2 Corinto 11:6 - U Maganda A Baheta Ni Jesu-Cristo

⁶ Maski ni awanák malalake tu pággupos, ay awanák be kinulang ti karunungan. Tu atanan a pagkakataun ay pinatunayan me iye nikam.

2 Corinto 11:6 ပူးပေါင်းရင်းမြစ်များ

1 Corinto 1:17

Dipo awanák dinulaw ni Cristo para magbawtismo nan para mangaral tu Maganda a Baheta. Impangaral ko ngane iye, pero bakán a tu pamamag-itan nu maganda a pággupos a sigun tu karunungan nu mundu. Dipo ni konna hod u gimitán ko ay makay itod u makaakit tu tolay hide, sakay mebali awan u kákkatay ni Cristo tu kudus.

1 Corinto 1:21

Sigun tu karunungan nu Diyos, ay awan na impahintulut a matukuyan siya nu tolay tu pamamag-itan nu karunungan ni munduwan iye. Nan, inligtas na u manalig hide nikuna tu pamamag-itan nu Maganda a Baheta a ipáppangaral me a tu pangileng nu agum ay awan ti kabuluhan.

1 Corinto 12:8

U agum nikitam ay inatádden nu Banal a Ispirito ti kakayanan a mángbaheta tu upos nu Diyos a nebagay tu kailangan nu mánnampalataya hide. U agum be ay u kakayanan a ipaliwanag u karunungan nu Diyos, pero i iye hide ay naggábwat be tu Banal a Ispirito.

1 Corinto 2:13

Kaya ngane a mangaral kame tu pamamag-itan nu karunungan nu Banal a Ispirito bakán a ayun tu karunungan nu tolay. U ipáppaliwanag me tu páppágyanan hide nu Ispirito nu Diyos ay u tatahoden a Ispiritwal.

2 Corinto 10:10

Dipo kagi nu agum ay “Tu sulat la siya a matapang; pero tu harapan ay awan ti magimet.”

2 Corinto 12:12

Buo ko a tiyaga a pinatunayan nikam a hikán ay tunay a apostol tu pamamag-itan nu makataka-taka hide sakay u agum pa a tanda.

2 Corinto 4:2

Inadággen midán u gimet me hide a makasani-sanike sakay gággimitán ti tagu. Awan kame mángloko sakay awan me dag-dagen oni palitan u upos nu Diyos. Nan hayagan me a impangaral u tatahoden sakay iye ay tukoy nu Diyos. Kaya handa kame a pahatul maskin deya.

2 Corinto 5:11

Kaya ngani, dipo te ánteng kame tu Diyos, ay gimitán me u atanan para maakit me u tolay hide a sumole nikuna. Tukoy nu Diyos u tunay me a pagkatolay, nakwa ay tukoy moy kami be.

2 Corinto 6:6

Pinatunayan me a tagapagserbi kame nu Diyos tu pamamag-itan nu malinis a kákkabiyag, karunungan, págtiyaga, kabaitan, tu pamamag-itan nu pángdipalongo nu Banal a Ispirito sakay tapat a págmahal.

2 Corinto 7:2

Tanggapán moy kame tu puso moy. Awan kame ti ginimet a madukás maski ni tideya man nikam. Awan me sinida oni dinaya u tideyaman.

Efeso 3:4

Mentras a basaán moy iye, ay matukuyan moy a maintendiyan ko u sekreto tungkul ni Cristo.