2 Corinto 9:13 - U Maganda A Baheta Ni Jesu-Cristo

¹³ U pángngatád moy ay mangpatunay nide a tapat moy a sinunud u Maganda a Baheta tungkul ni Cristo. Dipo hina, magpure hide tu Diyos.

2 Corinto 9:13 ပူးပေါင်းရင်းမြစ်များ

Mateo 5:16

Konna la be hod u gimitán moy, ipeta moy u demlag moy tu tolay hide tánni ketan de u mágkaganda moy a gimet. Tán para puriyán de u Ama moy ti langet.”

Mateo 9:8

Nikuna netan iye nu tolay hide ay nagtaka hide sakay pinuri de u Diyos a nangatád ti konna hina a kapangyariyan tu tolay hide.

Lukas 6:46

“Bakin dáddulawannák moy a, ‘Panginoon, Panginoon ko,’ pero awan moy labe gimitán u kákkagiyán ko?

Juan 15:8

Maparangalan u Ama ko ni magbunga kam ti makpal, sakay tu konna he a paraan ay mepeta moy a disepulus takam.

Gimet 11:18

Nikuna masaneg di iye ay awan dán hide nagbaháng nan nagpure hide tu Diyos, kinagi de “Ni konna hod ay inatádden be nu Diyos u Hentil hide ti pagkakataun a magsise tu kasalanan de sakay magbagu tánni maligtas.”

Gimet 4:21

Pero mahigpit di pa hide a binawalan a mangaral sakay káttapos ay pinalaya di dán hide. Maski ni gusto di nakwa a pahirapan u duwwa ay awan de iye nagimet dipo manteng hide tu tolay hide. Dipo u tolay hide ay magpure tu Diyos dipo tu nangyare a himala.

Roma 10:16

Pero awan atanan ay tummanggap tu Maganda a Baheta. Kinagi ngane ni Isaias, “Panginoon, sasangan la u naniwala tu itáttoldu me hide.”

Roma 12:8

ni págpayo, magpayo siya ti maayus, ni pángngatád, mangatád siya tu maluwag tu kaluuben na, ni pámmuno, mamuno siya ti buo a tiyaga. Sakay ni káttulung tu te kailangan, tumulung siya a tehhod a kasayaan.

Roma 15:31

Ipagdasalák moy a maligtasák tu awan hide mánampalataya ti Judea, sakay masaya a tanggapán nu kákkapatkákka ti Jerusalem u tawed ko a tulung para nide.

Roma 16:26

pero nadid ay nehayag dán tu atanan a tolay tu pamamag-itan nu insulat nu prupeta hide. Iye ay ayun tu utus nu awan ti kamatayan a Diyos, tánni u atanan nu tolay ay manampalataya sakay sumunud nikuna.

2 Corinto 10:5

Sidaán me u bawat katuwiran a mapagmataas a manghadlang tu pángtengge nu tolay tu Diyos, sakay pasukuwán me u atanan a áisipán de hide tánni sumunud hide ni Cristo.

2 Corinto 2:12

Nikuna immangayák ti Troas para mangaral tu Maganda a Baheta tungkul ni Cristo, ay inatáddinák nu Panginoon ti maganda a pagkakataun para magimet ku itod.

2 Corinto 8:4

mákkekakagbi hide nikame a atádden hide ti pagkakataun a makatulung tu kákkapatkákka ti Judea.

2 Corinto 9:14

Kaya buo a págmahal di kam a idáddasal, dipo tu dakila a kaluub nu Diyos nikam.

Galacia 1:24

Kanya pinure de u Diyos dipo tu ginimet na nikán.

1 Timoteo 6:12

Gimitán mo atanan a makaya mo tu pangpakapos-pos mo tu pánnampalataya mo. Sakay palagi mo a isipan a kaguman ka tu biyag a awan ti kahád dipo ina u nangdulawan niko nu Diyos. Sakay i pannampalataya muwan ina ni Cristo u impakapospos mo tu atubang nu makpal a tistigu.

1 Timoteo 6:13

Tu ngahan nu Diyos a mangatád ti biyag tu atanan a bagay, sakay tu ngahan ni Cristo Jesus a nagpatunay tu atubang ni Poncio Pilato ay iyutus ko niko

Hebreo 10:23

Magpakatatag kitam tu pag-asa tam, sakay diyan kitamon magduwwa-duwwa, dipo matapat u nagpananto nikitam.

Hebreo 13:16

Sakay diyan tam kalimunan a maggimet ti maganda sakay tu káttulung tu agum dipo ina u alay a kasayaan nu Diyos.

Hebreo 3:1

Kanya ngane kákkapatkákka ko hide ti pánnampalataya sakay kaguman tu dulaw nu Diyos, alalahanán moy ti Jesus a pinaangay he nu Diyos a puno a saserdote nu pánnampalataya tam.

Hebreo 4:14

Kanya magpakatatag kitam tu pánnampalataya tam, dipo tehhod kitam a dakila a Pinakapuno a Saserdote, simmáddáp dán siya ti langet tu atubang nu Diyos. Siya ay ti Jesus a Anak nu Diyos.

Hebreo 5:9

Nikuna a nagin ganap dán siya, ay siya u naggábwatan nu awan ti katapusan a kaligtasan nu atanan a sumunud nikuna.

1 Pedro 2:9

Pero hikam u lahe hide a pinile nu Diyos, a magin saserdote na a magserbi tu tatahoden a Hare, essa a bansa para tu Diyos. Pinile kitam nu Diyos a magin sakup na sakay mángpakapos-pos tu makataka-taka hide a ginimet na a mágkaganda. Siya be u náng agton nikitam tu makataka-taka a demlag na nikuna a katoy kitam palla tu kadiklámman.

1 Pedro 4:11

Ni tagapangaral u kaluub mo ay ipangaral mo u upos nu Diyos. Ni tagapagserbi u kaluub mo ay gamitán mo u begsák mo tu págserbi a inyatád niko nu Diyos tán puriyán de u Diyos tu pamamag-itan ni Jesu-Cristo. Kao nu Diyos u kapangyariyan sakay u karangalan hanggan-hanggan. Amen.