2 Corinto 11:26 - U Maganda A Baheta Ni Jesu-Cristo

²⁶ Tu madalas ko a págbiyahe ay nadanas ko u iba-iba a delikadu a kalagayan: tu dilikadu a dinom, tu mágbabano hide, tu kalugar ko hide a Judio sakay tu Hentil hide. Tu dilikadu hide a banuwan, paparang, tu diget, sakay tu tolay hide a magkukunware a mánnampalataya.

2 Corinto 11:26 ပူးပေါင်းရင်းမြစ်များ

Gimet 13:45

Pero nikuna ketan nu Judio hide u tuna't káppal a tolay ay nagsállap hide, kaya kinontara de u kákkagiyan ni Pablo sakay impasanike de siya.

Gimet 13:50

Pero sinulsulan nu Judio hide u bábbey hide a igággalang, sakay u lállake hide a pinuno tu banuwan a kalabanán di Pablo sakay ti Bernabe tánni mapalakad di hide ti banuwanan itod.

Gimet 14:19

Pero te dummemát a Judio hide a gábwat ti Antioquia sakay ti Iconio. Sakay sinulsulan de u tolay hide ti Listra a kumontara ni Pablo kaya binábbatikal di siya. Káttapos ay binehbeh di siya a paluwas tu banuwan tu buung akala de a patay dán.

Gimet 14:5

Nagplano a agad ti madukás u Hentil hide sakay u Judio hide, kaguman u pupuno de hide kontara tu apostol hide. Binalak de a pasakitan hide sakay budasán.

Gimet 15:40

Pero pinile ni Pablo ti Silas; sakay limmakad káttapos a idasal nu mánnampalataya hide a ingatan hide nu Panginoon.

Gimet 17:13

Pero nikuna mabaheta nu Judio hide a taga-Tesalonica a impangaral be ni Pablo ti Berea u Upos nu Diyos ay immangay be hide hod tánni sulsulan de u tolay hide a manggulo tu banuwan.

Gimet 17:5

Pero nagsállap u Judio hide kanya inipun de u abusador hide sakay inutusan di hide a manggulo tu banuwan. Sináddáp de u bilay ni Jason, sakay pilit de a inehyok di Pablo sakay ti Silas tánni iyatubang tu tolay hide.

Gimet 18:12

Pero nikuna maging gobernador ti Galion ti Acaya ay namágkaessa u Judio hide a dakáppán ti Pablo sakay inyangay tu pághatulan.

Gimet 19:1

Mentaras katoy palla ti Apolos ti Corinto ay linakad be ni Pablo u mabuke-buked a lugar tu prubinsiya hanggan a nakademát siya ti Efeso. Netan na hod u sangan a mánnampalataya.

Gimet 19:23

Ti itod labe a panahun ay nagkahod ti dakál a kaguluwan dipo tu Toldu nu Diyos tungkul tu kaligtasan a hod ni Cristo.

Gimet 20:19

Nagserbiyák tu Panginoon a tehhod a kapakumbabaan sakay magtákták i luwa kuwáy dipo tu págmalasakit ko tu tolay hide. Makpal a pagsubuk u tiniis ko dipo tu pakán balak nu Judio hide nikán ti madukás.

Gimet 20:3

Nágyan siya hod ti tállo a bulan. Lumakad dán nákwa siya a patamo ti Siria, pero nabaheta na a te balak a madukás u Judio hide. Kanya naisip na a tumaleb dálla siya ti Macedonia tu kássole na.

Gimet 23:10

Sakay nikuna mainit dán u pamagtalu-talo de ay nanteng u puno nu sundalo hide a makay matay ti Pablo dipo pamágpáttangan nu magdilupot a grupo, kanya inutusan na u sundalo hide, sakay impaangay na ti Pablo sakay impesáddap na tu kampo.

Gimet 25:3

a ni maare ay paangayán na ti Pablo ti Jerusalem. Dipo u planu de ay harangán de siya tu dilan tánni bunuwán de.

Gimet 27:42

U balak nu sundalo hide ay bunuwán u atanan a pireso hide tánni awan ti makanangoy sakay makaginan.

Roma 15:19

Sakay tu pamamag-itan nu makataka-taka hide a bagay tu kapangyariyan nu Banal a Ispirito. Kanya nebaheta ko u Maganda a Baheta tungkul ni Cristo sapul ti Jerusalem hanggan ti Ilirico.

Roma 8:35

Awan ti makapánghiwalay nikitam tu págmahal ni Cristo. Maski magdanas kitam pa ti pághirap, saket, seste, aláp, awan ti mesulot, panganib, oni maski u kamatayan, dakál pade u págmahal ni Cristo nikitam.

1 Corinto 15:30

Sakay hikame, bakin mi pa a itaya u biyag me tu dilikadu a kalagayan kada odas?

1 Corinto 15:32

Ni u pákpáglaban ko tu mágkatapang a kadima he ti Efesowáy ay para la tu tolay, anya pakinabang kuway? Ni awan be mabiyag a huway u nágkatay hide, maganda pa ni sunudán tam i kakagiyánán iye: “Kuman kitam sakay uminom, dipo ni ilaw ay matay kitamon.”

2 Corinto 11:32

Nikuna hedák ti Damasco ay pinabantay nu gubernador a sakup ni Hare Aretas u pintuan nu banuwan tánni ipadakáppák na.

Galacia 2:4

Pero ti itod ay te nagware-ware a manampalataya hide a pimmurba a nángpilit tungkul tu págture. Nákpággagum hide nikame tán sidaán de u kalayaan a natanggap tam ni Cristo Jesus, tánni alipinan kitam a huway nu Kautusan.