2 Corinto 6:10 - U Maganda A Baheta Ni Jesu-Cristo

¹⁰ Maski maglungkut kame, ay tehhod kame padi a kasayaan; maski ni mahirap, pero mapayaman be u agum; lubu-lubus, pero u tatahoden kao me u atanan a bagay.

2 Corinto 6:10 ပူးပေါင်းရင်းမြစ်များ

Mateo 5:12

Konna labi hod u ginággimet nu tolay hide tu propeta ko hide tu itod. Magkasayaan kam a tahod dipo dakál u gantimpala moy ti langet.”

Mateo 5:4

Pinagpala nu Diyos u malungkut hide, dipu hide u pahapahaán nu Diyos.

Lukas 6:21

Pinagpala u magaláp hide nadid, dipo bássugán kam nu Diyos! Pinagpala u mágsanget hide nadid, Dipo magkahod kam ti kasayaan!

Juan 16:22

Konna kam bi hod. Malungkut kam nadid, pero masaya kam tu aldew a mamágketa kitam a huway. Sakay awan ti maskin ti deya a makaagew tu kasayaan moy.

Gimet 16:25

Pero nikuna bállog dán ni gibi ay nagdasal di Pablo sakay ti Silas sakay nágkansiyon hide ti papure sakay págsamba tu Diyos. U agum a pireso ay mágsaneg nide.

Gimet 3:6

Pero kinagi nikuna ni Pedro, “Awanák ti pilak oni ginto. Pero tehhodák niko a iyatád: Tu ngahan ni Jesus a taga-Nazaret ay maglakad ka!”

Gimet 5:41

Tunay ti saya a limmakad u apostol hide tu atubang nu Sanedrin dipo pinagustuwan nu Diyos a magdanas hide ti págseste alang-alang ni Jesus.

Roma 11:12

Nadid, ni u kássuway nu Judio hide sakay u awan de págtagumpay a matanggap u kaligtasan ay nakapangatád ti págpapala tu Hentil hide a tu buo a mundu, sakodya pa wád a kadakál u págpapala a meatád ni makompleto dán u buo a bilang nu Judio hide a manampalataya ni Cristo?

Roma 12:15

Mákpagsaya kam tu masaya hide, sakay mákpaglungkut kam tu malungkut hide.

Roma 15:13

Nakwa u Diyos a mangatád nikitam ti pag-asa ay siya u mangatád nikam ti kasayaan sakay kapayapaan dipo tu pánnampalataya moy nikuna, tánni tulos-tulos a lumagu u pag-asa moy tu pamamag-itan nu Banal a Ispirito.

Roma 8:32

Ni u sadile na a Anak ay awan na inkemot ni awan inyatád na nikitam, siguradu a iyatád nabe nikitam u atanan a bagay.

Roma 9:2

Garabi a tahod i lungkut kuwáy sakay awan maibut i saket ni puso kuwáy,

1 Corinto 1:5

Dipo tu pákpágkaessa moy ni Cristo ay limmagu kam tu atanan a bagay, magin ti paggupos sakay karunungan.

2 Corinto 2:4

Dipo nikuna sulatan takam, ay grabiyák ti lungkut sakay balisa, magtákták luwa kuwáy mentras magsulaták. Sinulatan takam bakán a para atádden ti kalungkutan nan para ipabate ko nikam ni sa kodya ti kadakál u págmahal ko.

2 Corinto 4:15

Dipo u atanan nu págtiis me ay para tu kapiyyaán moy, tánni lalu pa a kumáppal u tolay a makatanggap tu págpapala nu Diyos. Para makpal be u magpasalamat sakay magpure nikuna.

2 Corinto 4:7

Kumán kame la a pággasákkan a banga dipo awan kame ti kakayanan, pero intiwala na nikame i kayamanan iye a Ispirituwal dipo gustu na a ipatengge au awan masukat a kapangyariyan ay gábwat nikuna bakán me a kao.

