2 Timoteo 1:10 - U Maganda A Baheta Ni Jesu-Cristo

¹⁰ Sakay nehayag la iye nikuna dumemát ti Cristo Jesus a Tagapagligtas tam. Natalo na u kamatayan sakay inhayag na ate hod a biyag a awan ti kahad tu pamamag-itan nu Maganda a Baheta.

2 Timoteo 1:10 ပူးပေါင်းရင်းမြစ်များ

Lukas 11:36

Dipo ni maganda u katoy tu isip mo ay awan ka maggimet ti madukás. Magdemlag iye a kumán a dáddemlagan nu essa a mademlag a simbuwan.”

Lukas 13:7

Kaya kinagi na tu mágbantay tu ubasan, ‘Tálluwák dán he a taon a makánsoli-soliyán tán ilingan ni te bunga dán kayuwan iye, pero awanák padi ti keketan. Maganda ben wád ni pukanán mu dálla iye ta makasiwal la ti agumáy a mula.’

Lukas 2:11

Dipo neenak nadid a aldew ti Betlehem tu banuwan ni David u Tagapagligtas, u Cristo a Panginoon.

Juan 1:9

U tunay a demlag ay ti Jesu-Cristo. Immangay he siya ti munduway para demlagan u isip nu tolay hide.

Juan 14:6

Timmábbeg ti Jesus nikuna, “Hikán u dilan, u tatahoden, sakay u biyag. Awan ti makaangay tu Ama ni awan tu pamamag-itan ko.

Juan 20:31

Pero i libruwan iye ay nesulat para maniwala kam a ti Jesus u Cristo a Anak nu Diyos. Ni maniwala kam nikuna, ay magkahod kam ti biyag a awan ti kahád.

Juan 4:42

Kinagi nu tolay hide tu bábbey, “Maniwala kame dán nadid, bakán la tu pángpatunay mo, nan dipo hikame dán a mismo u nakasaneg nikuna. Natukuyan mi nadid a siya u Tagapagligtas nu tolay ti munduway.”

Juan 5:40

pero umád moy a umadene nikán para maalap moy nakwa u biyag a awan ti kahád.”

Gimet 13:23

Gábwat tu lahe ni lállakeyan iye u inpananto nu Diyos tu lahe hide ni Israel a Tagapagligtas.

Gimet 5:31

Inyangay siya nu Diyos ti langet sakay inatádden ti kataasan a katungkulan a makaguman na a maghare ti langet. Siya u Mangsakup sakay Mángligtas nikitam. Ginimet itod nu Diyos tánni magkahod ti págkakataun u lahe hide ni Israel a magsise sakay mangaged ti tawad tu kasalanan de hide tánni mapatawad hide.

Roma 16:26

pero nadid ay nehayag dán tu atanan a tolay tu pamamag-itan nu insulat nu prupeta hide. Iye ay ayun tu utus nu awan ti kamatayan a Diyos, tánni u atanan nu tolay ay manampalataya sakay sumunud nikuna.

Roma 2:7

Atádden na ti biyag a awan ti kahád u tolay hide a magsumikap a maggimet ti maganda, a u gusto de ay maalap u karangalan, papure a gábwat tu Diyos sakay biyag a awan ti kamatayan.

Roma 3:31

U gusto na beman a kagiyán ay bali-awanán mi dán u Kautusan? Awan! Dipo u tatahoden ay mas lalo mi pa a tinupad u layunin nu Kautusan.

Roma 6:6

Tukoy tam a u date tam a pagkatolay ay nepako dán tu kudus a kaguman ni Cristo, tánni matay u makasalanan tam a bággi, tánni awan kitamon maalipin pa nu kasalanan.

1 Corinto 15:26

U kadimodyanan a kadima a taluwán na ay u kamatayan.

1 Corinto 4:5

Kaya bakán a hikitam u magkagi ni tama oni madukás u essa a tolay. Maguhay kam tu tama a panahun, dipo u Panginoon u maghatul káddemát na. Iluwas na u bagay hide a netagu tu kadiklamman sakay ikagi na u lihim hide a plano nu balang essa. Ti panahunan iye, balang essa ay tumanggap ti papure a karapat-dapat nikuna a gábwat tu Diyos.

2 Corinto 5:4

Mentaras a hed palla nikitam u date tam a bággi, ay makán daingán kitam dipo tu kahirapan tam. Bakán a dipo gusto tamon a matay, nan dipo gusto tamon a mesulot u bigu a bággi, tánni u bággi a matay ay mapalitan ti bággi a awan mata-matay.

Galacia 5:4

Hikam a magpumilit a ituring nu Diyos a matuwid tu pamamag-itan nu kássunud moy tu Kautusan ay inadággen moy dán ti Cristo. Sakay inadiyan moy u kagbi nu Diyos.

Efeso 1:18

Idáddasal kube tu Diyos a nakwa demlagan nu Diyos i isip moye tánni matukuyan moy u tungkul tu asaan tam a inlaan na nikitam bilang sakup na hide. Sakay para maitendiyan moy ni sakodya ti kakpal u págpapala a inlaan na para tu pinili na hide.

Efeso 1:9

Dipo gusto na a maintendiyan tam u sekreto a plano nu Diyos, a mehayag tu pamamag-itan ni Cristo,

2 Tesalonica 2:8

Pumeta siya kapag naibut dán u mangpugád nikuna. Pero tu káddemát nu Panginoon Jesu-Cristo, ay bunuwán na i tolayan iye a masássuwayán. Puksaán na iye tu pamamag-itan la nu angás na. Sakay tunawán nu makasile a demlag a katoy nikuna tu káddemat na.

