2 Corinto 6:14 - U Maganda A Baheta Ni Jesu-Cristo

¹⁴ Dyan kam mákkaessa tu awan hide mánnampalataya. Dipo awan maare a magkaessa u malinis sakay u madukás, oni demlag sakay u diklám.

2 Corinto 6:14 ပူးပေါင်းရင်းမြစ်များ

Juan 7:7

Awan kam kaiyamutan nu tolay hide ti munduway, pero hikán ay kaiyamutan de, dipo inpeta ko nide a madukás u gimet de.

Gimet 4:23

Nikuna makaluwas dán di Pedro sakay ti Juan, ay immangay hide tu kakagumanan de hide sakay imbaheta de ni ánya u kinagi nu puno nu saserdote hide sakay u puno nu Judio hide.

1 Corinto 10:21

Awan kam maare a mák-enom tu baso nu Panginoon sakay tu baso nu dimonyo hide. Awan kam maare a mákkan tu lamisaan nu Panginoon sakay tu lamisaan nu dimonyo hide.

1 Corinto 15:33

Dyan kam padaya, dipo “U madukás a kaguman ay makasida ti mágkaganda a ugale.”

1 Corinto 5:9

Nagsulaták nikam tu itod a dyan kam mákpággagum tu tolay hide a mangilállake sakay mangibábbey.

1 Corinto 6:6

Bakin a mamágkaso kam a mátkaka? Sakay u pángkasuwan moy pa ay u tolay hide a awan ti pánnampalataya.

1 Corinto 7:39

U bábbey ay tulos-tulos a mák-agum tu kabanga na mentaras biyag siya. Pero ni matay u lállake ay malaya dán siya a mákkabanga a huway maskin deya u kasohan na. Pero dapat ay tu kapareho na la be ti pánnampalataya.

Filipos 2:15

Tánni magin malinis kam sakay awan ti kapintasan bilang anak nu Diyos, nadid a kaguman moy palla u tolay hide a liwat sakay mágkadukás ti kákkabiyag. Tánni tu konna hod ay magin demlag kam nide a konna tu biton a maggehab ti langitáy,

Santiagu 4:4

Hikam a awan tapat tu Diyos! Awan moy beman tukoy a ni pahalagaan tam u bagay hide ti munduway ay kadima tam u Diyos? Kanya u ti deyaman a sumunud tu madukás a gimet nu tolay ti munduway ay kadima nu Diyos.