1 Timoteo 6:20 - U Maganda A Baheta Ni Jesu-Cristo

²⁰ Timoteo, pakaingatan mo u nepagkatiwala niko. Sakay adeyuwan mo u awan hide ti pinagseserbiyan a uhunan a awan neayun tu kagustuwan nu Diyos, sakay u pángngatuwiran a liwat, a tu pangileng de ay karunungan.

1 Timoteo 6:20 ပူးပေါင်းရင်းမြစ်များ

Gimet 16:1

Immangay be ti Pablo tu banuwan a Derbe sakay ti Listra. Tehhod hod a mánnampalataya a u ngahan na ay ti Timoteo a anak nu essa a bábbey a Judio a mánnámpalataya, pero u ama na ay essa a Griego.

Gimet 17:18

Nákpagtábbegan be siya tu sangan a pinakamaisto a kasale tu gurupo nu Epicureo sakay Estoico. Tehhod be a sangan a nagkagi a, “Ánya wád i kákkagi-kagiyán ne ni mumaru-marunungay a tolay?” Kinagi be nu agum, “Mangaral wád tungkul tu agum a diyos nu taga iba a banuwan.” Konna hina u kagi de dipo nangaral ti Pablo tungkul ni Jesus sakay tu kákkabiyag a huway.

Gimet 17:21

Dipo awan dán ti agum a gággimitán u taga-Atenas hide sakay u dayo hide a mámmágyan hod nan mamágguhon sakay mágsaneg tungkul tu bigu hide a toldu.

Roma 1:22

Kagi de a mágkalalake hide, pero u tatahoden ay awan hide ti katuko-tukoy.

Roma 3:2

Tahod a mas higit u Judio hide tu makpal a bagay: Dipalongo tu atanan, hide u nángkatiwalaan nu Diyos tu upos na.

1 Corinto 2:6

Pero tu mágkatatag dán hide tu ispiritwal a kákkabiyag, u itáttoldu me ay u karunungan nu Diyos, bakán a karunungan ni munduwan iye oni u tagapamahala hide ti panahunan iye a u kapangyariyan de ay lumipas.

1 Corinto 3:19

Dipo u karunungan ti munduwan iye ay awan ti kabuluhan tu pangileng nu Diyos. Konna he u nakasulat tu Kasulatan, “Ekhutan nu Diyos u mágkalalake hide tu kalalakiyan di labe.”

Colosas 2:18

Dyan kam maniwala tu mángpeta hide tu liwat de a págpakumbaba sakay magsamba tu anghel hide. Ipagmadakál de a mas higit hide nikam dipo tu pangitain de hide pero u tatahoden ay magmadakál la hide magmadakál la hide dipo tu makamundu de a isip.

Colosas 2:8

Magingat kam tánni awan kam madaya nu maskin deya tu pamamag-itan nu awan hide ti kabuluhan a makadaya a toldu a awan naggábwat ni Cristo, nan kagi-kagi la nu mágkatanda hide sakay nu mágkadukás a ispirito.

2 Tesalonica 1:4

Kanya ipagmadakál mikam tu agum hide a mánnampalataya tu Diyos dipo tu katatagen moy sakay tu pánnampalataya moy. Mepagmadakál me be u págtiis moy tu atanan a hirap sakay tu tulos-tulos moy a kassampalataya tu Diyos maski ni makpal u mangpahirap nikam.

2 Tesalonica 2:15

Kanya nadid, kákkapatkákka me hide, manatile kam a matatag a tumáttawed tu intoldu me nikam tu pággupos man oni tu sulat.

1 Timoteo 1:11

Iye a adal ay neayun tu Maganda a Baheta a inyintrega nikán nu dakila sakay mapagpala a Diyos.

1 Timoteo 1:2

Para ni Timoteo a tatahoden ko a anak ti pánnampalataya: Magkahod kam nakwa ti págpapala, kagbi, sakay ti kapayapaan a gábwat tu Diyos a Ama sakay ni Jesu-Cristo a Panginoon tam.

1 Timoteo 1:4

Sakay dyan de sássayangan i odas diye tu bida hide sakay tu listaan hide nu ginagábwatan nu dadáddikál di hide. Ta paggábwatan la iye nu pamágtalu-talu sakay awan ti metulung tu kákkabiyag nu mánnampalataya hide tu Diyos.

1 Timoteo 1:6

Iye ay inadággan dán nu sangan a tolay kaya nágketawtaw dán hide tu awan hide ti halaga a uhunan.

1 Timoteo 1:9

Tukoy tam be a u Kautusan ay bakán a para tu mágkabait a tolay, nan para tu awan hide sumássunud tu batas sakay tu loko hide. U Kautusan be ay para tu awan hide tumenggi tu Diyos sakay tu makasalanan hide, tu awan hide masoh a magin banal sakay tu awan hide ti galang tu Diyos. U Kautusan ay para be tu mámmuno hide tu dáddikál de sakay tu agum pa a mágbabonu hide,

1 Timoteo 4:7

Dyan mo pagsayangan ti odas u awan hide ti kuwenta a bida sakay u awan tatahoden a istorya; nan sanayan mo u sadile mo a mabiyag ate kabanalan.

1 Timoteo 6:11

Pero hiko, Timoteo, bilang tagapagserbi nu Diyos, ay umadeyo ka ti iye hide a bagay. Pilitán mo a mabiyag ti matuwid, te kabanalan, pánnampalataya, págmahal, págtiyaga, sakay kahinahunan.

1 Timoteo 6:14

a kailangan a sunudán mo a tehhod a katapatan u inyutus ko hide niko hanggan tu káddemát nu Panginoon a ti Jesu-Cristo.

2 Timoteo 2:1

Nadid, Timoteo a anak ko ti pánnampalataya, magpakatatag ka, tu pamamag-itan nu pakpagkaessa tam ni Cristo Jesus.

2 Timoteo 2:16

Iwasan mo u uhunan hide a malaswa sakay awan ti serbi, dipo u tolay hide a mággimet ti konna he ay lalo la hide a umadeyo tu Diyos.

Tito 1:14

sakay dyan dán hide mágsaneg tu bida nu Judio hide a awan ti pinagseserbiyan oni tu toldu nu tolay hide a immadág tu tatahoden.

Tito 1:4

Magsulaták niko, Tito, a tunay ko a anak ti pánnampalataya. Magkahod kam nakwa ti págpapala sakay kapayapaan a gábwat tu Diyos a Ama sakay ti Jesu-Cristo a Tagapagligtas tam.

Tito 1:9

Kailangan a sumássunud tu adal tungkul ni Jesu-Cristo a ayun tu netoldu nikuna para metoldu na tu agum u maganda a adal sakay metama na u kamaliyan nu kumontra hide tu tama a toldu.

Tito 3:9

Pero umadeyo ka tu awan hide ti kabuluhan a uhunan, konna tu pángsaysay tu atakdug a listaan nu nunu hide, u pamágdibate sakay pamágdadema tungkul tu Kautusan. Dipo i konna ay he a uhunan ay awan ti meatád a maganda.

Pahayag 3:3

Kanya ngani, isipán moy u toldu hide a tinanggap moy sakay nasaneg, sunudán moy ina hide sakay pagsisiyan moy u kasalanan moy hide. Ni awan kam lumukag ay angayák hina a konna tu káddemát nu mágtakaw, awan moy matukuyan u odas nu káddemát ko.