1 Timoteo 5:25 - U Maganda A Baheta Ni Jesu-Cristo

²⁵ Konna labe hod u agum a mágkaganda a gimet ay alisto a ketan; pero ni awan man mapansin a agad ay ketan labe iye dipo awan iye metagu ti atakdug a panahun.

1 Timoteo 5:25 ပူးပေါင်းရင်းမြစ်များ

Mateo 5:16

Konna la be hod u gimitán moy, ipeta moy u demlag moy tu tolay hide tánni ketan de u mágkaganda moy a gimet. Tán para puriyán de u Ama moy ti langet.”

Lukas 11:33

Sakay kinagi pa ni Jesus, “Awan ti tolay a magtab ti simbuwan sakay itagu na oni taklábban na tu págtakalan. Nan idátton na itod tu talaga a págdattonan tánni mademlagan u tolay a sumáddáp tu bilay.

Gimet 10:22

Kanya kinagi de, “Pinaangay kame he nu kapitan nu sundalo hide a ti Cornelio. Mabait siya a tolay sakay te ánteng tu Diyos, igággalang siya nu atanan a Judio. Kinagi nikuna nu anghel nu Diyos a paangay na ka sakay sanigán na u kagiyán mo.”

Gimet 22:12

Nadid tehhod a essa a lállake ti Damasco, u ngahan na ay ti Ananias. Tehhod a ánteng tu Diyos, sumássunud tu Kautusan, sakay igággalang nu Judio hide a mámmágyan hod.

Gimet 9:36

Ti Joppa ay tehhod be a essa a bábbey a mánnampalataya, u ngahan na ay Tabita, (ti Griego, u ngahan na ay Dorcas, u gusto na a kagiyán ay ogsa.) Inyobus na u atanan a odas na tu pággimet ti maganda sakay tu págtulung tu mágkahirap hide.

Filipos 1:11

Nakwa ay maputat u biyag moy tu mágkaganda a ugale a kaluub ni Jesu-Cristo, tán maparangalan sakay mapapuriyan u Diyos.

1 Timoteo 3:7

Kailangan be a igaggalang siya nu awan hide ti pánnampalataya tánni awan siya mamansaan sakay tulos a maekhutan ni Satanas.

Pahayag 14:13

Sakay nasaneg ko u boses a gábwat ti langet a nagupos, “Isulat mo iye: Sapul nadid ay pinagpala u magserbi hide tu Panginoon ati Jesus hanggan tu kákkatay de!” “Tatahoden,” kagi nu Banal a Ispirito. “Makaimang dán hide tu pághirap de; dipo maalap di dán u gantimpala tu mágkaganda de a ginimet.”