2 Corinto 12:21 - U Maganda A Baheta Ni Jesu-Cristo

²¹ Mággaisipánnák a bakay káangay ko hina a huway ay mepasanikiyák tu atubang nu Diyos dipo nikam. Makay malungkuták ni tu káddemát ko hina, ay te sangan padi nikam a awan palla nagsise to ginimet de a madukás. Lalu dán tu pángngibábbey sakay tu pángngilállake.

2 Corinto 12:21 ပူးပေါင်းရင်းမြစ်များ

Roma 13:13

Sakay dipo katoy kitam tu demlag, mabiyag kitam ti marangal. Diyan tamon gimitán u páglasing, u magulo hide a págsaya, dyan kitam mangibábbey oni mangilállake, dyan kitam mákdima, sakay diyan kitam be maiyamut tu agum.

Roma 9:2

Garabi a tahod i lungkut kuwáy sakay awan maibut i saket ni puso kuwáy,

1 Corinto 5:1

Nakademát nikán u baheta a essa kan nikam u naggimet ti madangát dipo inagum na u kabanga nu ama na. Maski u awan hide makidiyos ay awan di ina magimet.

2 Corinto 10:6

Ni matukuyan mi dán a masássunudán kam, handa kame dán a magparusa tu atanan a awan sumássunud.

2 Corinto 12:7

Para awan ko mehambug u makataka-taka a mensahe nu Diyos nikán, áy inatáddinák na ti kahirapan tu bággi ko a kumán a saet tu pilas ko. Pinakultaden na u essa a utusan ni Satanas a nagpahirap nikán, tán para awanák magmadakál.

2 Corinto 13:2

Gusto ko a huwayán a kagiyán tu nagkasala hide sakay tu agum pa a awan ti makaiwas tu disiplina ko. Kinagi ku dán iye nikuna kapenduwwa ko hina a káangay sakay huwayán ko iye nadid mentaras a awanák palla nakademát hina:

2 Corinto 8:24

Kaya ipabate moy nide u tapat moy a págmahal tánni ketan nu mánnampalataya hide a awan kame nagkamale tu pángmadakál me tungkul nikam.

Galacia 5:19

Awan metagu u gimet nu tolay a makamundu. Pángngibábbey oni pángilállake sakay u mágkalaswa sakay mágkadangát hide a gimet,

Colosas 3:5

Kaya dapat moy dán a ibutan u kagustuwan nu pilas: u pángngibábbey oni pángngilállake, kahalayan, pággisip ti mágkalaswa a bagay, madukás a kagustuwan, sakay u págdámmot a essa a klase ni págsamba tu diyos-diyosan.

Hebreo 13:4

Dapat igalang nu atanan u pákkabanga, sakay magin tapat tu balang essa u magkabanga. Dipo hatulan nu Diyos u mangibábbey oni mangilállake.

2 Pedro 2:18

Dipo u pangisip de ay tunay hide ti kalalake, pero awan labe ti seserbi u kákkagiyán de. Kákkagiyán de a awan madukás u kássunud tu kagustuwan nu pilas. Kanya maakit de a maggimet a huway ti madukás u bigu palla hide a immadág tu date de a madukás a kákkabiyag.

Judas 1:23

Tulungan moy u agum tán maligtas hide tu kaparusaan. U agum ay kagbiyan moy pero magingat kam tu mágkadukás de a gimet. Kaiyamutan moy maskin u badu de a nadangáttan tu mágkadukás de hide a gimet.

Judas 1:7

Isipán moy be u banuwan a Sodoma sakay Gomora sakay tu kadatig de hide a banuwan. Nagkasala hide tu mágkadukás de a gimet a pángibábbey sakay pángngilállake pate dámbe u kahalayan tu awan de kapareho. Kaya pinarusaan hide tu apoy a awan mata-matay para babala tu atanan.

Pahayag 21:8

Pero makaánteng u demáttán nu tolay hide a awan nagtiwala ni Jesus dipo tu ánteng de a matay, u awan hide summampalataya, u mágkadangát hide ti gággimitán, u mágbabono hide, u mángngibábbey oni mángngilállake hide, u mágdipoh hide, u mágsamba hide ti diyos-diyosan, sakay u atanan a mágkabule. Ibut hide tu kumán a diget a magapoy-apoy a asupre. Sa iye u kaduwwa a kákkatay.”

Pahayag 22:15

Pero magwahak tu luwas u mágkadukás hide a tolay, u mágdipoh hide, u mángngibábbey oni mángngilállake, u mágbabono hide, u mágsamba hide ti diyos-diyosan, sakay u mágkabule hide ti upos sakay ti gimet.

Pahayag 22:20

Kinagi nu Panginoon Jesus a nagpahayag ti atananan iye, “Tatahoden! Pademátták dán!” Amen. Dumemát ka dán nakwa, Panginoon Jesus!