2 Timoteo 1:3 - U Maganda A Baheta Ni Jesu-Cristo

³ Magpasalamaták tu Diyos a pagserbiyan ko ti tapat, konna tu ginimet nu nuno ko hide. Awan taka kalimunan a ipagdasal aldew ay ti gibi.

2 Timoteo 1:3 ပူးပေါင်းရင်းမြစ်များ

Lukas 2:37

sakay nadid ay walo a pulo ay ti áppat dán a taon a nabilo. Lagi siya tu Templo aldew ay ti gibi a mágpapuriyán tu Diyos tu pamamag-itan nu págkakulasyon sakay pakándasal.

Gimet 22:3

“Hikán ay essa a Judio, neenakák ti Tarso nu Cilicia pero dimmakállák he ti Jerusalemáy. U maisto ko ay ti Gamaliel mahigpiták na a tinolduwan tu Kautusan nu ninuno tam hide. Sakay mahigpit tu itod u págserbi ko tu Diyos, konna nikam.

Gimet 23:1

Nadid, lináttángngan ni Pablo u pinuno hide, sakay kinagi na, “Kákkapatkákka ko hide, tukoy nu Diyos a natupad ko u atanan a gusto na a gimitán ko a maganda u kaluuban ko hanggan nadid a aldew.”

Gimet 24:14

Pero aminán ko a sumássampalatayaák tu Diyos nu nuno me hide sigun tu intoldu ni Jesus a kákkagiyán de a liwat a rilihiyon. Pero maniwalaák be tu atanan nu nakasulat tu Kautusan ni Moises sakay tu atanan a insulat nu prupeta hide.

Gimet 24:16

Kanya gimitán ko u atanan nu makaya ko tán awanák magkasala tu atubang nu Diyos sakay tu tolay hide.

Gimet 26:4

Tukoy nu Judio hide ni kodyaák a nabiyag sapul pa nikuna anakák, tu sadile ko a lugar sakay ti Jerusalem.

Gimet 27:23

Dipo pimmeta nikán tu gibi he u anghel nu Diyos. U Diyos a sássambaán ko sakay pagserbiyan.

Roma 9:1

Nadid, hikán a mánnampalataya ni Cristo ay te kagiyánák nikam. Tatahoden u kagiyán ko awanák magbule-bule, sakay u Banal a Ispirito u mangpatunay a malinis u konsensiya ko a tatahoden u kagiyán ko.

2 Corinto 1:12

Essa a bagay u mepagmadakál me: nabiyag kame ti matuwid sakay tapat tu atubang nu atanan a tolay, lalu dán nikam. Nagimet mi iye dipo tu kagbi nu Diyos bakán a tu pamamag-itan nu karunungan nu mundu. Sakay mapatunayan nu isip me a tatahoden u ipagmadakál me.

Galacia 1:14

Sakay tungkul be tu págsunud tu relihiyon me a Judio ay mas lamangák, nan tu kaidad ko hide, dipo talaga a sinunud ko ti husto u kaugaliyan a naggábwat tu ninuno me hide.

Efeso 1:16

ay awanák ti imang a mágpapasalamatán tu Diyos dipo nikam. Sakay palagi takam la a idáddasal.

1 Tesalonica 3:10

Idáddasal me ti husto aldew ay ti gibi a nakwa ay magketa kitam a huway tánni madagdagen ni anyaman u kulang pa tu pánnampalataya moy.

1 Timoteo 1:19

sakay nakwa ay lagi a mabegsak u pannampalataya mo sakay malinis u kansensiya mo. Te sangan a tolay a awan sumunud tu konsensiya de kaya u pánnampalataya de ay nasida.

1 Timoteo 1:5

U layunin ni bilinan iye ay magkahod kitam ti págmahal a gábwat tu malinis a puso, malinis a isip, sakay ti matapat a pánnampalataya.

1 Timoteo 5:5

U tatahoden a bilo a bábbey ay u mággeessa dálla ti kákkabiyag sakay u Diyos dálla u áasaan na, kaya makándasalán siya aldew ay ti gibi.

2 Timoteo 1:5

Awan ko malimunan u tapat mo a pánnampalataya a konna tu pánnampalataya nu apo mo a bakás a ti Loida sakay nena mo a ti Eunice. Sakay hanggan nadid, ay siguraduwák a konna palla hod u pánnámpalataya mo.

2 Timoteo 3:15

Sakay sapul pa a anak ka ay tukoy mo dán u Banal a Kasulatan. Iye u makapangatád niko ti karunungan para magkahod ka ti kaligtasan tu pamamag-itan nu pánnampalataya ni Cristo Jesus.

Hebreo 13:8

Maski nikan ay awan magbabagu ti Jesu-Cristo. Ni ánya siya tu itod ay konna labe siya nadid sakay hanggan-hanggan.