2 Timoteo 1:16 - U Maganda A Baheta Ni Jesu-Cristo

¹⁶ Pagpalaán nakwa nu Diyos u pamilya ni Onesiforo; dipo pirmiyák na a angay bisitaán sakay pasayaán. Awanák na ikasanike maskin piresuwák.

2 Timoteo 1:16 ပူးပေါင်းရင်းမြစ်များ

Mateo 25:17

Kona labe tu nakaalap ti duwwa a libo ay tummubo be u pilak na ti duwwa a libo.

Mateo 5:7

Pinagpala nu Diyos u makákkagbiyán tu agum, dipo hide u kagbiyan nu Diyos.

Gimet 21:33

Immadene u pinuno sakay dinakáp na ti Pablo, sakay pinapungo na ti duwwa a kadena. Sakay tinanung na u tolay hide, “Deya i tolayan iye? Ánya ginimet naay?”

Gimet 28:20

Impadulaw takam dipo gusto takam a ketan sakay para makagi ko nikam a kanyaák a hod he a nakapireso dipo tu pánniwala ko ni Jesus a pag-asa nu Israelita hide.”

1 Corinto 16:18

Hide u nangpasaya nikán, sakay konna be nikam. Pahalagaan moy u konna hina hide a tolay.

Efeso 6:20

Dipo inutusanák nu Diyos para ipangaral u Maganda a Baheta sakay iye u dahilan ni bakin a nakapiresuwák nadid. Kaya ipagdasal moy a mepahayag ko iye a tehhod a begsák isip dipo iye u nerarapat.

2 Timoteo 1:12

Ina u dahilan kaya maghirapák ti konna he. Pero maskin konna pa man hod u nangyare nikán, ay awan ko iye ikasanike. Dipo tukoy ko nitideya u sinampalatayaan ko sakay siguraduwák a awan na pabayan u impagkatiwala ko nikuna hanggan tu aldew a kássole na.

2 Timoteo 1:17

U tatahoden, tu káddemát na ti Roma ay piliták na a inehyok hanggan a netanak na.

2 Timoteo 1:18

Kagbiyan nakwa siya nu Panginoon káddemát nu aldew a Pághatul na. Tukoy-tukoy mo labe ni kodya siya a nagserbi nikán ti Efeso.

2 Timoteo 1:8

Kaya dyan mo ikasanike a magpatunay tu Panginoon tam oni tu kákkepireso ko alang-alang nikuna. Nan mákpagtiis ka tu hirap dipo tu págtoldu tam tu Maganda a Baheta. Ta atadden ka nu Diyos ti begsak a gimitan iye.

2 Timoteo 4:19

Ikumustaák mo dálla tu magkabanga a di Priscila sakay ti Aquila, sakay tu pamilya ni Onesiforo.

Filemon 1:20

Kaya kapátkákka, pagustuwanák mu pay ti kagiyán kuwáy alang-alang tu Panginoon. Pasayaánnák pay bilang kapatkákka mo ni Cristo.

Filemon 1:7

Dipo tu págmahal mo, kapatkákka a Filemon, ay nasayaák sakay napabegsákkák. Dipo be niko ay napabegsák u mánnampalataya hide.

Hebreo 10:34

Nákpagtiis kam tu pághirap nu nágkepireso hide. Sakay tinanggap moy a te kasayaan nikuna a inagew de u ari-ariyan moy, dipo tukoy moy a tehhod kam a mas maganda sakay awan mawan a ari-ariyan u nelaan nikam.

Hebreo 6:10

Dipo matapat u Diyos. Awan na kalimunan u gimet moy sakay u págmahal moy nikuna tu pamamag-itan nu págserbi moy tu kákkapatkákka moy hide a Kristiyano, a hanggan nadid ay gággimitán moy pade.