2 Pedro 1:6 - U Maganda A Baheta Ni Jesu-Cristo

⁶ u karunungan ay dagdagen moy ti págpugád tu sadile; u págpugád ti sadile ay dagdagen moy ti katatagen; u katatagen ay dagdagen moy ti pagkamaka-Diyos;

2 Pedro 1:6 ပူးပေါင်းရင်းမြစ်များ

Lukas 21:19

Tu pagtiis moy ay magkahod kam ti biyag a awan ti kahád.

Lukas 8:15

Pero u nesabug tu maganda a luta ay u tolay hide a nagsaneg tu upos nu Diyos sakay u náng-asák tu puso de a te katapatan sakay kalinisan. Dipo tu págtiyaga de kaya nagbunga hide.”

Gimet 24:25

Pero nikuna ipaliwanag ni Pablo a dapat mabiyag a malinis u tolay, sakay magpugád tu sadile para awan magkasala, sakay impaliwanag nabe u tungkul tu pághatul a dumemát ay neántingan ti gobernador Felix. Kinagi na, “Maare ka dán a lumakad, ipadulaw taka dálla a huway ni tehhodák dámman a odas.”

Roma 15:4

U atanan a nesulat tu Kasulatan tu itod pa a panahun ay nesulat para tolduwan na kitam. Sakay tu pamamag-itan nu Kasulatan ay magin matatag kitam tu pánniwala sakay magkahod kitam ti pag-asa.

Roma 2:7

Atádden na ti biyag a awan ti kahád u tolay hide a magsumikap a maggimet ti maganda, a u gusto de ay maalap u karangalan, papure a gábwat tu Diyos sakay biyag a awan ti kamatayan.

Roma 8:25

Pero ni umasa kitam tu awan tam áelingan ay uhayán tam ina a tehhod a págtiyaga.

1 Corinto 9:25

Atanan nu máksale tu ayam ay kailangan a magpugád tu sadile na tu atanan a bagay. Tánni matanggap na u gantimpala na a pang-alistuwan. Pero u gantimpala a gusto tam ay u gantimpala a panghanggan-hanggan.

2 Corinto 6:4

Nan impeta me tu atanan a gimitán me a tagapagserbi kame nu Diyos: tu pamamag-itan nu págtiis tu atanan kalase nu kahirapan, kalungkutan, sakay kagipitan.

Galacia 5:23

mahinahun, sakay mapugáddan na u sadili na. U atanan a ugale a iye ay awan kontara tu Kautusan.

Colosas 1:11

Idáddasal me be a pabegsákkán nakam nakwa tu tulung nu dakila na a kapangyariyan tánni makatággád kam sakay makapagtiis tu atanan a bagay ate kasayaan.

1 Tesalonica 1:3

dipo kada magdasal kame tu Diyos a Ama tam ay maisip me u maganda moy a gimet a bunga nu pánnampalataya moy ni Jesu-Cristo. Sakay u pághirap moy dipo tu págmahal sakay tu págtággád moy dipo umasa kam a sumole u Panginoon tam a ti Jesu-Cristo.

2 Tesalonica 1:4

Kanya ipagmadakál mikam tu agum hide a mánnampalataya tu Diyos dipo tu katatagen moy sakay tu pánnampalataya moy. Mepagmadakál me be u págtiis moy tu atanan a hirap sakay tu tulos-tulos moy a kassampalataya tu Diyos maski ni makpal u mangpahirap nikam.

2 Tesalonica 3:5

Igiya kam nakwa nu Panginoon tán lalo moy a maintendiyan u tungkul tu pagmahal nu Diyos sakay tu tiyaga a gabwat ni Cristo.

1 Timoteo 2:10

Nan u mágkaganda la a gimet u nebagay tu bábbey hide a maki-Diyos.

1 Timoteo 2:2

Ipagdasal moy be u hare hide sakay tu atanan a te katungkulan tánni magkahod kitam ti tahimik a biyag sakay mapayapa, kagalang-galang sakay maka-Diyos.

1 Timoteo 3:16

Tunay ngane a maganda u impakapos-pos nu Diyos nikitam a tama a pannampalataya: Ti Jesus ay nehayag nikitam nikuna nagin tolay siya, sakay pinatunayan nu Banal a Ispirito a siya ay matuwid sakay netan nu anghel hide. Sakay nadid ay nepahayag dan tu buo a mundu u tungkul nikuna sakay tehhod a simmampalataya. Sakay siya ay inyontok ti langet ni hadya siya a maghare.

