2 Corinto 13:11 - U Maganda A Baheta Ni Jesu-Cristo

¹¹ Hanggan dálla he, kákkapatkákka, paalam dán nikam. Sikapán moy a lumagu kam sakay sunudán moy u payo ko hide; magkaessa kam, sakay mabiyag a tehhod a kapayapaan. Ni konna hod, u Diyos nu págmahal sakay kapayapaan ay makaguman moy.

2 Corinto 13:11 ပူးပေါင်းရင်းမြစ်များ

Mateo 1:23

I kinagi naay ay “Ilengán moy! Magbuktet u essa a madiket sakay magenak ti essa a lállake. Sakay u magin ngahan na ay Emmanuel.” (U kahulugan nu ngahan na ay “Kakaguman tam u Diyos.”)

Mateo 5:48

Kanya dapat a awan kam ti kapintasan konna tu Ama moy a hod ti langet a awan ti kapintasan.”

Markos 10:49

Tu pákkasaneg ni Jesus nikuna ay kinagi na, “Iyangay moy he siya.” Kanya dinulawan de u buhák sakay kinagi de nikuna, “Begsákkan mo i isip muwe. Tumaknág ka dán, dipo impadulaw ka ni Jesus.”

Markos 9:50

Maganda u asen, pero ni mawanan ti lasa ay tumablal dán, pakodyaán pa a pasoliyán u asen na? Konna bi hod nikam, dapat magin konna kam tu asen a makatulung tu tolay, tulungan moy u bawat essa támpara magin maayus u pamággagum moy.”

Lukas 9:61

Te essa be a nagkagi nikuna, “Sumunudák niko Panginoon, pero pakultadenák mu pa a angay iye kagiyán tu pamilya ko.”

Juan 17:23

Hikán ay hod nide sakay hiko ay hod nikán, tánni tatahoden a magin essa hide. Tán matukuyan nu taga-mundu hide a pinaangayák mu he, sakay matukuyan di be a mahal mo u maniwala hide a konna tu págmahal mo nikán.

Gimet 15:29

Dyan moy kanán u neatang hide tu diyos-diyosan hide, dyan kamon kuman tu tehhod hide a dige sakay dyan moy dán kanán u hayup a nabitte. Sakay diyan kamon mangibábbey oni mangilállake. Adeyuwan moy i bagayan ina hide, dipo kapiyyaan moy u págsunud tu utus me a iye. Sigi hanggan dálla he.”

Gimet 18:21

Pero nikuna kadnadán ay kinagi na nide, “Magsoliyák he, ni kaluuban nu Diyos.” Sakay limmakad ti Efeso a nágsakay tu abeng.

Gimet 23:30

Natukuyan ko be a planuwán siya a bunuwan nu Judio hide kanya agad ko siya a impeangay niko. Kinagi ko tu makanbintangán hide nikuna a niko dálla hide a magreklamo.”

Roma 12:16

Mabiyag kam ti mapayapa tu balang essa. Dyan kam magmadakál, ni awan mákpággagum kam ti maayus tu mababa hide ti kalagayan a tolay. Dyan kam mágmaru-marunung.

Roma 12:18

Ni maare la nakwa, mákpággagum kam ti mapayapa tu atanan a tolay.

Roma 14:19

Kanya pilitán tam a gimitán a palagi u bagay hide a makapangatád ti kapayapaan sakay makapángpatibay tu balang essa.

Roma 15:13

Nakwa u Diyos a mangatád nikitam ti pag-asa ay siya u mangatád nikam ti kasayaan sakay kapayapaan dipo tu pánnampalataya moy nikuna, tánni tulos-tulos a lumagu u pag-asa moy tu pamamag-itan nu Banal a Ispirito.

Roma 15:33

Tulungan kam nakwa nu Diyos a mangatád ti kapayapaan. Amen.

Roma 16:20

U Diyos a pinaggábwatan ni kapayapaan ay adene nadán a puksaán u kapangyariyan ni Satanas tu pamamag-itan moy. Pagpalaán kam nu Panginoon Jesus.

1 Corinto 1:10

Nadid kákkapatkákka hide, mákkekakagbiyák nikam tu ngahan nu Panginoon tam a ti Jesu-Cristo: mabiyag kam ti maayus a awan mamágdadema magkaessa kam ti isip sakay layunin tánni awan nikam ti pamágkampe-kampe.

2 Corinto 1:4

Pinabegsák na kitam tu kalungkutan tam hide para makatulung kitam be tu maglungkut hide, tu pamamag-itan nu kasayaan a natanggap tam tu Diyos.

2 Corinto 13:9

Dipo masayaák ni mahinaák sakay hikam ay bumegsák. Kaya, u idáddasal ko ay tulos-tulos kam a lumagu.

Efeso 4:12

Ginimet na iye tánni ihanda tu págserbi u pinile na hide tánni lumagu sakay tumatag hide bilang bággi ni Cristo.

Efeso 4:3

Pagsikapan moy a mapanatile u págkakaessa moy a gábwat tu Banal a Ispirito tu pamamag-itan nu mapayapa moy a pákpággagum.

Efeso 6:23

Kákkapatkákka ko hide, nakwa ay atádden kam nu Diyos Ama sakay tu Panginoon tam ati Jesu-Cristo ti kapayapaan, págmahal tu balang essa sakay pánnampalataya moy nikuna.