2 Timoteo 1:1

Iye a sulat ay gábwat nikán a ti Pablo a apostol ni Cristo Jesus ayun tu kaluuben nu Diyos para ipangaral u nepananto a biyag a matanggap tam tu pamamag-itan ni Cristo Jesus.

2 Timoteo 1:8

Kaya dyan mo ikasanike a magpatunay tu Panginoon tam oni tu kákkepireso ko alang-alang nikuna. Nan mákpagtiis ka tu hirap dipo tu págtoldu tam tu Maganda a Baheta. Ta atadden ka nu Diyos ti begsak a gimitan iye.

2 Timoteo 4:1

Nadid, Timoteo, tu atubang nu Diyos sakay ti Cristo Jesus a mághatul tu biyag sakay tu patay hide, tu kássole na para maghare, ay iyutus ku niko a,

2 Timoteo 4:8

Nadid ay matanggap ku dán u kurona nu pagkamatuwid. U Panginoon a makatarungan a maghatul u mangkurona nikán tu káddemát nu aldew a pághatul. Bakán la a hikán nan pati be u atanan a nangmahal ni Jesu-Cristo a maguhay tu kássole Na a huway.

Tito 2:11

Dipo impeta dán nu Diyos u kagbi na a makapangatád ti kaligtasan tu atanan a tolay.

Tito 2:13

mentras a maguhay kitam tu dakila a aldew a áasaan tam. Iye u kássole nu dakila tam a Diyos sakay Tagapagligtas a ti Jesu-Cristo.

Tito 3:4

Pero nikuna nehayag dán nikitam u págmahal sakay kagbi nu Diyos a tagapagligtas tam,

Hebreo 10:32

Isipán moy u nangyare nikam tu itod, nikuna a pákkatanggap moy tu Maganda a Baheta. Nagdanas kam ti makpal a kahirapan pero awan kam natalo.

2 Pedro 1:1

Hikán ti Simon Pedro a apostol sakay tagapagserbi ni Jesu-Cristo. Iye a sulat ay para tu atanan a tummanggap ti pánnampalataya a mahalaga. I pánnampalatayaan iye ay inyatád nikitam ni Jesu-Cristo a Diyos tam sakay tagapagligtas, dipo matuwid siya.

2 Pedro 1:11

Ni konna hod ay masaya u Diyos a mangpasáddáp nikam tu awan ti kahád a kahariyan nu Panginoon sakay tagapagligtas tam a ti Jesu-Cristo.

2 Pedro 1:3

Tu pamamag-itan nu kapangyariyan nu Diyos. Inyatád na nikitam u atanan nu kailangan tam hide tánni mabiyag kitam a te ánteng ni Jesu-Cristo. Iye ay tu pamamagitan nu pákkatukoy tam nikuna a nangdulaw nikitam para makabahagi kitam tu karangalan na.

2 Pedro 2:20

U tolay hide a nakatukoy dán ni Jesu-Cristo a Panginoon sakay Tagapagligtas ay immadág dán tu magkadukás hide a gimet ti munduwáy. Pero ni sumole hide tu gimet a madukás sakay paalipin hide a huway ti iye, ay mas grabi pa tu date u magin kalagayan de.

2 Pedro 3:18

Pero lumagu kam tu kagbi nu Diyos sakay tu pákkatukoy moy tu Panginoon tam sakay Tagapagligtas a ti Jesu-Cristo. Puriyán siya nadid sakay magpakahanggan! Amen.

2 Pedro 3:2

U gusto ko ay lagi a sumariwa tu isip moy u upos nu prupeta hide nu Diyos tu itod, sakay u utus a inyatád nu Panginoon sakay Tagapagligtas tu pamamag-itan nu apostol hide, a pinaangay na hina nikam.

1 Juan 1:2

Nikuna a mehayag dán siya a makapangatád ti biyag ay netan mi siya, pinatunayan me sakay inpangaral me nikam a hod nikuna u biyag a awan ti kahád. Sapul pa tu sapul ay kaguman dán siya nu Diyos Ama sakay pimmeta siya nikame.

1 Juan 4:14

Netan me sakay pinatunayan tu agum a pinaangay nu Ama u Anak na tán iligtas u tolay hide ti munduway.

Pahayag 18:1

Nadid, káttapos ni iye ay naketaák ti essa a anghel a pasidung a gábwat ti langet. Makapangyariyan a tahod i anghelan iye. Makasile siya dipo tu kaluwalhatiyan na kanya dummemlag u buo a mundu.

Pahayag 2:7

Ni makaintendi kam, ay pakasanigán moy u kákkagiyán nu Banal a Ispirito tu gurupo nu mánnampalataya hide. “U magtagumpay ay atádden ko ti karapatan a kuman tu bunga nu kayo a makapangatád ti biyag a katoy tu kahariyan nu Diyos.”

Pahayag 20:14

Káttapos ay imbut tu kumán a diget a apoy u Kákkatay sakay u Hades. I malawakan iye a apoy ay u kaduwwa a kamatayan.

Pahayag 22:14

Pinagpala u maglinis hide tu babadu de dipo tehhod hide a karapatan a sumáddáp tu banuwan sakay kuman tu bunga nu kayo a makapangatád ti biyag.

Pahayag 22:17

Kinagi nu Banal a Ispirito sakay u Bábbey a ikasal, “Karon he!” Sakay atanan a makasaneg ti iye ay magkagi be a, “Karon he!” Umadene u atanan a mauwaw; mangalap u masoh tu dinom a makapangatád ti biyag, awan iye ti bayad.