2 Pedro 3:16 - U Maganda A Baheta Ni Jesu-Cristo

¹⁶ Tu atanan nu sulat na hide ay pirme a konna hina i paalaala naay. Tehhod a parte nu sulat na a mágkatánnáb kaya mahirap a maintendiyan. Kaya male u pángpakahulugen nu kulang hide ti karunungan. Konna be hina u gággimitán de tu agum a parte nu banal a Kasulatan, kaya dipo ti iye ay mismo a hide u mángpahamak tu sadi-sadile de.

2 Pedro 3:16 ပူးပေါင်းရင်းမြစ်များ

Mateo 15:3

Tinábbeg hide ni Jesus “Bakin hikam, nilabag moy u kautusan nu Diyos para la masunud u utus nu nunu hide?

Mateo 15:6

Kanya dipo tu kautusan nu nunu ay awan nasunud u kautusan nu Diyos.

Mateo 22:29

Timmábbeg ti Jesus, “Liwat kam a tahod, dipo awan moy tukoy u Kasulatan hide oni u kapangyariyan nu Diyos.

Filipos 3:19

Kapahamakan i sangpáttán diyay dipo u diyosán de ay u kagustuwan nu pilas de. Ipagmadakál dipa u bagay hide a dapat dipa nakwa a ikasanike sakay awan dán hide ti áisipán nan u bagay hide ti munduwáy.

Hebreo 5:11

Makpal kami pa a makagi tungkul ti bagayan iye hide, pero mahirap a ipaliwanag dipo awan kam makaintendi sakay sala moy a mágsaneg.

Santiagu 1:8

Dipo ni u essa a tolay ay magduwwa-duwwa, awan be siya mapagkatiwalaan tu gággimitán na.

1 Pedro 1:1

Hikán ti Pedro, apostol ni Jesu-Cristo, nagsulatak nikam a pinile hide nu Diyos a mákpágyan ti Ponto, Galacia, Capadocia, Asia, sakay Bitinia.

1 Pedro 2:8

Sakay nakasulat be a, “Itod labe a bito u kesángdulan sakay kehakpaan nu tolay hide.” Nesángdul hide dipo awan hide sumunud tu upos nu Diyos, sakay iye u inhanda nu Diyos para nide.

2 Pedro 2:1

Pero nagkahod be ti mágkabule a prupeta tu itod ti Israel. Sakay nadid ay konna bihod dipo tehod nikam a dumemát a mágkabule a prupeta. Magkunware hide a tatahoden u itáttoldu de nikam pero baka-bakán bal. Iye a adal de ay maka sida tu pánniwala moy. Adiyan de u Panginoon a nangtubus nide kaya bigla a dumemát u kapahamakan bilang parusa nide.

2 Pedro 2:14

Ni umileng hide ti bábbey, ay putat ti kákkasoh. Awan hide ti imang ti pakán gimet ti kasalanan sakay ipahamak dipa ti kasalanan u mágkahina hide ti pánnampalataya. Hide ay sakim. Binusong dán hide!

2 Pedro 3:14

Kaya ngane, mahal ko hide a kákkapatkákka, mentaras maguhay kam ti iye hide a bagay, ay pagsikapan moy a mabiyag a te kapayapaan, malinis sakay awan ti dangát tu pangileng na.

2 Pedro 3:2

U gusto ko ay lagi a sumariwa tu isip moy u upos nu prupeta hide nu Diyos tu itod, sakay u utus a inyatád nu Panginoon sakay Tagapagligtas tu pamamag-itan nu apostol hide, a pinaangay na hina nikam.

Judas 1:4

Nagsulaták nikam dipo tehhod a sangan a tolay a nákpisan nikam a awan moy naripara. Iye hide a tolay ay u awan hide maka-diyos; iniba de u itáttoldu nu Banal a Kasulatan tungkul tu kagbi nu Diyos, ta u rason de ay makákkagbiyán kan u Diyos kanya tulos-tulos la hide a maggimet tu kagustuwan nu pilas de. Awan de tenggiyán ti Jesu-Cristo, u kasiya-siya tam a Puno sakay Panginoon. Tu itod pa a panahun ay nesulat dán tu Banal a Kasulatan u parusa a nelaan dán nide.