2 Pedro 1:16 - U Maganda A Baheta Ni Jesu-Cristo

¹⁶ U impakapospos me nikam a tungkul tu kapangyariyan sakay tu káddemát a huway nu Panginoon tam a ti Jesu-Cristo ay bakán a bida a ginimi-gimet la nu tolay. Nan netan me a mismo u kapangyariyan na.

2 Pedro 1:16 ပူးပေါင်းရင်းမြစ်များ

Mateo 16:27

Dipo pademát u Anak nu Tolay a te kapangyariyan a gábwat tu Ama na sakay kaguman na u anghel hide. Ti panahunan itona ay hatulan na u kada tolay ayun tu ginimet na.

Mateo 16:28

Kagiyán ku nikam: te sangan he nikam a awan matay hanggan a awan de ketan u Anak nu Tolay a dumemát bilang Hari.”

Mateo 17:1

Nadid kállipas nu annám a aldew, kinuyog ni Jesus ti Pedro sakay u matkaka a di Santiago sakay ti Juan. Tinohbuk de u essa a malangkaw a buked.

Mateo 24:27

Dipo ni kodya magdemlag u kilat ni magginan gábwat ti sikatan hanggan ti sahámman ay konna labe hod u káddemát nu Anak nu Tolay. Ketan nu atanan sakay bigla.

Mateo 24:3

Káttapos immangay ti Jesus tu Buked nu Olibo. Alay na hod a keetnod, sekreto siya a tinanong nu disepulus na hide, “Nikan beman a mangyari i bagayan ina hide? Anya u magin palatandaan nu kássoli mo a huway sakay u katapusan nu mundo?”

Mateo 28:18

Ummadeni ti Jesus sakay kinagi na nide,” Inyatád dán nikán u atanan a kapangyariyan ti langit sakay ti lutaáy.

Markos 13:26

Káttapos ay ketanák de a Anak nu tolay a dumemát a hod tu panganurin, a tehhod a dakila a kapangyariyan sakay karangalan.

Markos 14:62

Nadid ay nagupos dán ti Jesus, kinagi na, “Hikán ngane, sakay hikán a Anak nu Tolay ay ketan moy, a mággetnod tu kawanan nu makapangyariyan a Diyos. Sakay ketan moy u káddemát kuhe ti munduwáy a kaguman nu diklám ti langet.”

Lukas 1:2

Insulat de u ayun tu intoldu nu tolay hide a naketa tu ginimet ni Jesus sapul tu sapul sakay nangaral tu upos nu Diyos.

Lukas 9:43

Sakay nagtaka u katolayan tu netan de a kapangyariyan nu Diyos.

Juan 1:14

Nagin tolay u Upos sakay nákpágyan siya nikitam. Netan me u kapangyariyan na sakay kadakilaan na, bilang kaessa-essa a anak nu Ama. Hod nikuna u págmahal sakay u katapatan, sakay atanan nu kinákkagi na ay tatahoden.

Juan 17:2

Dipo inatáddinák mo ti kapangyariyan tu atanan a tolay para maatádden ko ti biyag a awan ti kahád u atanan a tolay a inyatád mo nikán.

Roma 1:4

Sakay ti Jesu-Cristo ay napatunayan a siya u Anak nu Diyos nikuna a biniyag siya a huway ayun tu kapangyariyan nu Banal a Ispirito.

1 Corinto 1:17

Dipo awanák dinulaw ni Cristo para magbawtismo nan para mangaral tu Maganda a Baheta. Impangaral ko ngane iye, pero bakán a tu pamamag-itan nu maganda a pággupos a sigun tu karunungan nu mundu. Dipo ni konna hod u gimitán ko ay makay itod u makaakit tu tolay hide, sakay mebali awan u kákkatay ni Cristo tu kudus.

1 Corinto 1:23

Pero u ipáppangaral me ay ti Cristo a nepako tu kudus a essa a kesángdulan nu Judio hide, sakay para tu Hentil hide ay awan kan iye ti kabuluhan.

1 Corinto 1:7

Kaya awan kam nagkulang tu ányaman a pagpapala a ispirituwal, mentaras maguhay kam tu kássole nu Panginoon tam a ti Jesu-Cristo.

1 Corinto 2:1

Kákkapatkákka, nikuna immangayák hina ay inkagi ko nikam u lihim a plano nu Diyos tungkul tu Maganda a Baheta, pero bakán a tu pamamag-itan nu mágkadisalad a pággupos nu tehhod a nagadalan oni mataas a karunungan.

