banal a Ispirito a inyatad nikitam nu Diyos ay bakán a ispirito nu ánteng nan Ispirito nu kapangyariyan, págmahal sakay págpugád ti sadile.

2 Timoteo 2:10

Kaya pagtiisan ko u atanan a bagay alang-alang tu pinile hide nu Diyos tánni magkahod be hide ti kaligtasan sakay biyag a awan ti kahád a gábwat ni Cristo Jesus.

2 Timoteo 4:17

Pero awanák pinabayan nu Diyos, inataddinák na ti begsak isip tánni mepakapospos ko tu Hentil hide a mágsaneg tu upos na. Kaya naligtasák tu hatul nu kamatayan.

2 Pedro 3:18

Pero lumagu kam tu kagbi nu Diyos sakay tu pákkatukoy moy tu Panginoon tam sakay Tagapagligtas a ti Jesu-Cristo. Puriyán siya nadid sakay magpakahanggan! Amen.