2 Pedro 1:12 - U Maganda A Baheta Ni Jesu-Cristo

¹² Kaya ngane, maskin tukoy moy dán iye hide sakay matatag kamon tu tatahoden a katoy nikam ay pirme takam padi a paalaalaan ti iye hide a bagay.

2 Pedro 1:12 ပူးပေါင်းရင်းမြစ်များ

Gimet 16:5

Kanya lalo a timmibay u pánnampalataya nu kákkapátkákka hide, sakay kumákkakakáppal u sumampalataya hide a medag-dag ti aldew-aldew.

Filipos 3:1

Nadid, kákkapatkákka ko hide, magsaya kam para tu Panginoon. Awanák magsasawa a mánghuway-huway a mangkagi nikam ti bagayan hidenye dipo para la be iye tu kapiyyaan moy.

Colosas 1:5

dipo tu pag-asa a matanggap moy u nehanda para nikam ti langet. Natukuyan moy u tungkul ti pag-asaan iye nikuna a ibaheta nikam u upos nu tatahoden; iye u Maganda a Baheta a dimmemát nikam.

Colosas 2:7

Manatile kam nikuna sakay tulos-tulos a lumagu tu pákkakilala moy nikuna. Magpakatibay kam tu pánnampalataya a netoldu nikam, sakay lagi kam a magpasalamat tu Diyos.

1 Timoteo 4:6

Ni itoldu mo tu kákkapatkákka hide iye hide a bilin ay mahusay ka a tagapagserbi ni Cristo Jesus. Sakay itod u patunay a natolduwan ka tu tatahoden hide tungkul tu pannampalataya sakay tu pamamag-itan nu maganda a adal a sássunudán mo.

2 Timoteo 1:6

Dipo he, ay ipaala-ala ko niko a gamitan mo a lagi u inyatad niko nu Diyos a kakayanan a tumulung tu mannampalataya hide nikuna itupo ko niko u kamát ko.

Hebreo 10:32

Isipán moy u nangyare nikam tu itod, nikuna a pákkatanggap moy tu Maganda a Baheta. Nagdanas kam ti makpal a kahirapan pero awan kam natalo.

Hebreo 13:9

Diyan kam paakit tu sari-sare sakay tu iba hide a adal. Mas maganda para nikitam a mapabegsák u pánnampalataya tam tu pamamag-itan nu kagbi nu Diyos nan tu pamamag-itan nu kássunud tu utus hide tungkul tu makan. U simmunud ti iye hide ay awan ti naalap a pakinabang.

1 Pedro 5:10

U Diyos a naggábwatan nu Págpapala, siya u nangpile nikam tu pamamag-itan ni Jesu-Cristo tánni makabahagi nakam tu kapuriyan na a awan ti kahád, kaguman ni Cristo. Pero ipakultad napa a magtággád kam ti hirap tu sabadit a panahun, tánni gimitán nakam a ganap, sakay siya u mangpabegsák ti isip moye, sakay mangpatatag tu pánnampalataya moy nikuna.

1 Pedro 5:12

Ti Silvano u nangtulung nikán ti iye a sulat. Essa siya a kapatkákka tam a tapat sakay pagtiwalaan ko. Tu pamamag-itan ni sulat kuwan iye ay gusto ko a pabegsákkán u isip moy sakay patunayan a u atanan a intoldu ko nikam tungkul tu kagbi nu Diyos ay tatahoden. Kanya diyan kam humiwalay ti kagbi naan iye.

2 Pedro 1:13

Tu palagay ko ay tama la a paalaalaan takam ti bagayan hidenye mentaras biyagák padla.

2 Pedro 1:15

Kanya gimitán ko u atanan para masigudu ko a maalala moy padi u atanan nu intáttoldu ko maskin matayák dán.

2 Pedro 3:1

Mahal ko hide a kákkapatkákka, iye u kaduwwa ko a sulat nikam. Tu sulat ko hide, ay pinagsumakitan ko a lukagán u isip moy tu mágkaganda hide a gimet, tu pamamag-itan nu pág-paalaala nikam tu sangan hide a bagay.

2 Pedro 3:17

Nadid ta tukoy moy dán iye, mahal ko hide a kákkapatkákka, dapat kam a mag-ingat para awan kam metaw-taw nu tolay hide a awan ti maganda a gimet. Tán para awan kam mehiwalay tu maganda moy a kalagayan tu atubang nu Diyos.

1 Juan 2:21

Magsulaták nikam bakán a dipo awan moy palla tukoy u tatahoden nan dipo tukoy moy dán iye. Sakay tukoy moy be a awan ti kakabuliyan a maggábwat tu tatahoden.

2 Juan 1:2

Mahal mikam dipo tu tatahoden a mágyan nikitam sakay katoy nikitam hanggan-hanggan.

Judas 1:17

Mahal ko hide a kákkapatkákka, pirme moy a tandaan u kinagi hide nikam nu apostol hide nu Panginoon tam a ti Jesu-Cristo.

Judas 1:3

Mahal ko hide a kákkapatkákka, gugusto ko nakwa a magsulat nikam tungkul tu kaligtasan a natanggap tamon tu pamamag-itan nu pánnampalataya tam ni Jesus. Pero mas kailangan ko nadid a magsulat tungkul tu págpabegsák tán metaknág moy u pánnampalataya tam a kompleto a nepagkaluub nikitam ti pumensan.

Judas 1:5

Maskin tukoy moy dán iye hide a atanan ay gusto ko la a ipaisip nikam, a maski ni inligtas nu Panginoon u lahe a Israel ti Egipto ay pinuksa na padi u atanan a awan summampalataya nikuna.