2 Corinto 1:14 - U Maganda A Baheta Ni Jesu-Cristo

¹⁴ Para káddemát nu aldew a kássole nu Panginoon Jesus, ay mepagmadakál moy kame, a konna tu pángmadakál me nikam.

2 Corinto 1:14 ပူးပေါင်းရင်းမြစ်များ

Roma 11:25

Kákkapatkákka ko hide, gusto ko a matukuyan moy u essa a katutuhanan a nadid ko la a ikagi nikam, tánni awan magin mataas u pangisip moy tu sadile moy. U págmaigát nu Judio hide ay pansamantala la, awan habang panahun. Iye ay hanggan a makompleto u bilang nu Hentil hide a manampalataya ni Cristo.

1 Corinto 1:8

Sakay u Diyos u mangpabegsák nikam hanggan tu katapusan, tánni demáttan kam a awan ti kapintasan tu kássole nu Panginoon tam a ti Jesu-Cristo.

1 Corinto 11:18

Dipo nabaheta ko a tu pamagipun-ipun moy ay awan kam ti pamágkaessa. Sakay maniwalaák a tatahoden iye.

1 Corinto 15:31

Awan ti odas a awanák katoy tu dilikadu a kalagayan, kákkapatkákka! Ni kodya a tatahoden a ipágmadakál takam dipo tu pákpagkaessa tam ni Cristo Jesus a Panginoon tam, tatahoden be i kagiyán kuwan iye!

2 Corinto 2:5

U essa hina a kapatkákka moy a nagkasala, bakán la a hikán u pinasakitan na. Bakán be a padakállán ko i bagayan iye, pero u tatahoden, hikam a atanan u pinasakitan na.

2 Corinto 5:12

Kinagi me iye nikam a huway, bakán a para ipagmadakál nikam i sadile miyáy, nan para atádden kam ti rason a mepagmadakál moy kame, tanni matábbeg moy u tolay hide a mangpuri la tu bagay hide a pangluwas bakán a u maganda a ugale.

2 Corinto 9:2

Dipo tukoy ko a handa kamon a tumulung, sakay impagmadakál takam pa tu taga-Macedonia hide. Kinagi ko a handa kamon a taga-Acaya hide, tu nakalipas pa he a taon; kaya makpal u nalukag tu págtulung dipo tu págmalasakit moy.

Filipos 1:10

Tánni matukuyan moy ni ánya u pinakamaganda a dapat moy a gimitán. Para tu káddemát nu Aldew nu kássole ni Cristo ay demáttan nakam a malinis sakay awan ti kapintasan.

Filipos 1:26

Sakay ni makasoliyák dán hina nikam ay lalu moy a papuriyan ti Cristo dipo nikán.

Filipos 1:6

Siguraduwán ko nikam a u maganda a gimet a sinapulan nu Diyos nikam, ay tapusán na hanggan tu aldew nu kássole ni Cristo Jesus.

Filipos 2:16

mentras a ipakapospos moy nide u Maganda a Baheta a makapangatád ti biyag a awan ti kahád. Tánni tu káddemát ni Cristo ay mepagmadakál takam dipo awan nawanan ti kabuluhan u págpagud ko.

Filipos 4:1

Kaya ngane mahal ko hide a kákkapatkákka, magpakatatag kam tu pánnampalataya moy tu Panginoon. Mahal takam sakay maammawák nikam hikam u kasayaan sakay gantimpala tu págserbi ko.

1 Tesalonica 3:13

Pabegsákkán na u isip moy tánni manatili kam a banal sakay awan ti kapintasan tu atubang nu Diyos tam a Ama hanggan tu káddemát a huway nu Panginoon tam a ti Jesus, kaguman u pinili na hide.

1 Tesalonica 5:23

Nakwa ay lalu kam a gimitán a banal nu Diyos a tagapangatád ti kapayapaan. Sakay nakwa ay panatiliyán na a awan ti kapintasan u buo moy a pagkatolay, u ispirito moy, kaliduwwa sakay u baggi moy hanggan tu kássole nu Panginoon a ti Jesu-Cristo.