2 Corinto 6:5 - U Maganda A Baheta Ni Jesu-Cristo

⁵ Binálbág di kame, impireso, sakay ginulo kame nu katolayan. Nadanas me a magtrabaho ti husto, awan mátdug ti magdamag sakay awan kuman ti sangan a aldew.

2 Corinto 6:5 ပူးပေါင်းရင်းမြစ်များ

Mateo 14:10

Kanya naputulan ti Juan tu piresuwan.

Mateo 14:3

Dipo ti Herodes u nángpepireso sakay nangpabuno ni Juan bilang pabor na tu kabanga na a ti Herodias. Ti Herodias ay dati a kabanga nu kapatkákka ni Herodes a ti Felipe.

Mateo 9:15

Timmábbeg ti Jesus “Maari beman a magdalamhate u nákpagkasal hide ni kaguman di palla u lállake a ikasal? Siyempre awan. Pero dumemát u aldew a alapán de u lállake a ikasal, hod dán hide a magkulasyon.

Gimet 13:3

Káttapos de a magkulasyon sakay magdasal ay intupo de tu duwwa u kamát de sakay pinaghektat di dán hide.

Gimet 14:19

Pero te dummemát a Judio hide a gábwat ti Antioquia sakay ti Iconio. Sakay sinulsulan de u tolay hide ti Listra a kumontara ni Pablo kaya binábbatikal di siya. Káttapos ay binehbeh di siya a paluwas tu banuwan tu buung akala de a patay dán.

Gimet 14:23

Tu balang simbaan nu mánnampalataya hide ay nagpile ti Bernabe sakay ti Pablo ti magin pinuno tu simbaan de. Káttapos de a nagdasal sakay nagkulasyon ay impagkatiwala de tu Panginoon a pánnaligan de.

Gimet 17:5

Pero nagsállap u Judio hide kanya inipun de u abusador hide sakay inutusan di hide a manggulo tu banuwan. Sináddáp de u bilay ni Jason, sakay pilit de a inehyok di Pablo sakay ti Silas tánni iyatubang tu tolay hide.

Gimet 20:31

Kanya magingat kam! Isipán moy a makpalák a luwa a timmuhog tu págtatoldu ko nikam aldew ay ti gibi tu tállo a taon a kakagumanák moy.

Gimet 23:10

Sakay nikuna mainit dán u pamagtalu-talo de ay nanteng u puno nu sundalo hide a makay matay ti Pablo dipo pamágpáttangan nu magdilupot a grupo, kanya inutusan na u sundalo hide, sakay impaangay na ti Pablo sakay impesáddap na tu kampo.

Gimet 23:35

kinagi na, “Sanigán ko u kaso mo káddemát nu nángkaso hide niko.” Sakay pinabantay na ti Pablo tu palasyo ni Herodes.

Gimet 24:27

Pero kállipas nu duwwa a taon ay pinalitan ni Porcio Festo ti Felix bilang gobernador. Dipo tu soh ni Felix a magustuwan siya nu Judio hide ay pinabayan na ti Pablo a pumáppireso.

Gimet 26:10

Kanya konna hod u ginimet ko ti Jerusalem. Makpal a kristiyano u impepireso ko, dipo tu kapangyariyan a inyatád nikán nu puno nu saserdote hide. Sakay nikuna a hatulan u agum nide ti kamatayan ay essaák be a immayun nide.

Gimet 26:29

Timmábbeg ti Pablo, “Maski dakál oni badit a odas, basta i dasal kuwáy tu Diyos ay bakán la nakwa hiko nan pate u atanan a mágsaneg nikán nadid ay magin konna nikán, pero dyan la nakwa u pákkapungo ko.”

Gimet 28:30

Sakay duwwa a taon ti Pablo a nágyan tu nákkaseruwan na sakay tinanggap na ti mahusay atanan a tolay a umadene nikuna.

Gimet 5:18

Dinakáp de u apostol hide sakay ingkulung de hide.

