1 Timoteo 5:5 - U Maganda A Baheta Ni Jesu-Cristo

⁵ U tatahoden a bilo a bábbey ay u mággeessa dálla ti kákkabiyag sakay u Diyos dálla u áasaan na, kaya makándasalán siya aldew ay ti gibi.

1 Timoteo 5:5 ပူးပေါင်းရင်းမြစ်များ

Lukas 18:1

Kinagi ni Jesus tu disepulus na hide u essa a talinhaga, para itoldu na nide a pirme hide a magdasal sakay dyan hide mawanan ti pag-asa.

Lukas 18:7

U Diyos pa wád u awan mángsuhog tu pinile na hide a mákkekakagbi nikuna ti aldew ay ti gibi. Paguhayán na beman wád hide ti malay a panahun?

Lukas 2:37

sakay nadid ay walo a pulo ay ti áppat dán a taon a nabilo. Lagi siya tu Templo aldew ay ti gibi a mágpapuriyán tu Diyos tu pamamag-itan nu págkakulasyon sakay pakándasal.

Gimet 26:7

Itona be a pananto u áasaan nu sapulo ay ti duwwa a lahe kanya taimtim hide a magpure tu Diyos aldew ay ti gibi. Sakay dipo labe ti iye a pag-asa, Kagalang-galang a Hare a Agripa, kanya pinagbintanganák nu Judio hide!

Gimet 6:1

Nadid tu itod a panahun ay makpal dán a mánnampalataya sakay nagreklamo dán u Helenista hide kontara tu Hebreo hide. Kinagi de a u bábbey hide a bilo tu gurupo de ay napabayan dán tu pángngatád tu kabiyagen de aldew-aldew.

Gimet 9:39

Kanya naghika-hika sakay nákkuyog nide ti Pedro. Káddemát na hod ay inyangay de siya tu kuwarto tu ontok. Agad a immadene nikuna u bábbey hide a bilo a makán sangitán sakay inpeta de nikuna u pággalikábkáb sakay u damit a ginággimet ni Dorcas nikuna biyag palla siya.

Gimet 9:41

Tinawiden ni Pedro u kamát ni Tabita sakay tinulungan na a tumaknág. Dinulawan na u mánnampalataya hide, u bilo hide a bábbey sakay inyatubang na nide ti Dorcas a biyag.

Roma 1:12

U gusto ko a kagiyán ay tánni matulungan tam u balang essa para bumegsák u pánnalig tam tu Diyos.

Roma 1:5

Tu pamamag-itan ni Jesu-Cristo ay tinanggap me u kaluub a magin apostol tánni maakit me u tolay hide tu atanan a bansa a sumampalataya sakay sumunud nikuna.

1 Corinto 7:32

Gusto takam a meadeyo tu pakánbalisa. U pággaabalaan nu lállake a awan ti kabanga ay u gawain hide nu Panginoon sakay ni kodya siya a makasaya nikuna.

1 Corinto 7:34

Dipo he ay mahate u págserbi na. Konna labe hod tu mámmadiket sakay u bábbey hide a awan ti kabanga, u pakán abalaan de ay u bagay hide a patungkul tu Panginoon dipo gusto de a metalaga u buo de a biyag tu pagserbi tu Panginoon. Pero u bábbey a tehhod a kabanga ay u bagay ti lutaáy u pakán abalaan na, dipo gusto na a mapasaya u kabanga na.

Efeso 6:18

Sakay palagi kam a magdasal tu Diyos a tulungan nakam, sakay diyan kam magpabaya nan ipagdasal moy u atanan nu mánnampalataya hide ni Cristo, sakay palagi moy a sunudán u pággiya nu Banal a Ispirito nikam tu págdasal moy.

Filipos 4:6

Dyan kam mabalisa tu ánya man a bagay. Nan agidán moy tu Diyos u atanan nu kailangan moy tu pamamag-itan nu págdasal a tehhod a págpasalamat.

1 Timoteo 2:1

Nadid, u pinakadipalongo tu atanan a ipákpágguhon ko nikam ay ipagdasal moy u atanan a tolay. Iagum moy hide tu agidán moy hide, pákkekagbi, sakay págpasalamat.

1 Timoteo 5:16

Ni u bábbey hide a mánnampalataya ay tehhod a kákkapatkákka a bilo ay kailangan hide i mangpospusay. Tánni u bilo hide a talaga a awan ti maasaan u pospusán dálla nu simbaan.

1 Timoteo 5:3

Igalang moy sakay tulungan u bilo hide a bábbey a awan dán ti maasaan.

2 Timoteo 1:3

Magpasalamaták tu Diyos a pagserbiyan ko ti tapat, konna tu ginimet nu nuno ko hide. Awan taka kalimunan a ipagdasal aldew ay ti gibi.

1 Pedro 3:5

Konna hod u ugale nu bábbey hide a banal a immasa tu Diyos tu itod a panahun. Nagpasakup hide tu kákkabanga de.