1 Timoteo 5:19 - U Maganda A Baheta Ni Jesu-Cristo

¹⁹ Sakay dyan mo paniwalaan u reklamo kontara tu pinuno ni awan ti mangtistigu a duwwa oni tállo.

1 Timoteo 5:19 ပူးပေါင်းရင်းမြစ်များ

Mateo 18:16

Pero ni umád siya sumanig, mángkuyog ka pa ti essa o duwwa a kapatkakka para u atanan nu pinaguhonan moy ay mapatunayan nu duwwa o tállo a sestigo.

Juan 18:29

Kanya ti Pilato a gubernador ay limmuwas sakay kinagi na, “Ánya i mebintang moyay ti tolayan iye?”

Juan 8:17

Awan beman nakasulat tu Kasulatan moy, a ni te duwwa a magpatunay ti maski ánya a kagimet ay tanggapán moy a tatahoden.

Gimet 11:30

Konna ngane hod u ginimet de, inpatawed de u tulung de tu pinuno de hide ti pánnampalataya tu pamamag-itan di Bernabe sakay ti Saulo.

Gimet 25:16

Tinábbeg ko hide, a awan tam ugale a Romano hide a magparusa tu essa a tolay ni awan na palla nakatubang u nangbintang nikuna, sakay ni awan palla naatádden ti pagkakataun a ipaliwanag u bintang hide nikuna bilang págtanggul tu sadili na.

2 Corinto 13:1

Nadid, iye u katállo ko a káangay hina nikam. Kinagi tu Kasulatan. “U ánya man a kaso ay kailangan a tehhod a duwwa oni tállo a magtistigu.”

1 Timoteo 4:14

Dyan mo páppabayan u inyatád niko nu Banal a Ispirito a kakayanan a inpagkatiwala na niko nikuna a itupo niko nu pinuno hide nu simbaan u kama-kamát de hide iye u kinagi nu prupeta a gimitan mo.

1 Timoteo 5:17

U pinuno hide a mangasiwa ti mahusay ay dapat la a tumanggap ti pággalang sakay madagdagen u suweldu de lalu dán u mángngaral hide sakay mágtoldu tu upos nu Diyos.

Tito 1:6

U pinuno a dapat mo a idátton ay kailangan a awan ti kapintasan, essa la ti kabanga, mánnámpalataya u aanak de, sakay awan hide mágkagulo oni maigát ti págguluwan.

Hebreo 10:28

Ayun tu patunay nu duwwa oni tállo a tistigu, u sumuway tu Kautusan ni Moises ay awan ti habag a bunuwán.