2 Pedro 1:19 - U Maganda A Baheta Ni Jesu-Cristo

¹⁹ Kaya lalo a timmibay u pánniwala me tu inpakapospos nu prupeta hide. Kaya dapat la a pakaisipán moy iye ti husto, dipo kumán iye a simbuwan a mangdemlag tu madiham a lugar hanggan tu aldew a káddemát nu Panginoon. Kapareho siya nu biton ti dimadimang a mangatád ti demlag tu isip moy.

2 Pedro 1:19 ပူးပေါင်းရင်းမြစ်များ

Mateo 4:16

Hikam a mágyan tu kadiklámman nu kasalanan ay maketa ti dakál a demlag. U demlag u mángpeta tu dilan nu kaligtasan tu mágyan hide tu lugar nu kamatayan.”

Juan 5:35

Ti Juan ay kumán a demlag nu simbuwan a magdemlag tu itod, minasaya kam tu badit la a panahun tu demlag na.

Juan 5:39

Mággaadalán kam tu Kasulatan, ta akala moy a tu pamamag-itan ni iye ay magkahod kam ti biyag a awan ti kahád. U Kasulatan a mismo u mangpatunay tungkul nikán,

Juan 8:12

Nadid ay huway a nagupos ti Jesus tu tolay hide, “Hikán u demlag ni munduway. U sumunud nikán ay awan mabiyag tu kadiklámman, nan magkahod ti demlag tu biyag na.”

Gimet 15:29

Dyan moy kanán u neatang hide tu diyos-diyosan hide, dyan kamon kuman tu tehhod hide a dige sakay dyan moy dán kanán u hayup a nabitte. Sakay diyan kamon mangibábbey oni mangilállake. Adeyuwan moy i bagayan ina hide, dipo kapiyyaan moy u págsunud tu utus me a iye. Sigi hanggan dálla he.”

Gimet 17:11

Mas maganda a kauhon u Judio hide a taga-hod nan u Judio hide a taga-Tesalonica; dipo gugusto de a mágsaneg tu ipáppaliwanag ni Pablo. Pagadalan de ti aldew-aldew u Kasulatan para mapatunayan de ni tatahoden u kákkagiyán na.

Hebreo 2:2

Ta u impakapospos nu anghel hide a upos ay napatunayan a tatahoden, sakay u balang sumuway oni awan sumunud ay makatanggap ti karapat-dapat a parusa.

Santiagu 2:8

Ni sunudán moy u utus nu Diyos a katoy tu Kasulatan a, “Mahalán moy u kapareho moy a tolay a konna tu págmahal moy tu sadile moy a bággi,” ay nagimet moy dán u tama.

1 Pedro 1:10

U prupeta hide tu itod a nángpahayag tungkul tu kaligtasan a kaluub nikitam nu Diyos ay pinakaadal de ti husto u tungkul tu kaligtasan.

1 Juan 5:10

Ni ti deyaman u sumampalataya tu Anak nu Diyos ay maniwala ti iye a patunay. Ni ti deyaman u awan sumampalataya tu patunay nu Diyos ay ginimet na a mabule u Diyos. Dipo awan siya maniwala tu págpatunay na tungkul tu Anak na.

3 Juan 1:6

Ibábbaheta de ti simbaanáy u tungkul tu págmahal mo. Nakwa tulungan mo hide tu kailangan de tu páglakbay de tu paraan a makasaya tu Diyos.

Pahayag 2:28

Sakay iyatád ko be nikuna u talang umaga a paketan tu tagumpay na.”

Pahayag 22:16

“Hikán ti Jesus, u nangutus tu anghel ko para ipakapospos nikam a grupo nu mánnampalataya hide iye hide a bagay. Gábwaták tu lahe ni David sakay hikán u mademlag a biton ti dimadimang.”