1 Timoteo 5:21 - U Maganda A Baheta Ni Jesu-Cristo

²¹ Iyutus ko niko tu atubang nu Diyos, sakay ni Jesu-Cristo sakay tu anghel na hide a ipatupad mo iye a awan ti panigan.

1 Timoteo 5:21 ပူးပေါင်းရင်းမြစ်များ

Mateo 16:27

Dipo pademát u Anak nu Tolay a te kapangyariyan a gábwat tu Ama na sakay kaguman na u anghel hide. Ti panahunan itona ay hatulan na u kada tolay ayun tu ginimet na.

Mateo 25:41

Sakay kagiyan ko be tu atoy hide tu kawihi, ‘Umadeyo kam nikán a binusong nu Diyos! Hikam ay meangay tu apoy a awan maadápadáp a inhanda para ni Satanas sakay tu demonyo na hide.

Mateo 28:20

Sakay tolduwan moy hide a sumunud tu atanan a inyutus ko nikam. Pakatandaan moy: Hikán ay kakaguman moy hanggan tu katapusan nu mundo.

Lukas 20:21

Essa aldew kinagi nu espiya hide ni Jesus, “Maisto, tukoy me a tama atanan ni kákkagiyán sakay itáttoldu muwe. Tukoy mi be a awan ka manuyo tu te mataas a tungkulin a tolay, nan itoldu mo u tatahoden a kagustuwan nu Diyos a gimitán nu tolay hide.

Lukas 9:26

Ni ikasanikiyák moy sakay u upos ko hide, ay ikasanike kam be nu Anak nu Tolay tu kássole na. A tehhod a kapangyariyan iye ay kapareho nu kapangyariyan nu Ama sakay tu banal hide a anghel.

2 Corinto 5:16

Kaya nadid, u pangileng mi dán tu atanan ay awan dán neayun tu sukatan nu tolay hide a awan mangkilala tu Diyos. Tu itod ay konna hod u pákkatukoy me ni Cristo, pero nadid ay awan dán.

1 Tesalonica 5:27

Ipákkekakagbi me nikam tu ngahan nu Panginoon a basaán i sulatán iye tu kákkapatkákka tam hide a atanan.

1 Timoteo 6:13

Tu ngahan nu Diyos a mangatád ti biyag tu atanan a bagay, sakay tu ngahan ni Cristo Jesus a nagpatunay tu atubang ni Poncio Pilato ay iyutus ko niko

2 Timoteo 2:14

Ipaalaala mo nide i bagayan hidenye, sakay pagkagiyan mo hide tu pamamag-itan nu ngahan nu Diyos. A dyan hide mákpagtábbegan tu awan hide ti kabuluhan. Awan ti meatad a maganda iye hide a gimet, nan iye u mangsida tu pánnampalataya nu tolay hide a mágsaneg.

2 Timoteo 4:1

Nadid, Timoteo, tu atubang nu Diyos sakay ti Cristo Jesus a mághatul tu biyag sakay tu patay hide, tu kássole na para maghare, ay iyutus ku niko a,

Santiagu 3:17

Pero u tolay a te karunungan a gábwat tu Diyos, dipalongo tu atanan, ay te maayus a kákkabiyag, masássohán ti kapayapaan sakay mapagpugád. Awan na ipilit u sadile na a kagustuwan, makákkagbiyán, masipag a maggimet ti maganda, pare-pareho u pangileng na tu atanan a tolay sakay awan mapagkunware.

2 Pedro 2:4

Dipo maski u anghel hide ay awan pinatawad nu Diyos nikuna nagkasala hide. Nan, intápduk na hide tu madisalad sakay madiham a ábbut tánni he di dán hod a uhayán u Aldew nu Pághatul.

Judas 1:6

Isipán moy be u anghel hide a awan nagtulos-tulos tu tungkulin de sakay inwahak u lugar a inyatád nide nu Diyos. Kaya ingapus hide nu Diyos ti kadena a awan mababágsot sakay impireso na hide tu tunay ti diklám a lugar hanggan tu káddemát nu Aldew nu Pághatul.

Pahayag 14:10

ay danasán de u iyamut nu Diyos a awan ti halo a kagbi. Sadya a parusaan hide tu apoy ay tu asupre tu atubang nu banal hide a anghel sakay tu Tupa.