1 Timoteo 6:19 - U Maganda A Baheta Ni Jesu-Cristo

¹⁹ Ti konna hod ay makapagipun hide ti kayamanan ti langet a awan mawan para tu tamuwán, sakay magkahod hide ti tatahoden a biyag.

1 Timoteo 6:19 ပူးပေါင်းရင်းမြစ်များ

Mateo 19:21

“Ni gusto mo a magin karapatdapat tu Diyos, angay mo ilako u ari-arian mo sakay iyatád mo tu pobre hide u naglakuwan. Ni gimetán mo iye, magkahod ka ti kayamanan ti langit. Káttapos ay sumoli ka he sakay sumunod nikán,” tábbeg ni Jesus.

Lukas 12:33

Ilako moy u kabiyagen moy hide sakay iyatád moy tu mágkahirap hide u naglakuwan moy! Tánni makaipun kam ti kayamanan ti langet. U maipun moy hod a kayamanan ay awan magdadate one maubu-ubus sakay awan ti makasasáddáp a mágtakaw sakay awan makuta-kutam.

Lukas 16:25

Pero kinagi ni Abraham, ‘Anak isipán mo a nagpakasawa ka tu biyag mo ti luta atod. Sakay ti Lazaro ay nagtiis ti hirap. Pero nadid ay masaya dán u biyag na he sakay hiko damman ay mághahirapán ka hina.

Lukas 16:9

Sakay káttapos ay kinagi ni Jesus, “Kagiyán ko nikam, gamitán moy u kayamanan moy ti lutaáy tu paggimet ti maganda tu kapareho a tolay. Maskin maubus iye ay tehhod a mangtanggap nikam tu bilay na a awan ti kahad ti langet.

Lukas 18:2

Kinagi na, “Tu essa a banuwan ay tehhod a huwes a awan ti ánteng tu Diyos sakay awan ti igággalang a tolay.

Lukas 18:22

Nikuna masaneg iye ni Jesus ay kinagi na, “Essa pa a bagay u kulang niko. Ilako mo u atanan nu kabiyagen mo sakay iyatád mo tu mágkahirap hide u naglakuwan mo tán magkahod ka ti kayamanan ti langet. Káttapos ay sole ka sakay sumunud ka nikán.”

Galacia 5:6

Tu nákpagkaessa dán ni Jesu-Cristo ay awan dán mahalaga ni awan nature oni nature u essa a tolay. U mahalaga ay u pánnampalataya ni Cristo a ketan tu gimet dipo tu págmahal.

Efeso 3:17

Tánni mágyan ti Cristo tu puso moy tu pamamag-itan nu pánnampalataya moy nikuna. Idáddasal kube a magin matibay sakay matatag kam tu págmahal moy tu Diyos sakay tu balang essa.

Filipos 3:12

Awan ko kagiyán a nagimet ku dán u atanan a bagay a iye hide oni awanák dán makagimet ti kasalanan, nan magsumikapák a tupadán u kaluuban ni Cristo Jesus dipo iye u dahilan ni bakin a dinulawák na.

Filipos 3:14

Kaya magtulos-tulusák ngane a patamo tu hangganan tánni matanggap ko u gantimpala a awan ti iba nan u pángdulaw nikán nu Diyos a mabiyag ti langet tu pamamag-itan ni Cristo Jesus.

1 Timoteo 6:12

Gimitán mo atanan a makaya mo tu pangpakapos-pos mo tu pánnampalataya mo. Sakay palagi mo a isipan a kaguman ka tu biyag a awan ti kahád dipo ina u nangdulawan niko nu Diyos. Sakay i pannampalataya muwan ina ni Cristo u impakapospos mo tu atubang nu makpal a tistigu.

2 Timoteo 1:1

Iye a sulat ay gábwat nikán a ti Pablo a apostol ni Cristo Jesus ayun tu kaluuben nu Diyos para ipangaral u nepananto a biyag a matanggap tam tu pamamag-itan ni Cristo Jesus.

2 Timoteo 2:19

Pero awan maare a mawan u tatahoden a toldu a gábwat tu Diyos. A konna tu pundasyon a indátton na sakay tinatakan na ti konna he, “Tukoy nu Panginoon ni deya u sakup na hide,” sakay “U tolay a sumunud tu Panginoon ay dapat ibutan na u gimet na a madukás.”

1 Pedro 1:4

Sakay matanggap tam u pagpapala a awan masisida, awan ti dangát sakay awan magkukupas a inhanda nu Diyos ti langet para nikam.