1 Timoteo 6:17 - U Maganda A Baheta Ni Jesu-Cristo

¹⁷ Itoldu mo tu mágkayaman a dyan magmadakál sakay dyan umasa tu kayamanan a lumipas. Nan tu Diyos la a mángngatád tu atanan a bagay a ikasaya tam.

1 Timoteo 6:17 ပူးပေါင်းရင်းမြစ်များ

Mateo 12:32

Sakay ni ti deya man u magupos laban nikán a Anak nu Tolay ay mapatawad nu Diyos pero u magupos laban tu Banal a Ispiritu ay awan mapatawad, magin nadid a panahun oni tu demodyan a aldew.”

Mateo 19:23

Kinagi ni Jesus tu disepulus na hide, “Kagiyán ko nikam: mahirap mebilang u mágkayaman hide tu pinaghariyán dán hide nu Diyos!

Mateo 25:16

Lummakad a pagdaka u nakaalap ti limma a libo a piso sakay nagnegosyo siya. Sakay timmubo u pilak na ti limma a libo a piso be.

Mateo 27:57

Bagu a nagdiham, dimmemát u essa a mayaman a taga Arimatea, u ngahan na ay ti Jose. Siya ay disepulus be ni Jesus.

Mateo 6:32

Dipo sa itod hide u ehyokán nu awan maniwala tu Diyos. Pero tukoy nu Ama moy ti langet u atanan a kailangan moy hide.

Markos 10:24

Nagtaka hide tu kinagi ni Jesus, kanya kinagi na a huway, “Talaga a tunay ti hirap a makasáddáp tu kahariyan nu Diyos!

Lukas 19:2

Te essa hod a lállake a Zaqueo u ngahan na. Siya u puno nu mágsingeh hide ti buwes sakay tunay a yaman.

Lukas 3:11

Timmábbeg ti Juan, “Ni tehhod kam a duwwa a badu ay iyatád moy u essa tu awan ti badu, sakay ni tehhod kam a makan ay pakanán moy u magaláp hide.”

Gimet 14:17

Konna pa man hod ay nangatád siya ti sapat a katibayan a mangpatunay ni deya siya tánni matengge moy siya tu pamamag-itan nu mágkaganda hide a bagay a ginággimet na para nikam. Inatádden nakam ti uden a gábwat ti langet sakay ti makpal a ane tu netakda a panahun. Inatádden na kam pa ti sapat a makan sakay kasayaan tu puso moy.”

Gimet 14:27

Sakay káddemát de ti Antioquia ay tinipun de u atanan a mánnampalataya sakay imbaheta de u atanan a ginimet nu Diyos tu pamamag-itan de; sakay ni kodya a inatádden nu Diyos u Hentil hide ti pagkakataun a sumampalataya.

Gimet 17:25

Awan siya mangailangan ti ánya man a tulung nu tolay, nan siya u nangatád ti biyag, angás sakay atanan a bagay tu atanan a tolay.

Roma 11:20

Tatahoden ina. Kináttol hide dipo awan hide sumampalataya ni Cristo, sakay hikam ay inkabit dipo nanampalataya kam nikuna. Kanya dyan kam magmadakál, nan magkahod kam ti ánteng.

Efeso 5:5

Tukoy moy a awan makaangay tu kahariyan ni Cristo sakay tu Diyos u tolay hide a mángngibábbey oni mangilállake, mágkalaswa, sakay sakim (dipo u kasakiman ay págsamba tu diyos-diyosan.)

Colosas 3:16

U upos hide ni Cristo ay iyasák moy tu isip moy. Mamágpaala-alaan kam sakay mamágtolduwan tu balang essa ayun tu karunungan a kaluub nu Diyos. Mágkansiyon kam ti pang-ispirituwal a kansiyon a gábwat tu Diyos a te págpasalamat.

1 Tesalonica 1:9

Dipo hide dán a mismo u nágbaheta tu maganda moy a pángtanggap nikame. Sakay hide dán be u nágbaheta ni kodya moy a inadággen u pagsamba tu diyos-diyosan hide tánni sumunud tu tatahoden sakay biyag a Diyos.

1 Timoteo 1:3

Konna tu impákpágguhon ko niko nikuna tamuwák ti Macedonia, a gusto ko a mágyan ka pala ti Efeso. Tánni paimangan u sangan a tolay a makántolduwan ti liwat.

1 Timoteo 3:15

ni mara awanák makademát a pagdaka ay tukoy mu dán u dapat a ugale nu tolay hide a kabilang dan tu pamilya nu biyag a Diyos. Dipo intiwala nikitam u tatahoden tungkul ni Cristo a kuman a hikitam u adigi sakay pundasyon nu tatahoden.

1 Timoteo 4:10

Dipo he, kaya kitam a magsumikap sakay magtiyaga dipo u pag-asa tam ay katoy tu biyag a Diyos, u Tagapagligtas nu atanan a tolay, lalu dán tu atanan a mánnampalataya.

1 Timoteo 5:21

Iyutus ko niko tu atubang nu Diyos, sakay ni Jesu-Cristo sakay tu anghel na hide a ipatupad mo iye a awan ti panigan.

1 Timoteo 6:13

Tu ngahan nu Diyos a mangatád ti biyag tu atanan a bagay, sakay tu ngahan ni Cristo Jesus a nagpatunay tu atubang ni Poncio Pilato ay iyutus ko niko

1 Timoteo 6:9

Pero u masoh hide a yumaman tu maski ánya man a paraan ay matápduk tu tokso sakay maekhutan hide nu mágkadukás de a kagustuwan a mángpalulung nide tu kamatayan sakay kapahamakan.

2 Timoteo 4:10

Dipo linakadinák dán ni Demas, mas minahal na u makamundu hide a bagay, immangay siya nadid ti Tesalonica. Ti Cresente ay immangay be ti Galacia, sakay ti Tito ay immangay dán ti Dalmacia.

Tito 2:12

U kagbi na u nangtoldu nikitam tánni adággen tamon u kákkabiyag a makamundu sakay u kagustuwan nu pilas tánni mabiyag kitamon nadid a tehhod a págpugad ti sadile, banal sakay karapat-dapat tu Diyos,

Tito 3:6

Inyatád na nikitam u Banal na a Ispirito tu pamamag-itan ni Jesu-Cristo a tagapagligtas tam. U Banal a Ispirito u mangatád nikitam tu atanan a kailangan tam tu pánnampalataya tam tu Diyos.

2 Pedro 1:11

Ni konna hod ay masaya u Diyos a mangpasáddáp nikam tu awan ti kahád a kahariyan nu Panginoon sakay tagapagligtas tam a ti Jesu-Cristo.