2 Pedro 1:9 - U Maganda A Baheta Ni Jesu-Cristo

⁹ Pero u kulang hide ti iye a ugale ay kulang be ti pákkatukoy tu tama a pánniwala a konna tu buhák tu tatahoden. Nalimunan di dán a nalinis dán hide nu Diyos tu kasalanan de hide.

2 Pedro 1:9 ပူးပေါင်းရင်းမြစ်များ

Markos 10:21

Inileng siya ni Jesus, a tehhod a págmahal sakay kinagi na nikuna, “Essa pa a bagay u dapat mo a gimitán. Ilako mo u ari-ariyan mo sakay u pilak a naglakuwan mo ay iyatád mo tu mágkahirap hide tánni magkahod ka ti kayamanan ti langet. Káttapos ay soli ka sakay sumunud ka nikán.”

Lukas 18:22

Nikuna masaneg iye ni Jesus ay kinagi na, “Essa pa a bagay u kulang niko. Ilako mo u atanan nu kabiyagen mo sakay iyatád mo tu mágkahirap hide u naglakuwan mo tán magkahod ka ti kayamanan ti langet. Káttapos ay sole ka sakay sumunud ka nikán.”

Roma 6:11

Kanya dapat moy a ibilang u sadile moy a patay dán tu kasalanan, pero biyag para tu Diyos dipo tu pákpagkaessa moy ni Cristo Jesus.

Galacia 5:13

Nadid kákkapatkákka ko hide, dinulaw kam nu Diyos para magin malaya. Pero diyan moy nakwa gamitán u kalayaan moy para mapagustuwan la u sadile moy hide nan magserbi kam tu balang essa a tehhod a págmahal.

Galacia 5:6

Tu nákpagkaessa dán ni Jesu-Cristo ay awan dán mahalaga ni awan nature oni nature u essa a tolay. U mahalaga ay u pánnampalataya ni Cristo a ketan tu gimet dipo tu págmahal.

Efeso 5:26

Ginimet na iye para hikitam a mánnampalataya hide ay magin banal tu atubang nu Diyos dipo hikitam ay imbilang na a nalinisan dán tu pamamag-itan nu pánniwala tam tu upos na kanya hikitam ay nabawtismuwan dán tu dinom.

Tito 2:14

Inyatád na u biyag na tánni tubusán na kitam tu atanan a kadukássan tam. Sakay lininisan na kitam tánni magin kao na a tolay a magággustuwán a maggimet ti maganda.

Hebreo 9:14

Pero mas dakál u magimet nu dige ni Cristo! Tu pamamag-itan nu awan ti katapusan a Ispirito ay inyalay na tu Diyos u sadile na bilang alay a awan ti kapintasan. U digi na u manglinis tu puso ay tu isip tam tán adággen tamon u gimet hide a awan ti kabuluhan sakay pagserbiyan tam u Diyos a biyag.

1 Pedro 3:21

I dinuman itod a lonso ay sa itod u mage letrato nu págbautismo a mángligtas nikam. Tu pamamag-itan nu kákkabiyag a huway ni Jesu-Cristo. U págbawtismo a iye ay bakán a para linisán u dangát nu bággi tam nan iye ay tanda a nagsise kitamon tu kasalanan tam hide. Dipo ti iye ay maare kitamon a iligtas nu Diyos dipo ti Cristo ay huway a nabiyag.

1 Juan 1:7

Pero ni mabiyag kitam ayun tu demlag a konna tu Diyos a katoy tu demlag ay tehod kitam a pákpagkaessa tu balang essa. Sakay u digi ni Jesus a Anak nu Diyos u nanglinis tu atanan a kasalanan tam.

Pahayag 3:17

Dipo kagi moy a, ‘Mayaman kame sakay sagana tu atanan a bagay sakay awan kame dán ti iba a kailangan!’ Pero u awan moy tukoy ay lubu-lubus kam sakay kakagbi, mahirap a tahod, eklas, sakay buhák.