2 Tesalonica 1:11 - U Maganda A Baheta Ni Jesu-Cristo

¹¹ Iye u dahilan ni bakin lagi me kam a idáddasal. U dasal me ay nakwa ay magin karapat-dapat kam tu Diyos tu pángdulaw na nikam. Sakay idasal mi be a tu tulung nu kapangyariyan na ay magimet moy u atanan a mágkaganda a bagay a gusto moy a gimitán dipo tu pánnampalataya moy.

2 Tesalonica 1:11 ပူးပေါင်းရင်းမြစ်များ

Markos 4:28

U luta u magpatubu sakay magpabunga tu mula; lumuwas pa u duun na, bagu u ohay; sakay káttapos ay makpal a butil.

Lukas 12:32

“Hikam a disepulus ko hide, dyan kam manteng, maski sasangan kam la dipo gugusto nu Diyos a kaguman nakam tu kahariyan na.

Roma 1:9

Dipo tukoy nu Diyos a pagserbiyan ko ti buo a puso, tu pángngaral ko tu Maganda a Baheta tungkul tu Anak, na a palagi takam a idáddasal.

Roma 11:29

Dipo u Diyos ay awan magbabagu ti isip tu págpile na sakay págpapala.

Roma 15:14

Kákkapatkákka ko hide, maniwalaák a talaga a tunay kam ti kabaitan, te sapat a tukoy sakay marunung a magpaala-alaan tu balang essa.

Roma 8:30

Kanya u tolay hide a pinile nu Diyos tu itod pa ay dinulaw na tánni magin anak na hide, sakay u dinulaw na hide ay imbilang na hide a matuwid, sakay u imbilang na hide a matuwid ay inatádden na ti karangalan.

1 Corinto 1:8

Sakay u Diyos u mangpabegsák nikam hanggan tu katapusan, tánni demáttan kam a awan ti kapintasan tu kássole nu Panginoon tam a ti Jesu-Cristo.

Efeso 1:16

ay awanák ti imang a mágpapasalamatán tu Diyos dipo nikam. Sakay palagi takam la a idáddasal.

Efeso 1:5

ay naplanu na dán tu itod a gimitán kitam a anak na tu pamamag-itan ni Jesu-Cristo ayun tu layunin sakay tu kaluuban na.

Efeso 1:9

Dipo gusto na a maintendiyan tam u sekreto a plano nu Diyos, a mehayag tu pamamag-itan ni Cristo,

Filipos 1:6

Siguraduwán ko nikam a u maganda a gimet a sinapulan nu Diyos nikam, ay tapusán na hanggan tu aldew nu kássole ni Cristo Jesus.

Filipos 2:13

Dipo u Diyos u mangatád nikam ti soh sakay kakayanan a magimet u kaluuban na.

Filipos 3:14

Kaya magtulos-tulusák ngane a patamo tu hangganan tánni matanggap ko u gantimpala a awan ti iba nan u pángdulaw nikán nu Diyos a mabiyag ti langet tu pamamag-itan ni Cristo Jesus.

1 Tesalonica 1:3

dipo kada magdasal kame tu Diyos a Ama tam ay maisip me u maganda moy a gimet a bunga nu pánnampalataya moy ni Jesu-Cristo. Sakay u pághirap moy dipo tu págmahal sakay tu págtággád moy dipo umasa kam a sumole u Panginoon tam a ti Jesu-Cristo.

2 Tesalonica 1:5

Nadid u matibay a kassampalataya moy, ay saina u katunayan a tama u hatul nu Diyos. U keangayan ni ina a hirap moy, ay gimitán kam nu Diyos a karapat-dapat a pasakup tu kahariyan na. Kanya u págtiis moy nadid, ay alang-alang tu kahariyan na.

2 Tesalonica 2:14

Dinulaw kam nu Diyos tu pamamag-itan nu Maganda a Baheta a intoldu me nikam, para makaguman moy be u Panginoon tam a ti Jesu-Cristo tu kaluwalhatiyan na.

Hebreo 12:2

Ituun tam u pangileng tam ni Jesus a naggábwatan nu pánnampalataya tam sakay nangpatupad ti iye. Dipo tu kasayaan a magáohay nikuna ay awan na ingkasanike a matay tu kudus, sakay siya nadid ay mággetnod tu kawanan nu trono nu Diyos.

Hebreo 3:1

Kanya ngane kákkapatkákka ko hide ti pánnampalataya sakay kaguman tu dulaw nu Diyos, alalahanán moy ti Jesus a pinaangay he nu Diyos a puno a saserdote nu pánnampalataya tam.

1 Pedro 5:10

U Diyos a naggábwatan nu Págpapala, siya u nangpile nikam tu pamamag-itan ni Jesu-Cristo tánni makabahagi nakam tu kapuriyan na a awan ti kahád, kaguman ni Cristo. Pero ipakultad napa a magtággád kam ti hirap tu sabadit a panahun, tánni gimitán nakam a ganap, sakay siya u mangpabegsák ti isip moye, sakay mangpatatag tu pánnampalataya moy nikuna.

Pahayag 3:4

Konna pa man hod ay tehhod a sasangan hina ti Sardis a awan immaheg tu mágkadukás a gimet nu agum, kumán de a iningatan u badu de a malinis, kaya makaguman ko hide a nakabadu ti mapudew dipo karapat-dapat hide.

Pahayag 5:10

Sakay pinagin hare mo hide sakay saserdote para magserbi tu Diyos. Sakay maghare hide ti lutaáy.”