Filipos 1:27

Kaya ngane kákkapatkákka ko hide, pagsikapan moy a mabiyag a ayun tu Maganda a Baheta tungkul ni Cristo. Dipo maski makasoliyák man hina nikam oni awan ay nakasiguduwák a tulos-tulos kam a matatag tu essa a layunin sakay mamágkaguman tu pánglaban tu Maganda a Baheta.

Filipos 3:16

U mahalaga ay magtulos-tulos kitam a sumunud tu tatahoden a natukuyan tam.

Filipos 4:2

Mákkekakagbiyák nikam Euodia sakay Sintique, a magkasundu kamon a duwwa bilang matkaka tu Panginoon.

Filipos 4:4

Magsaya kam a pirme tu Panginoon. Huwayán ko dámman a kagiyán: magsaya kam!

Filipos 4:9

Igimet moy u atanan a natukuyan moy, natanggap, nasaneg sakay netan moy nikán. Sakay u Diyos nu kapayapaan hod nikam.

1 Tesalonica 3:10

Idáddasal me ti husto aldew ay ti gibi a nakwa ay magketa kitam a huway tánni madagdagen ni anyaman u kulang pa tu pánnampalataya moy.

1 Tesalonica 4:1

Kaya ngani kákkapatkákka, essa pa a bagay u pákkekakagbi me nikam sakay ipayo tu ngahan nu Panginoon Jesus. Ipakpagguhon me nikam a mabiyag kam a ayun tu natukuyan moy nikame dipo ina u makasaya tu Diyos. Konna ngani hod u kakkabiyag moy nadid pero maspagandaan moy pa.

1 Tesalonica 4:18

Kaya ngani, pabegsákkán moy u isip nu bawat essa tu pamamag-itan ni adalan iye.

1 Tesalonica 5:13

Igalang moy hide ti husto sakay pakamahalán dipo tu tarabaho de nikam. Mamággagum kam ti maayus sakay mapayapa.

1 Tesalonica 5:16

Pirme kam a magsaya.

1 Tesalonica 5:23

Nakwa ay lalu kam a gimitán a banal nu Diyos a tagapangatád ti kapayapaan. Sakay nakwa ay panatiliyán na a awan ti kapintasan u buo moy a pagkatolay, u ispirito moy, kaliduwwa sakay u baggi moy hanggan tu kássole nu Panginoon a ti Jesu-Cristo.

2 Tesalonica 2:16

Paha-pahaán kam nakwa nu Panginoon tam a ti Jesu-Cristo sakay u Diyos tam a Ama a magmahal nikitam. Sakay tu pamamag-itan nu kagbi na, ay inatadden na kitam ti awan magbabagu a begsák ni isip sakay matibay a pag-asa.

2 Tesalonica 3:1

Nadid, kákkapatkákka me hide, ipagdasal moy kami be para u upos nu Panginoon ay mabilis a mekalat sakay masaya a tanggapán nu iba pa hide a lugar, a konna tu ginimet moy.

2 Tesalonica 3:16

U Panginoon tam a naggábwatan nu kapayapaan ay siya nakwa u mangatád nikam ti kapayapaan tu atanan a pagkakataun. Nakwa ay pirme kam a aguman nu Panginoon.

2 Timoteo 2:22

Kaya iwasan mo u mágkadukás hide a hilig nu kabataan. Sikapán mo a gimitán u tama, magin matapat sakay mapagmahal. Sakay mabiyag ka ti mapayapa a kaguman nu tolay hide a mágdasal tu Diyos ate malinis a puso.

Hebreo 12:14

Sikapán moy a makasundu u kapareho moy a tolay sakay magpakabanal kam, dipo awan moy ketan u Panginoon ni awan kam mabiyag ti konna he.

Hebreo 13:20

U Diyos a ginábwatan nu kapayapaan, sakay nangbiyag a huway tu Panginoon Jesus, a nagin Dakila a Pastol nu tupa hide dipo tu dige na a nangpatibay tu awan ti kahád a kasunduwan,

Santiagu 1:4

Kanya dapat kam a magtággád ti hirap sakay diyan manghina ti isip tánni magin ganap kam sakay u pánnampalataya moy ay awan ti kulang.

1 Pedro 3:11

Dapat kam a magbagu tu mágkadukás moy hide a gimet, pagsikapan moy a maggimet ti maganda sakay mabiyag ti mapayapa.

1 Pedro 3:8

Nadid, sa iye u bilin ko nikam kákkapatkákka ko hide, dapat kam a mamággagum ti maganda, magkaessa sakay magmahalan a konna tu mátkaka, dapat kambe a makákkagbiyán sakay mapagpakumbaba.

1 Pedro 5:10

U Diyos a naggábwatan nu Págpapala, siya u nangpile nikam tu pamamag-itan ni Jesu-Cristo tánni makabahagi nakam tu kapuriyan na a awan ti kahád, kaguman ni Cristo. Pero ipakultad napa a magtággád kam ti hirap tu sabadit a panahun, tánni gimitán nakam a ganap, sakay siya u mangpabegsák ti isip moye, sakay mangpatatag tu pánnampalataya moy nikuna.

Pahayag 22:21

Nakwa u kagbi nu Panginoon Jesus ay hod nikam a atanan! Amen.