2 Pedro 3:12 - U Maganda A Baheta Ni Jesu-Cristo

¹² mentaras a uhayán moy u aldew a káddemát nu Diyos. Ti aldiwan itod ay matutod u langet sakay matunaw u atanan bagay a katoy ti lutaáy.

2 Pedro 3:12 ပူးပေါင်းရင်းမြစ်များ

Mateo 16:27

Dipo pademát u Anak nu Tolay a te kapangyariyan a gábwat tu Ama na sakay kaguman na u anghel hide. Ti panahunan itona ay hatulan na u kada tolay ayun tu ginimet na.

Mateo 16:28

Kagiyán ku nikam: te sangan he nikam a awan matay hanggan a awan de ketan u Anak nu Tolay a dumemát bilang Hari.”

Filipos 1:6

Siguraduwán ko nikam a u maganda a gimet a sinapulan nu Diyos nikam, ay tapusán na hanggan tu aldew nu kássole ni Cristo Jesus.

Tito 2:13

mentras a maguhay kitam tu dakila a aldew a áasaan tam. Iye u kássole nu dakila tam a Diyos sakay Tagapagligtas a ti Jesu-Cristo.

2 Pedro 3:10

Pero u aldew a kássole nu Panginoon ay dumemát a konna tu káddemát nu essa a mágtakaw. Awan ti makatukoy! Ti aldiwan itod, u langet ay bigla a mawan a tehhod a makaánteng a galungogung. Matunaw tu apoy u atanan a bagay. Maski u luta sakay tu atanan a katoy he ay matutod.

2 Pedro 3:11

Ni konna he u mangyare tu atanan a bagay, ay dapat kam a mabiyag a tehhod a kalinisan sakay makadiyos a kákkabiyag,

2 Pedro 3:4

Sakay kagiyán de a, “Awan beman nagpananto ti Cristo a dumemát? Hadya ran siya nadid? Nágkatay dán u dáddakál me hide pero awan pade ti págbabagu sapul nikuna a lalangan i munduwáy.”

2 Pedro 3:7

Tu pamamag-itan be nu upos na, u kasalukuyan nadid a langet sakay luta ay intakda nu Diyos a tutudán ti apoy tu aldew nu pághatul sakay págparusa tu awan hide sumunud tu Diyos.

Judas 1:21

Dyan kam sumina tu págmahal nu Diyos, mentaras a maguhay kitam ni Jesu-Cristo a Panginoon tam. Siya u mángkaluub nikitam tu biyag a awan ti kahád dipo tu kagbi na.