2 Corinto 6:11 - U Maganda A Baheta Ni Jesu-Cristo

¹¹ Tapatan kame a nagupos nikam taga-Corinto hide. Ni ánya u katoy tu puso me ay siya u ingkagi me nikam.

2 Corinto 6:11 ပူးပေါင်းရင်းမြစ်များ

Gimet 18:1

Káttapos ay limmakad ti Pablo ti Atenas sakay immangay ti Corinto.

Gimet 18:8

Ti Crispo a pinuno nu sinagoga sakay tu buo na a pamilya ay summampalataya tu Panginoon. Sakay makpal pa a taga-Corinto a nágsaneg ni Pablo u summampalataya sakay nagpabawtismo.

2 Corinto 12:15

Masayaák maski ni iyatád ko u atanan a hod nikán sakay maski ni iyalay ko u biyag ko para tu kapiyyaan moy. Ni minahal takam ti husto, bakin awanák moy mamahal ti konna hod?

2 Corinto 2:4

Dipo nikuna sulatan takam, ay grabiyák ti lungkut sakay balisa, magtákták luwa kuwáy mentras magsulaták. Sinulatan takam bakán a para atádden ti kalungkutan nan para ipabate ko nikam ni sa kodya ti kadakál u págmahal ko.

Galacia 3:1

Hikam a taga Galacia hide, awan kam ti tukoy! Deya i nakaalumayaay nikam? Malinaw a nepakapospos ko nikam ni kodya a natay ti Jesu-Cristo tu kudus!

Galacia 4:12

Ipákkekagbi ko nikam kákkapatkákka ko hide, ahigánnák moy a awan dán nanalig tu Kautusan sapul nikuna a simmampalatayaák ni Cristo. Hikán ay nagin konna nikam a Hentil dipo bakán dán a u Kautusan a inyatád tu Judio hide u mahalaga nikán. Awan kam nikán ti nagimet a madukás.

Efeso 6:19

Ipagdasalák moy be a nakwa kada magtolduwák ay atáddinák nu Diyos ti tama hide a upos tánni mepahayag ko a tehhod a begsák isip u Maganda a Baheta a nesekreto tu itod.

Efeso 6:8

Dipo átádden nu Panginoon ti gantimpala u balang essa ayun tu ginimet na a maganda, alipin man oni bakán a alipin.

Filipos 1:8

Tukoy nu Diyos a grabi dán i ammaw kuwáy dipo dakál u págmahal ko nikam a konna tu págmahal ni Cristo Jesus nikam.

Filipos 4:15

Sakay tukoy moy labe a taga-Filipos hide, nikuna lummakadák ti Macedonia sakay magsapul palla tu pángpakapospos tu Maganda a Baheta, awan dán ti iba a gurupo ni mánnampalataya a timmulung tu kailangan ko hide nan hikam la.

Pahayag 22:12

Kinagi ni Jesus, “Mágsaneg kam! Pademátták dán! Tawed ko dán u gantimpala hide a iyatád tu balang essa ayun tu ginimet na!