2 Corinto 4:9 - U Maganda A Baheta Ni Jesu-Cristo

⁹ Usigán di kame pero awan kame pinabayan nu Diyos. Páppasakitan dikame pero awan pade matuluyan a matay.

2 Corinto 4:9 ပူးပေါင်းရင်းမြစ်များ

Juan 15:20

Diyan moy kalimunan u kinagi ko nikam a awan ti alipin a mas higit tu amo na. Ni dinustaák de ay dustaán dikam be. Sakay ni sinunud de u upos ko ay sunudán di be u kagiyán moy.

Roma 8:35

Awan ti makapánghiwalay nikitam tu págmahal ni Cristo. Maski magdanas kitam pa ti pághirap, saket, seste, aláp, awan ti mesulot, panganib, oni maski u kamatayan, dakál pade u págmahal ni Cristo nikitam.

2 Corinto 7:6

Pero u Diyos a mangpáppasaya tu mágkalungkut hide ay pinasaya na kame tu pamamag-itan nu káddemat ni Tito.

2 Timoteo 3:12

U atanan a masoh a mabiyag ti tama bilang essa a tagasunud ni Jesu-Cristo ay talaga a dumanas ti hirap.

Hebreo 13:5

Diyan kam kumán a hupa ni pilak; makontento kamon ni ánya u katoy nikam. Dipo kinagi nu Diyos, “Awan taka lakaden oni pabayan.”