2 Corinto 12:1 - U Maganda A Baheta Ni Jesu-Cristo

¹ Nadid, dipo kailangan ko a mágmadakál, maski tukoy ko a awanák ti pakinabang tu pággimet ti iye, ay itulos-tulos ko. U kagiyán ko nadid ay u pangitain sakay mensahe hide a gábwat tu Panginoon.

2 Corinto 12:1 ပူးပေါင်းရင်းမြစ်များ

Juan 16:7

Pero kagiyan ko nikam u tatahoden a para tu kapiyyaan moy u kállakad ko, dipo awan he umangay u Banal a Ispiritu a tagagiyya nikam, ni awanák lumakad. Pero ni lumakadák ay paangayán ku he siya nikam.

Juan 18:14

Siya u nagpayo tu puno nu Judio hide a mas maganda a essa la u matay a tolay kasera mepahamak u buo a bansa.

Gimet 18:9

Essa a gibi ay nákpágguhon u Panginoon ni Pablo tu pangitain, kinagi na, “Diyan ka manteng nan itulos mo u pángngaral mo maski ánya man u mangyare ay diyan ka umimang.

Gimet 23:11

Ti gibi labiyan itod ay pimmeta u Panginoon ni Pablo sakay kinagi na nikuna, “Begsákkan mo isip muwe! Nagpatunay ka tungkul nikán ti Jerusalemáy; konna be hina u gimitán mo ti Roma.”

1 Corinto 10:23

Tehhod be a magkagi ti konna he, “Malayaák a maggimet ti maskin ánya a bagay,” pero awan atanan ay makapangatád ti maganda. “Malayaák a maggimet ti maskin ánya a bagay,” pero bakán a atanan ay makatulung.

1 Corinto 14:6

Kaya kákkapatkákka ko hide, ni ummangayák man hina sakay nagupos ti iba-iba a upos, anya u pakinabang moy nikán? Siyempre awan! Makinabang kam la ni itoldu ko nikam u mensahe nu Diyos a natukuyan ko, oni u pahayag hide nu Diyos tungkul tu mangyare hide tu dumemát a aldew, karunungan, sakay u adal hide a makatulung nikam.

1 Corinto 6:12

Tehhod a magkagi hina a: “Maariyák a maggimet ti maski ánya.” Pero awan atanan a bagay ay makatulung nikam. Maari ko be a kagiyán, “Maariyák a maggimet ti maski ánya,” pero awanák magpaalipin tu ánya man a bagay.

2 Corinto 12:11

Kumánnák a essa a tolay a awan ti tukoy dipo tu pághambug ko, pero hikam u nángtoglad nikán a manggimet ti konna hina. Hikam nakwa u dapat a mangpure nikán, dipo maski awanák ti kabuluhan, awanák be medimodyan ti mágkalalakiyan ina hide a apostol kan.

2 Corinto 12:5

Mepágmadakál ko i karanasan kuwan iye, pero ni hikán la ay awanák ti mepagmadakál, maliban tu kahinaan ko hide.

2 Corinto 12:7

Para awan ko mehambug u makataka-taka a mensahe nu Diyos nikán, áy inatáddinák na ti kahirapan tu bággi ko a kumán a saet tu pilas ko. Pinakultaden na u essa a utusan ni Satanas a nagpahirap nikán, tán para awanák magmadakál.

2 Corinto 12:9

kinagi na nikán, “U tulung ko ay sapat tu atanan a kailangan mo; mas lalu a mehayag u kapangyariyan ko ni mahina ka.” Kaya mas masayaák a ipagmadakál u kahinaan ko tánni pabegsákkánnák nu kapangyariyan ni Cristo.

2 Corinto 8:10

Sakay sa iye u mepayo ko tungkul hina: itulos-tulos moy u pángngatád a nasapulan tu taon he. Hikam u nángdipalongo bakán la a tu pággimet nan pate tu págplano.

Galacia 1:12

Dipo awan ko iye tinanggap tu tolay sakay awan bi iye intoldu nikán nu maskin deya a tolay. Nan ti Jesu-Cristo a mismo u nánghayag he nikan.

Galacia 2:2

Simmoliyák dipo kinagi nikán nu Diyos a dapaták a angay hod. Nákpágguhunák ti sadiliyan tu puno hide nu mánnampalataya hide, sakay inpakapospos ko nide u Maganda a Baheta a ibábbaheta ko tu Hentil hide. Ginimet ko iye tán masigudu ko a awan masayang u pinagpaguden ko tu nakalipas hanggan tu kasalukuyan.

Efeso 3:3

U plano hide nu Diyos a awan palla tu itod ti nakatukoy ay Inpahayag na nikán a mismo, sakay te nesulaták dán nikam tungkul ti iye.

1 Tesalonica 4:15

Sa iye i adalay nu Panginoon a kákkagiyán mi nikam: hikitam a biyag palla ay awan mágdipalongo tu mánnampalataya hide a nágkatay dán a tumagbu tu Panginoon.

1 Juan 5:20

Tukoy tam a immangay dán he u Anak nu Diyos sakay inatádden na kitam ti pággintendi tánni matukuyan tam u tatahoden a Diyos. Sakay katoy kitam tu tatahoden a Diyos, tu Anak na a ti Jesu-Cristo. Siya u tatahoden a Diyos sakay u Biyag a awan ti Kahád.