2 Corinto 11:22 - U Maganda A Baheta Ni Jesu-Cristo

²² Ipagmadakál di beman a Judio hide, oni Israelita hide, sakay kaguman tu lahe ni Abraham? Hikán be.

2 Corinto 11:22 ပူးပေါင်းရင်းမြစ်များ

Mateo 3:9

Sakay dyan moy be isipán a makaligtas kam tu parusa nu Diyos dipo lahe kam ni Abraham. Dipo ikagi ko nikam a kaya nu Diyos a gimitán i bituwáy hide a magin lahe ni Abraham.

Gimet 22:3

“Hikán ay essa a Judio, neenakák ti Tarso nu Cilicia pero dimmakállák he ti Jerusalemáy. U maisto ko ay ti Gamaliel mahigpiták na a tinolduwan tu Kautusan nu ninuno tam hide. Sakay mahigpit tu itod u págserbi ko tu Diyos, konna nikam.

Gimet 6:1

Nadid tu itod a panahun ay makpal dán a mánnampalataya sakay nagreklamo dán u Helenista hide kontara tu Hebreo hide. Kinagi de a u bábbey hide a bilo tu gurupo de ay napabayan dán tu pángngatád tu kabiyagen de aldew-aldew.

Roma 11:1

U tanung ko nadid ay: Inadiyan beman nu Diyos u pinile na hide a tolay? Awan! hikán ay Israelita a mismo, gábwat tu lahe ni Abraham sakay kabilang tu lahe ni Benjamin.

Roma 9:4

Bilang Israelita ay inturing hide nu Diyos a anak na, impeta na nide u kadakilaan na, naggimet u Diyos ti kasunduwan nide, inyatád na nide u Kautusan, tinolduwan na hide tu tama a págsamba sakay makpal a pananto u Diyos nide.

Galacia 3:16

U Diyos ay nagpananto ni Abraham, sakay tu apu na. Awan nesulat tu Kasulatan a, “Tu apo mo hide,” a u gusto na a kagiyan ay makpal a apo. Nan u nakasulat ay, “Essa tu apo mo hide,” a u gusto na a kagiyan ay eessa la a apo, awan ti agum nan ti Cristo.

Filipos 3:5

Tinuriyák tu kawalo a aldew sapul tu kákkeenak ko. Hebreowák; tunay a Israelita, gábwat tu lahe ni Benjamin. Ni kássunud tu Kautusan u págguhunan ay talaga sinunud ko dipo Pariseowák.