2 Tesalonica 2:14 - U Maganda A Baheta Ni Jesu-Cristo

¹⁴ Dinulaw kam nu Diyos tu pamamag-itan nu Maganda a Baheta a intoldu me nikam, para makaguman moy be u Panginoon tam a ti Jesu-Cristo tu kaluwalhatiyan na.

2 Tesalonica 2:14 ပူးပေါင်းရင်းမြစ်များ

Mateo 25:21

Kinagi nikuna nu amo na, ‘Malalaki! Tapat sakay mabait a utusan! Dipo nagin matapat ka tu badit a halaga, mamahala ka tu dakal a halaga. Sumáddáp ka sakay mákpagkasayaan ka nikán!’

Juan 17:22

Inatádden ko hide ti karangalan a konna tu inyatád mo nikán, para magin essa hide a konna nikita.

Juan 17:24

Ama, gusto ko a makaguman tu angayan ko u tolay hide a inyatád mo nikán, tán ketan di be u karangalan a inyatád mo nikán, dipo mahalák mo bagu pa a nilalang i munduway.

Roma 16:25

Sakay nadid, puriyán tam u Diyos a siya u makapangpatibay tu pánnampalataya moy ayun tu Maganda a Baheta a intoldu ko nikam. U Maganda a Baheta a iye ay tungkul ni Jesu-Cristo, a nelihim tu nalay dán a panahun,

Roma 2:16

Mangyare iye tu aldew a hatulan nu Diyos u atanan a sekreto nu tolay, tu pamamag-itan ni Jesu-Cristo, ayun tu Maganda a Baheta a itáttoldu ko.

Roma 8:17

Sakay bilang anak hide nu Diyos, hikitam ay tagapagmana nu Diyos sakay kaguman ni Cristo a magmana tu págpapala hide a inhanda na. Dipo ni magtiis kitam a konna ni Cristo tu itod ay dumemát u aldew a parangalan na kitam a kaguman na.

Efeso 1:18

Idáddasal kube tu Diyos a nakwa demlagan nu Diyos i isip moye tánni matukuyan moy u tungkul tu asaan tam a inlaan na nikitam bilang sakup na hide. Sakay para maitendiyan moy ni sakodya ti kakpal u págpapala a inlaan na para tu pinili na hide.

1 Tesalonica 1:5

Impakapos-pos me nikam u Maganda a Baheta a awan kame nagduwwa-duwwa, sakay bakán la a tu pággupos nan tu kapangyariyan nu Diyos sakay tu tulung nu Banal a Ispirito. Sakay netan moy ni kodya kame a nabiyag nikuna nákpágyan kami hina. Ginimet mi ina para tu kapiyaan moy.

1 Tesalonica 2:12

Pinabegsák me u isip moy, pinagkagiyan mikam sakay nákkekagbi kame nikam a mabiyag kam ti tapat tu atubang nu Diyos. Dipo siya u nangpile nikam tánni masakup kam tu kaharian na sakay tu kaluwalhatian na.

2 Timoteo 2:12

Ni pagtiisan tam u hirap sakay awan kitam umimang tu kássunud ni Jesus, Ay maghare kitam be a kaguman na. Ni ikasanike tam siya tu atubang nu tolay hide, Ay ikasanike na kitam be.

1 Pedro 5:10

U Diyos a naggábwatan nu Págpapala, siya u nangpile nikam tu pamamag-itan ni Jesu-Cristo tánni makabahagi nakam tu kapuriyan na a awan ti kahád, kaguman ni Cristo. Pero ipakultad napa a magtággád kam ti hirap tu sabadit a panahun, tánni gimitán nakam a ganap, sakay siya u mangpabegsák ti isip moye, sakay mangpatatag tu pánnampalataya moy nikuna.

2 Pedro 1:3

Tu pamamag-itan nu kapangyariyan nu Diyos. Inyatád na nikitam u atanan nu kailangan tam hide tánni mabiyag kitam a te ánteng ni Jesu-Cristo. Iye ay tu pamamagitan nu pákkatukoy tam nikuna a nangdulaw nikitam para makabahagi kitam tu karangalan na.

Pahayag 21:23

Awan dán kailangan u aldew oni u bulan para mangdemlag tu banuwan, dipo u kaluwalhatiyan nu Diyos u mangdemlag hod, sakay u Tupa u simbuwan.

Pahayag 3:21

U magtagumpay ay paetnudán ko a kasadát nu trono ko. Konna nikán a nagtagumpay, kaya nadid ay mággetnudák tu sadát nama ko tu trono na.