2 Pedro 1:8 - U Maganda A Baheta Ni Jesu-Cristo

⁸ Itona hide a ugale u kailangan a ketan tu biyag moy sakay dapat palaguwán moy, tánni u kássampalataya moy tu Panginoon Jesu-Cristo ay awan mawanan ti kabuluhan sakay mapakinabangan.

2 Pedro 1:8 ပူးပေါင်းရင်းမြစ်များ

Mateo 13:22

U bine be a neangay nadid tu kasaetan ay kaparehu na u essa a tolay a nakasaneg sakay tummanggap tu upos nu Diyos pero dipo nailongan siya nu kákkabalisa tu biyag sakay tu linlang nu kayamanan ay awan nakabunga u pánniwala na.

Mateo 20:3

Lummuwas siya a huway nikuna magalas nuwebe tu dimadimang sakay naketa siya ti agum pa a nagistambay la tu palengke.

Mateo 20:6

Nikuna a magala singko ti apon ay lummuwas dámman siya sakay naketa pa ti iba a awan be nagtrabaho. Kinagi na nide, ‘Bakin kam a nagistambay la he tu buo a maghapon?’

Mateo 25:26

‘Madukás sakay tamad a utusan!’ tábbeg nu amo na. ‘Tukoy mo bál a maggapasák tu awan ko inmula sakay maggani tu awan ko intalok!

Juan 15:2

Káttulán na u balang pinget a awan magbunga sakay linisan na u balang pinget a magbunga para mas lalu pa iye a magbunga.

Juan 17:3

Sakay sa iye u gusto a kagiyán nu biyag a awan ti kahád: u matukuyan ka nu tolay hide a hiko la u tunay a Diyos, sakay matukuyan di be u pinaangay mu he.

Juan 5:42

Tukoy takam sakay tukoy ko a awan ti puso-puso moye u págmahal tu Diyos.

Roma 12:11

Dyan kam magin tamad ni awan magpakasipag kam sakay buo a puso a magserbi tu Panginoon.

1 Corinto 15:58

Kaya ngane, mahal ko hide a kákkapatkákka, magpakatatag kam sakay dyan manghina. Magpakasipag kam tu págserbi tu Panginoon dipo tukoy moy a awan masayang u pagud moy para nikuna.

2 Corinto 13:5

Suriyán moy u sadile moy tánni matukuyan moy a talaga ni tehhod kam a pánnampalataya ni Cristo; purbaan moy sadile moye. Awan moy beman tukoy a katoy nikam ti Cristo Jesus? Maliban dálla ni awan kam tunay a mánnampalataya.

2 Corinto 8:2

Nagdanas hide ti matindi a kahirapan, madággi iye a pagsubuk nide. Pero te kasayaan pade hide kaya masaya hide a mangatád ti makpal a tulung maski grabi u hirap de.

2 Corinto 8:7

Hikam a taga Corinto hide ay tanyag dipo mabegsák u pánnampalataya moy, mágkalalake kam a mangaral, makpal kam a tukoy, masipag kam a magserbi tu Diyos, sakay dakál u págmahal moy nikame. Nadid, gusto ko a magin tanyag kam tu pángngatád.

2 Corinto 9:14

Kaya buo a págmahal di kam a idáddasal, dipo tu dakila a kaluub nu Diyos nikam.

Filipos 1:9

Idáddasal ko a nakwa ay lalo pa a lumagu u págmahal moy tu balang essa, sakay maaguman ti karunungan sakay madisalad a pákkatukoy.

Filipos 2:5

Nakwa magkahod kam ti pággisipan a konna ni Cristo.

Filipos 3:8

On, imbilang ko a awan ti kabuluhan u atanan a bagay bilang kapalit nu mas lalo a mahalaga, u pákkatengge ko ni Cristo Jesus a Panginoon ko. U atanan a bagay ay impalagay ku dán a awan ti kabuluhan, magpasakupák la ni Cristo,

Colosas 1:10

Para ti konna hod, mabiyag kam a karapat-dapat sakay makasaya tu Panginoon: sakay makagimet kam ti mágkaganda a gimet sakay lumawak u pákkatukoy moy tu Diyos.

