2 Corinto 12:19 - U Maganda A Baheta Ni Jesu-Cristo

¹⁹ Akala moy beman ay isuhog ko u sadile ko? Awan! Mahal me hide a kákkapatkákka, kagiyán ko nikam nadid tu atubang nu Diyos sakay bilang alipin ni Cristo, a atanan nu gággimitán ko ay para bumegsák u pánnampalataya moy.

2 Corinto 12:19 ပူးပေါင်းရင်းမြစ်များ

Roma 12:19

Mahal ko hide, dyan kam gumante. Ipaubaya moy ina tu Diyos. Dipo kinagi nu Panginoon tu Kasulatan, “Hikán u gumante, hikán be u magparusa.”

Roma 14:19

Kanya pilitán tam a gimitán a palagi u bagay hide a makapangatád ti kapayapaan sakay makapángpatibay tu balang essa.

Roma 15:2

nan u ikaganda be nu agum, tánni mapabegsák be u pánnampalataya de.

Roma 9:1

Nadid, hikán a mánnampalataya ni Cristo ay te kagiyánák nikam. Tatahoden u kagiyán ko awanák magbule-bule, sakay u Banal a Ispirito u mangpatunay a malinis u konsensiya ko a tatahoden u kagiyán ko.

1 Corinto 10:14

Kaya ngane, kákkapatkákka ko hide, dyan kam sumamba tu diyos-diyosan hide.

1 Corinto 10:33

Magporsigiyák a mapasaya u atanan a tolay tu gággimitán ko; bakán la a u sadile ko a kapiyyaan u áisipán ko nan pate u kapiyyaan nu agum, tánni maligtas hide.

1 Corinto 14:26

Ánya nadid u gusto ko a kagiyán ti iye hide a atanan, kákkapatkákka hide? Ni hikam ay mamággipun-ipun, ay dapat tehhod a mágkansiyon, tehhod a magtoldu, tehhod a magpahayag tu kaluuban nu Diyos, tehhod a magupos ti iba-iba a upos, sakay tehhod be a mángpaliwanag tu kákkagiyán na. Gimitán moy iye a atanan tánni lumagu u mánnampalataya hide.

2 Corinto 10:8

Dipo maski susubra dán u págmadakál ko tu kapangyariyan a inyatád nu Diyos nikán ay awanák masanike dipo iye ay pángpasibát tu pánnampalataya moy bakán a para tu kákkepahamak moy.

2 Corinto 11:10

Mentaras a he nikan u tatahoden tungkul ni Cristo, ay awan ko iyemang i págmadakál kuway a iye maski ni hádya ti Acaya.

2 Corinto 11:31

Awanák magbule-bule. Tukoy ina nu Diyos sakay Ama nu Panginoon a ti Jesus. Puriyán u ngahan na a awan ti kahád.

2 Corinto 12:15

Masayaák maski ni iyatád ko u atanan a hod nikán sakay maski ni iyalay ko u biyag ko para tu kapiyyaan moy. Ni minahal takam ti husto, bakin awanák moy mamahal ti konna hod?

2 Corinto 13:10

Insulat ko iye hide a bagay mentras awanák palla hina, tánni káddemát ko ay awan ko dán kailangan a magpakatapang tu pánggamit tu kapangyariyan a inyatád nikán nu Panginoon. Iye a kapangyariyan ay inyatád na nikán para gamitán tu kapiyyaan moy, bakán a tu kasidaan moy.

2 Corinto 2:17

Dipo awan kame konna tu agum a gággimitán de a negosyo u upos nu Diyos. Tukoy me a áelingán kame nu Diyos kaya bilang mánnampalataya ni Cristo sakay tagapagserbi nu Diyos, ay tapat kame a mangaral tu upos na.

2 Corinto 3:1

Nadid, tu palagay moy beman ay páppuriyán me dámman i sadile miyáy? Awan kame konna tu agum a kailangan pa ti sulat para tanggapán moy oni sulat a gábwat nikam para tanggapán be tu agum a lugar.

2 Corinto 7:1

Nadid, mahal me hide a kákkapatkákka, nadid ta inpananto nikitam nu Diyos iye hide a bagay ay adággen tam u atanan a mágkadukás a gimet a makapangatád ti dangát tu isip tam sakay makedukás tu bággi tam. Sikapán tam a mabiyag ti banal sakay tehhod a ánteng tu Diyos.

Filipos 4:1

Kaya ngane mahal ko hide a kákkapatkákka, magpakatatag kam tu pánnampalataya moy tu Panginoon. Mahal takam sakay maammawák nikam hikam u kasayaan sakay gantimpala tu págserbi ko.

1 Tesalonica 5:11

Kaya pabegsákkán moy u isip nu balang essa sakay magtulungan kam konna tu gággimitan moy nadid a panahun.

Hebreo 6:9

Mahal me hide a amigu, maski ni konna he u kákkagiyán me, ay tukoy me a katoy kam ti maganda a kalagayan tungkul tu kaligtasan moy.