2 Corinto 12:15 - U Maganda A Baheta Ni Jesu-Cristo

¹⁵ Masayaák maski ni iyatád ko u atanan a hod nikán sakay maski ni iyalay ko u biyag ko para tu kapiyyaan moy. Ni minahal takam ti husto, bakin awanák moy mamahal ti konna hod?

2 Corinto 12:15 ပူးပေါင်းရင်းမြစ်များ

Roma 9:3

para tu kabanuwan ko hide a Judio. Ni maare la nakwa ay hikán dálla u sumpaán nu Diyos sakay mehiwalay ni Cristo para la a maligtas hide.

2 Corinto 1:14

Para káddemát nu aldew a kássole nu Panginoon Jesus, ay mepagmadakál moy kame, a konna tu pángmadakál me nikam.

2 Corinto 1:6

Ni maghirap man kame, ay para iye tu kasayaan sakay tu kaligtasan moy. Ni paha-pahaán kame, ay mapaha-paha kam be sakay bumegsák kam be tánni matággád moy u kahirapan a dáddanasán moy a konna nikame.

2 Corinto 11:11

Bakin ginimet ko iye? Dipo beman a awan takam mahal? Tukoy nu Diyos, a mahal takam a tahod!

2 Corinto 12:14

Handaák dán tu katállo ko a káangay hina pero konna tu date awanák makadágge nikam. Hikam u kailangan ko, bakán a u ari-arian moy. U dáddakál hide u dapat a magipun para tu anak de hide, bakán a u anák de hide u mag-ipun para tu dáddakál de.

2 Corinto 12:9

kinagi na nikán, “U tulung ko ay sapat tu atanan a kailangan mo; mas lalu a mehayag u kapangyariyan ko ni mahina ka.” Kaya mas masayaák a ipagmadakál u kahinaan ko tánni pabegsákkánnák nu kapangyariyan ni Cristo.

2 Corinto 2:3

Kaya nagsulaták pa nikam. Tánni, káangay ko hina ay bakán dán a lungkut u iyatád moy nikán, nan hikamon u mangpasaya nikán. Dipo maniwalaák a u kasayaan ko ay kasayaan moy be.

2 Corinto 4:12

Kaya maski ni kamatayan u maguhay nikame dipo tu pángngaral me tu Maganda a Baheta, itod u ingkapiya moy dipo nagkahod kamon ti biyag a awan ti kahád.

2 Corinto 7:2

Tanggapán moy kame tu puso moy. Awan kame ti ginimet a madukás maski ni tideya man nikam. Awan me sinida oni dinaya u tideyaman.

2 Corinto 7:3

Awan ko iye kagiyán para págngállan takam. Konna ngane tu kinagi ko nikam, mahal takam a tahod. Kaya biyag man oni kamatayan awan magbagu u págmahal ko nikam.

Galacia 4:10

Tehhod kam a ipáppangilin a aldew, bulan, panahun sakay taon.

Filipos 2:17

U págserbi moy a bunga nu pánnampalataya moy ay kumán a alay moy tu Diyos. Ni kailangan a mebuhus u digi ko, masayaák pade; dipo tu kamatayan ko ay kumán a mebuhus u digi ko kaguman nu alay moy. Sakay dipo ti ina ay mákpagsayaák nikam.

Colosas 1:24

Masayaák tu pághirap ko nadid dipo tukoy ko a para iye tu ikapiya moy. I pághirap ni bággi kuwáy nadid ay pángtulos-tulos tu pághirap ni Cristo para tu mánnampalataya hide a magebággi na.

1 Tesalonica 2:8

Dipo grabi ti kadakál u págmahal me nikam ay inlaan mi dán u sadile me tu pángpakapospos me nikam tu Maganda a Baheta. Sakay bakán la a ina, nan iyalay mi pa u biyag me alang-alang nikam dipo mahal mikam a tahod.

2 Timoteo 2:10

Kaya pagtiisan ko u atanan a bagay alang-alang tu pinile hide nu Diyos tánni magkahod be hide ti kaligtasan sakay biyag a awan ti kahád a gábwat ni Cristo Jesus.

Hebreo 13:17

Sumunud kam sakay magpasakup tu mangasiwa hide nikam dipo te pananagutan hide a magbantay nikam, sakay managut hide tu Diyos tungkul ti iye. Ni sunudán moy hide ay masaya hide a gimitán u tungkulin de, pero ni awan ay malungkut hide, sakay ni malungkut hide ay awan iye makatulung nikam.