2 Corinto 8:9

Dipo tukoy moy ni sa kodya ti kadakál u págmahal nu Panginoon tam a ti Jesu-Cristo, a maski mayaman siya ay nagin mahirap tánni yumaman kam tu pamamag-itan nu pagka-mahirap na.

Efeso 3:16

Idáddasal ko, ayun tu kayamanan sakay tu kadakilaan na a pabegsákkán na u ispiritwal moy a biyag tu pamamag-itan nu Ispirito na,

Efeso 3:8

Hikán u pinakamababa tu pinile hide nu Diyos. Konna paman hod ay ginusto na padi a ipagkaluub nikán i tungkulin nan iye, a ipangaral tu Hentil hide u Maganda a Baheta tungkul tu awan masukat a págpapala a gábwat ni Cristo.

Filipos 2:17

U págserbi moy a bunga nu pánnampalataya moy ay kumán a alay moy tu Diyos. Ni kailangan a mebuhus u digi ko, masayaák pade; dipo tu kamatayan ko ay kumán a mebuhus u digi ko kaguman nu alay moy. Sakay dipo ti ina ay mákpagsayaák nikam.

Filipos 4:4

Magsaya kam a pirme tu Panginoon. Huwayán ko dámman a kagiyán: magsaya kam!

Colosas 1:24

Masayaák tu pághirap ko nadid dipo tukoy ko a para iye tu ikapiya moy. I pághirap ni bággi kuwáy nadid ay pángtulos-tulos tu pághirap ni Cristo para tu mánnampalataya hide a magebággi na.

Colosas 3:16

U upos hide ni Cristo ay iyasák moy tu isip moy. Mamágpaala-alaan kam sakay mamágtolduwan tu balang essa ayun tu karunungan a kaluub nu Diyos. Mágkansiyon kam ti pang-ispirituwal a kansiyon a gábwat tu Diyos a te págpasalamat.

1 Tesalonica 1:6

U kakkabiyag me sakay u Panginoon tam a ti Jesu-Cristo u inaheg moy. Sakay nikuna a tanggapan moy u Maganda a Baheta ay nagdanas kam ti makpal a kahirapan, pero maski konna paman hod ay katoy padi nikam u kasayaan a inpagkaluub nu Banal a Ispirito.

1 Tesalonica 5:16

Pirme kam a magsaya.

1 Timoteo 4:8

Dipo u págsanay tu bággi ay tehhod a pakinabang, pero u págsanay tu kabanalan ay mas dakál u pakinabang, bakán la tu biyag nadid nan pate tu biyag a pademát.

1 Timoteo 6:18

Itoldu mo nide a dapat a u maganda u gimitan de, para yumaman hide tu mágkaganda a gimet. Magin masaya hide a mangatád sakay handa a tumulung tu agum.

Hebreo 10:34

Nákpagtiis kam tu pághirap nu nágkepireso hide. Sakay tinanggap moy a te kasayaan nikuna a inagew de u ari-ariyan moy, dipo tukoy moy a tehhod kam a mas maganda sakay awan mawan a ari-ariyan u nelaan nikam.

Santiagu 2:5

Mahal ko hide a kákkapatkákka, mágsaneg kam! Awan beman pinile nu Diyos u mágkahirap hide ti munduwan iye tánni magin mayaman ti pánnampalataya, sakay magin tagapagmana tu kahariyan a impananto na tu atanan a magmahal nikuna?

1 Pedro 4:13

Nan magsaya kam tu pághirap moy dipo nákpaghirap kam ni Cristo, tán masaya kam a tahod káddemát nu aldew a ketan tam u kadakilaan na.

Pahayag 2:9

Tukoy ko u pagsubuk a dáddanasán mo. Tukoy ko a mahirap kam, pero i tatahodinay ay mayaman kam. Sakay tukoy ko be u pangsássida nikam nu bakán hide a Judio, pero i tahoday ay sakup hide ni Satanas.

Pahayag 21:7

Iye u matanggap nu magtagumpay. Sakay hikán u magin Diyos na, sakay siya be ay magin anak ko.