2 Pedro 3:17 - U Maganda A Baheta Ni Jesu-Cristo

¹⁷ Nadid ta tukoy moy dán iye, mahal ko hide a kákkapatkákka, dapat kam a mag-ingat para awan kam metaw-taw nu tolay hide a awan ti maganda a gimet. Tán para awan kam mehiwalay tu maganda moy a kalagayan tu atubang nu Diyos.

2 Pedro 3:17 ပူးပေါင်းရင်းမြစ်များ

Mateo 16:11

Bakin awan moy padi maintendiyan a bakán a tungkul tu tinapay u kinagi ko? Mag-ingat kam tu págpaalsa nu Pariseo hide sakay Saduseo.”

Mateo 16:6

Kinagi ni Jesus nide, “Mag-ingat kam tu págpaalsa nu Pariseo hide sakay Saduseo.”

Mateo 7:15

Kinagi pa ni Jesus “Umiwas kam tu awan hide tatahoden a propeta. Umangay hide nikam a mapagkunware a mabait pero matapang bál hide.

Juan 16:4

Pero kagiyán ko nikam i iye hide, para káddemát nu págdusta a gimitan de nikam ay maalaala moy a kinagi ku dán iye hide nikam. Awan ku palla kinagi nikam i bagayan iye hide tu sapul dipo kagumanák moy palla.

Gimet 2:42

Nagin masipag hide tu págsaneg sakay pággadal tu itáttoldu nu apostol hide. Lagi hide a mamaggipun-ipun bilang mátkaka. Sakay hide ay pisan-pisan a kuman sakay magdasal.

Roma 16:18

U tolay hide a konna hina ay awan magserbi tu Panginoon Jesu-Cristo, ni awan tu sadile de a hangad. Lállokuwán de la u kulang hide ti karunungan tu pamamag-itan nu mágkagaganda de a pággupos.

1 Corinto 10:12

Kaya ngane, magingat u magakala a matatag dán ti pánnampalataya, bakay matokso kam sakay magkasala.

1 Corinto 15:58

Kaya ngane, mahal ko hide a kákkapatkákka, magpakatatag kam sakay dyan manghina. Magpakasipag kam tu págserbi tu Panginoon dipo tukoy moy a awan masayang u pagud moy para nikuna.

2 Corinto 11:3

Pero mabalisaák baka malasun u isip moy sakay meadeyo kam tu tapat sakay malinis a pánnalig ni Cristo, konna ni Eva a nalinlang nu biklat.

Galacia 5:4

Hikam a magpumilit a ituring nu Diyos a matuwid tu pamamag-itan nu kássunud moy tu Kautusan ay inadággen moy dán ti Cristo. Sakay inadiyan moy u kagbi nu Diyos.

Efeso 4:14

Tánni awan kitamon konna tu anak hide a pabagu-bagu ti isip sakay alisto la a maniwala tu iba-iba a toldu nu tolay hide a mágdaya. Awan kitamon metaw-taw nu tolay hide a u gustu dila ay meangay u tolay tu baka-bakán tu pamamag-itan nu págdaya de.

Filipos 3:2

Magingat kam tu tolay hide a masássohán a maggimet ti madukás. Kumán hide a aso a magbángngal. Male u itáttoldu de dipo ipilit de a kailangan a magpature bagu hide a maligtas.

Colosas 2:5

Maski ni awanák hina, ay lagi kam tu isip ko. Masayaák dipo mapayapa u kákkabiyag moy sakay matibay u pánnampalataya moy ni Cristo.

Colosas 2:8

Magingat kam tánni awan kam madaya nu maskin deya tu pamamag-itan nu awan hide ti kabuluhan a makadaya a toldu a awan naggábwat ni Cristo, nan kagi-kagi la nu mágkatanda hide sakay nu mágkadukás a ispirito.

2 Timoteo 4:15

Magingat ka nikuna dipo matindi u págkontara na tu itáttoldu tam.

Hebreo 3:14

Dipo hikitam a atanan ay kaguman ni Cristo, ni manatile a matatag u pánniwala tam hanggan-hanggan, konna tu inpeta tam a pánnampalataya tu itod nikuna a bigu kitam palla a summampalataya nikuna.

1 Pedro 5:9

Labanan moy siya sakay magpakatatag kam tu pánnampalataya moy tu Diyos. Dipo tukoy moy labe a bakán la a hikam i magdanasay ti konna he a hirap, nan pate u kákkapatkákka moy hide tu buo a mundu.

2 Pedro 2:7

Pero inligtas nu Diyos ti Lot a essa a malinis a tolay. Nabalisa siya a tahod dipo tu gággimitán a mágkalaswa nu tolay hide a awan maki-Diyos.

2 Pedro 3:1

Mahal ko hide a kákkapatkákka, iye u kaduwwa ko a sulat nikam. Tu sulat ko hide, ay pinagsumakitan ko a lukagán u isip moy tu mágkaganda hide a gimet, tu pamamag-itan nu pág-paalaala nikam tu sangan hide a bagay.

Pahayag 2:5

Isipán moy u date moy a kalagayan; ni kodya kam a nanglamig tu pánnampalataya moy. Magsise kamon sakay gimitán moy a huway u date moy a gággimitán tu purumero. Ni awan ka magsise ay angayák hina sakay ibutan ko tu páppágyanan na u simbuwan moy.