1 Corinto 2:4

Tu pággupos ko sakay tu págbaheta ko ay awan takam inakit tu pamamag-itan nu mágkaganda hide a pággupos sakay tu karunungan nu tolay, nan tu pamamag-itan nu patunay nu Banal a Ispirito sakay tu kapangyariyan na.

1 Corinto 5:4

tu ngahan nu Panginoon Jesus. Ni mamággipun-ipun kam, kagumanák moy ti ispirito, sakay tu kapangyariyan nu Panginoon tam a ti Jesus,

2 Corinto 2:17

Dipo awan kame konna tu agum a gággimitán de a negosyo u upos nu Diyos. Tukoy me a áelingán kame nu Diyos kaya bilang mánnampalataya ni Cristo sakay tagapagserbi nu Diyos, ay tapat kame a mangaral tu upos na.

2 Corinto 4:2

Inadággen midán u gimet me hide a makasani-sanike sakay gággimitán ti tagu. Awan kame mángloko sakay awan me dag-dagen oni palitan u upos nu Diyos. Nan hayagan me a impangaral u tatahoden sakay iye ay tukoy nu Diyos. Kaya handa kame a pahatul maskin deya.

Efeso 4:14

Tánni awan kitamon konna tu anak hide a pabagu-bagu ti isip sakay alisto la a maniwala tu iba-iba a toldu nu tolay hide a mágdaya. Awan kitamon metaw-taw nu tolay hide a u gustu dila ay meangay u tolay tu baka-bakán tu pamamag-itan nu págdaya de.

Filipos 3:21

Káddemát ni itod a aldew ay baguwán na u mágkahina sakay matay a bággi tam sakay gimitán na a makalanget a konna tu bággi na. Gimitán na iye tu pamamag-itan nu kapangyariyan na a nangsakup na tu atanan a bagay.

1 Tesalonica 2:19

Gugusto me a ketan mikam dipo hikam la u dahilan nu kasayaan me sakay hikam be u áasaan me para hikame ay maatadden ti gantimpala. Sakay u kurona a mepagmadakál me tu atubang nu Panginoon kássole na.

2 Tesalonica 2:9

Pumeta i tolayan iye a madukás a tehhod a kapangyariyan ni Satanas. Maggimet siya tu himala hide sakay tu atanan a bagay a makataka-taka para linlangan na u tolay hide.

1 Timoteo 1:4

Sakay dyan de sássayangan i odas diye tu bida hide sakay tu listaan hide nu ginagábwatan nu dadáddikál di hide. Ta paggábwatan la iye nu pamágtalu-talu sakay awan ti metulung tu kákkabiyag nu mánnampalataya hide tu Diyos.

1 Timoteo 4:7

Dyan mo pagsayangan ti odas u awan hide ti kuwenta a bida sakay u awan tatahoden a istorya; nan sanayan mo u sadile mo a mabiyag ate kabanalan.

Tito 1:14

sakay dyan dán hide mágsaneg tu bida nu Judio hide a awan ti pinagseserbiyan oni tu toldu nu tolay hide a immadág tu tatahoden.

2 Pedro 2:3

Sakay tu makasadile de a kagustuwan, ay dayaán dikam tu pamamagitan nu mágkaganda a upos para maalap de u kayamanan moy. Nalay dán a nakahanda u hatul a para nide, sakay u Diyos a mangparusa nide ay awan tidug.

1 Juan 4:14

Netan me sakay pinatunayan tu agum a pinaangay nu Ama u Anak na tán iligtas u tolay hide ti munduway.

Judas 1:14

Nadid, ti Enoc a kapitto a lahe ni Adan ay impahayag na dán tu itod pa u tungkul tu magtoldu hide ti baka-bakán, kinagi na, “Ilingán moy! Dimmemát dán u Panginoon, kaguman na u libu-libu na a anghel,

Pahayag 1:7

Tandaan moy! Dumemát siya a huway a napalebutan nu diklam, sakay ketan nu atanan a tolay maski u nangpika hide ni kuna tu wahes na tu itod. Sakay u atanan a tolay ti munduway a awan sumampalataya nikuna ay magsanget dipu tu ánteng de tu págparusa na nide. Talaga a konna he u mangyare! Amen.