Colosas 2:7

Manatile kam nikuna sakay tulos-tulos a lumagu tu pákkakilala moy nikuna. Magpakatibay kam tu pánnampalataya a netoldu nikam, sakay lagi kam a magpasalamat tu Diyos.

Colosas 3:16

U upos hide ni Cristo ay iyasák moy tu isip moy. Mamágpaala-alaan kam sakay mamágtolduwan tu balang essa ayun tu karunungan a kaluub nu Diyos. Mágkansiyon kam ti pang-ispirituwal a kansiyon a gábwat tu Diyos a te págpasalamat.

1 Tesalonica 3:12

Palaguwan pa nakwa nu Panginoon u págmahalan moy tu balang essa sakay tu atanan a tolay, konna tu págmahal mi nikam.

1 Tesalonica 4:1

Kaya ngani kákkapatkákka, essa pa a bagay u pákkekakagbi me nikam sakay ipayo tu ngahan nu Panginoon Jesus. Ipakpagguhon me nikam a mabiyag kam a ayun tu natukuyan moy nikame dipo ina u makasaya tu Diyos. Konna ngani hod u kakkabiyag moy nadid pero maspagandaan moy pa.

2 Tesalonica 1:3

Kákkapatkákka me hide, lagi kame a magpasalamat tu Diyos dipo nikam. Dapat mila iye a gimitán, dipo tulos-tulos la u kállagu nu pánnampalataya moy ni Cristo, sakay mas pa u págmahal moy tu balang essa.

1 Timoteo 5:13

Bakán la a itod nan magin tamad pa hide sakay mamilaybilay a mákpággauhon. Bakán la hide a tamad nan magin mametmet pa sakay mák-alam tu biyag nu agum sakay mággistorya tu awan dapat a iyistorya.

Tito 3:14

Sakay tolduwan mo u kákkapatkákka tam hide a Kristiyano hina a ilaan de u sadile de tu pággimet ti maganda a makatulung tu ánya man a kailangan para u biyag de ay te pagserbiyan.

Filemon 1:6

I dasal ku la a mas lalo mu pa a ipakapospos tu agum u pánnampalataya mo. Tánni lumagu u pang-unawa mo tu atanan a mágkaganda a bagay a neatád nikitam dipo he nikitam ti Cristo.

Hebreo 6:12

Kanya diyan kam magin tamad, nan ahigán moy u tolay hide a dipo tu pánnampalataya de sakay págtiis ay natanggap didan u impananto nu Diyos.

2 Pedro 1:2

Magkahod kam nakwa ti masagana a kapayapaan sakay págpapala a gábwat tu Diyos dipo tu pákkatukoy moy tu Diyos sakay tu Panginoon tam a ti Jesu-Cristo.

2 Pedro 1:3

Tu pamamag-itan nu kapangyariyan nu Diyos. Inyatád na nikitam u atanan nu kailangan tam hide tánni mabiyag kitam a te ánteng ni Jesu-Cristo. Iye ay tu pamamagitan nu pákkatukoy tam nikuna a nangdulaw nikitam para makabahagi kitam tu karangalan na.

2 Pedro 2:20

U tolay hide a nakatukoy dán ni Jesu-Cristo a Panginoon sakay Tagapagligtas ay immadág dán tu magkadukás hide a gimet ti munduwáy. Pero ni sumole hide tu gimet a madukás sakay paalipin hide a huway ti iye, ay mas grabi pa tu date u magin kalagayan de.

2 Pedro 3:18

Pero lumagu kam tu kagbi nu Diyos sakay tu pákkatukoy moy tu Panginoon tam sakay Tagapagligtas a ti Jesu-Cristo. Puriyán siya nadid sakay magpakahanggan! Amen.