1 Timoteo 6:11

Pero hiko, Timoteo, bilang tagapagserbi nu Diyos, ay umadeyo ka ti iye hide a bagay. Pilitán mo a mabiyag ti matuwid, te kabanalan, pánnampalataya, págmahal, págtiyaga, sakay kahinahunan.

1 Timoteo 6:3

Ni deya man u magtoldu ti iba a adal, sakay awan nakaayun tu Upos nu Panginoon tam a ti Jesu-Cristo sakay tu adal hide a magresulta tu makidiyos a kakkabiyag,

1 Timoteo 6:6

Tahod ngane dakál pakinabangay tu pannampalataya tu Diyos, basta tukoy la nu tolay a makontento tu kalagayan na.

2 Timoteo 3:5

Magkukunware hide a tehhod a pánnampalataya pero awan labe ketan tu biyag de u kapangyariyan nu Diyos. Adeyuwan mo u konna he hide a tolay.

Tito 1:1

Mahal ko a Tito. Hikán iye ti Pablo a alipin nu Diyos sakay apostol ni Jesu-Cristo. Piniliyák na para patatagán u pánnampalataya nu pinile na hide a tolay sakay palawakán u pákkatukoy de tu tatahoden a tungkul tu kakkabiyag a ayun tu kaluuban nu Diyos.

Tito 1:8

Nan masaya a magpatulos, magággustuwán tu mágkaganda a gimet, mahinahun, matapat siya a mákpággagum tu kapareho na, sumássunud tu Diyos sakay te págpugad ti sadile.

Tito 2:2

Tolduwan mo u lállakay hide a magin mahinahun, kagalang-galang, mapagpugád ti sadile, matatag ti pánnampalataya, págmahal sakay matiyaga.

Hebreo 10:36

Kailangan kam a magtiis tánni masunud moy u kaluuban nu Diyos sakay matanggap moy u inpananto na.

Hebreo 12:1

Nadid ta napalebutan kitam ti makpal a tistigu, adággen tamon u kasalanan a alisto a mangtaw-taw nikitam sakay ibutan u ányaman a hadlang a mangpugád nikitam, sakay magtiyaga kitam a magtulos-tulos tu ginanan tam a intakda nu Diyos.

Hebreo 6:12

Kanya diyan kam magin tamad, nan ahigán moy u tolay hide a dipo tu pánnampalataya de sakay págtiis ay natanggap didan u impananto nu Diyos.

Hebreo 6:15

Nagtiyaga ti Abraham a naguhay, kanya natanggap na u nepananto nikuna.

2 Pedro 1:3

Tu pamamag-itan nu kapangyariyan nu Diyos. Inyatád na nikitam u atanan nu kailangan tam hide tánni mabiyag kitam a te ánteng ni Jesu-Cristo. Iye ay tu pamamagitan nu pákkatukoy tam nikuna a nangdulaw nikitam para makabahagi kitam tu karangalan na.

2 Pedro 3:11

Ni konna he u mangyare tu atanan a bagay, ay dapat kam a mabiyag a tehhod a kalinisan sakay makadiyos a kákkabiyag,

Pahayag 1:9

Hikán u kapatkákka moy a ti Juan tu pánnampalataya sakay kaguman moy tu pághirap sakay págtiis a danasán nu kaguman hide tu kaharian nu Diyos dipo tu pákpagkaessa tam ni Cristo. Neangayák tu puduk a Patmos dipo inpakapospos ko u upos nu Diyos sakay u tatahoden a inpahayag ni Jesus.

Pahayag 13:10

Ni deyaman u netakda a madakáp ay sadya a madakáp; sakay ni deyaman u netakda a matay ti áttak ay sadya a matay ti áttak. Kaya kailangan a magpakatatag sakay manalig u pinile hide nu Diyos.”

Pahayag 14:12

Kaya dapat a magpakatatag sakay magin matáttiisán u pinile hide nu Diyos, u sumássunud hide tu utus nu Diyos, sakay dapat a manatile u pánnampalataya de ni Jesus.

Pahayag 2:2

Tukoy ko u gimet moy hide, u pagud sakay u tiyaga moy. Tukoy ko a awan moy kákkonsentiyán u mágkadukás a tolay. Pero pinurbaan moy u magware-ware hide a apostol, kaya napatunayan moy a mágkabule hide.