2 Pedro 2:13 - U Maganda A Baheta Ni Jesu-Cristo

¹³ Iye u kagantiyan nu ginággimet de a madukás. Mahilig hide a maggimet ti kalaswaan maskin tu atubang nu katolayan. Dakál a kákkasanike sakay kapintasan u iyatád de nikam. Ikasaya de u págdaya de nikam mentaras hide ay kuman a kaguman moy tu pamágkasayaan moy.

2 Pedro 2:13 ပူးပေါင်းရင်းမြစ်များ

Roma 13:13

Sakay dipo katoy kitam tu demlag, mabiyag kitam ti marangal. Diyan tamon gimitán u páglasing, u magulo hide a págsaya, dyan kitam mangibábbey oni mangilállake, dyan kitam mákdima, sakay diyan kitam be maiyamut tu agum.

Efeso 5:27

Tánni meatubang na u mánnampalataya hide tu sadile na a maganda, banal, awan ti kapintasan sakay ányaman a dangát.

Filipos 3:19

Kapahamakan i sangpáttán diyay dipo u diyosán de ay u kagustuwan nu pilas de. Ipagmadakál dipa u bagay hide a dapat dipa nakwa a ikasanike sakay awan dán hide ti áisipán nan u bagay hide ti munduwáy.

2 Timoteo 4:14

Grabi't dukás u ginimet nikán ni Alejandro a mágpanday. U Panginoon dálla u bahala a magparusa nikuna tu ginimet na nikán.

Santiagu 5:5

Nabiyag kam ti sagana sakay nágpapasarapán kam la ti biyag moye ti munduwan iye. Pero tu dimodyán a aldew ay te pananagutan kam. Kumán kam a u hayup a tumabe dipo makpal a makan, pero awan na tukoy a bunuwán bál siya.

1 Pedro 4:4

Kanya, magtaka dán hide ni bakin a awan kamon mákpággagum nide tu pággimet de ti madukás, kanya sidaán dikamon sakay sestiyán.

2 Pedro 2:15

Inadággen di dán u tama a ugale a gusto nu Diyos sakay u sinunud de ay u madukás a gimet. Inaheg de ti Balaam a anak ni Beor a nagpabayad tu pággimet ti madukás.

Pahayag 18:6

Gimitán moy nikuna u ginimet na nikam, sakay dubliyán moy u pággante moy tu ginimet na nikam. U pagpahirap a gusto na a ipabate tu agum ay ipadanas moy be nikuna ti masgrabi; Kumán a putatán moy u tasa na tu áinumán a mas mapet nan tu inhanda na nikam.