1 Corinto 15:10

Pero dipo tu kagbi nu Diyos nikán ay nagin apostolák, sakay awan be nawanan ti kabuluhan u kaluub a iye nikán. Nagtrabahuwák ti husto kasera tu agum nide, pero bakán iye tu sadile ko a kakayanan nan tu kabaitan la nu Diyos nikán.

1 Corinto 4:11

Hanggan ti iye a odas ay magaláp kame, mauwaw, sakay ngahe-ngahe a awan dán ti mesulot; páppasakitan sakay awan kame dálla ti matulu-tulusan.

1 Corinto 7:5

Kanya dyan moy ikemot a mákduhog tu kákkabanga moy, maliban dálla ni napagkasunduwan moy a dyan kam palla magduhog, tánni melaan u panahun moy tu págdasal. Pero káttapos ay maare kamon a magduhog tánni awan kam matokso ni Satanas dipo la a awan kamon makapagpugád tu sadile moy.

2 Corinto 11:27

Nadanas ko be u matindi a hirap sakay pagud, pirme a magpuyat, matindi a aláp sakay uwaw. Nagdanasák ti dágnen dipo awanák ti mealikábkáb.

Efeso 3:1

Kaya dipo ti iye, hikán a ti Pablo ay nepireso dipo tu pángngaral ko tungkul ni Cristo Jesus nikam a Hentil hide.

Filipos 1:13

Dipo natukuyan nu atanan a guwardiya tu palasyo sakay tu agum pa hide a katoy he, a nepiresuwák dipo tu kássunud ko ni Cristo.

1 Tesalonica 2:9

Kákkapatkákka mi hide, siguradu a matandaan moy palla ni kodya kame a nagpagud a nagtrabaho aldew ay ti gibi tánni awan kami la makadágge nikam mentaras a ipakapospos me nikam u Maganda a Baheta a gábwat tu Diyos.

1 Timoteo 4:10

Dipo he, kaya kitam a magsumikap sakay magtiyaga dipo u pag-asa tam ay katoy tu biyag a Diyos, u Tagapagligtas nu atanan a tolay, lalu dán tu atanan a mánnampalataya.

2 Timoteo 1:8

Kaya dyan mo ikasanike a magpatunay tu Panginoon tam oni tu kákkepireso ko alang-alang nikuna. Nan mákpagtiis ka tu hirap dipo tu págtoldu tam tu Maganda a Baheta. Ta atadden ka nu Diyos ti begsak a gimitan iye.

2 Timoteo 2:9

u dahilan nu pághirap ko hanggan a nepire-piresuwan ko a konna tu mágbabono a tolay. Pero u upos nu Diyos ay awan mepireso.

2 Timoteo 4:5

Kaya hiko, lagi ka a magpugád ti kada-odas, pagtiisan mo u hirap hide a dumemát niko. Gimitán mo u tungkulin nu essa a mángngaral tu Maganda a Baheta. Tupadán mo u tungkulin mo bilang tagapagserbi nu Diyos.

Hebreo 11:36

U agum be ay ininsulto sakay linatigu sakay tehhod be a nekulung a nakakadena.

Hebreo 13:17

Sumunud kam sakay magpasakup tu mangasiwa hide nikam dipo te pananagutan hide a magbantay nikam, sakay managut hide tu Diyos tungkul ti iye. Ni sunudán moy hide ay masaya hide a gimitán u tungkulin de, pero ni awan ay malungkut hide, sakay ni malungkut hide ay awan iye makatulung nikam.

Hebreo 13:23

Gusto ko be a matukuyan moy a nakalaya dán u kapatkákka tam a ti Timoteo. Ni dumemát siya a pagdaka ay ikoyog ko siya káangay ko hina.

Pahayag 2:10

Dyan kam manteng tu hirap a adene moy dán a danasán. Tandaan moy: pepireso ni Satanas u sangan nikam bilang pagsubuk; magtiis kam tu alay nu sapulo a aldew. Magtulos-tulos kam la a matapat hanggan tu kamatayan, tánni premyuwan takam ti biyag a awan ti kahád.”