1 Timoteo 5:17 - U Maganda A Baheta Ni Jesu-Cristo

¹⁷ U pinuno hide a mangasiwa ti mahusay ay dapat la a tumanggap ti pággalang sakay madagdagen u suweldu de lalu dán u mángngaral hide sakay mágtoldu tu upos nu Diyos.

1 Timoteo 5:17 ပူးပေါင်းရင်းမြစ်များ

Mateo 24:25

Pakatandaan moy a indipalongo ko dán iye a kinagi nikam.

Lukas 10:7

Ni deya u bilay a nagpatulos nikam ay hod kam la hod. Dyan kamon paagton-agton ti bilay; kanán moy sakay inumán moy u ánya man a ihayin di nikam. Dipo u tarahabador ay te karapatan a mangtanggap tu hornal na.

Lukas 12:42

Timmábbeg u Panginoon, “Ni deya u tapat sakay malalake a alipin ay siya i páng-intregaanay nu amo na tu kasabilay na hide ni tehhod siya a angayan. Siya i nakabahalaay a mangatád ti makan tu agum hide a utusan tu tama a odas.

Juan 4:38

Paangayán takam para aniyán u bakán moy a immula. Iba u nagmula sakay hikam u mag-ane tu naghirapan de.”

Gimet 11:30

Konna ngane hod u ginimet de, inpatawed de u tulung de tu pinuno de hide ti pánnampalataya tu pamamag-itan di Bernabe sakay ti Saulo.

Gimet 20:35

Tu atanan a pagkakataun ay impeta ko nikam tu pamamag-itan nu konna he a págsumikap a dapat moy a tulungan u mágkahirap. Isipán moy u kinagi nu Panginoon a Jesus, ‘Pinagpala u mangatád nan u tumanggap.’”

Gimet 28:10

Inatádden di kame ti makpal a regalo. Sakay nikuna maghektat kami dán ay indátton de tu abeng u kailangan mi hide.

Roma 12:8

ni págpayo, magpayo siya ti maayus, ni pángngatád, mangatád siya tu maluwag tu kaluuben na, ni pámmuno, mamuno siya ti buo a tiyaga. Sakay ni káttulung tu te kailangan, tumulung siya a tehhod a kasayaan.

Roma 15:27

Masaya hide a nangatád, sakay dapat la dipo kumán hide a te utang tu Judio hide. Dipo u Hentil hide ay nakabahagi tu págpapala a ispiritwal nu Judio hide, marapat be a tulungan u Judio hide tu pamamag-itan nu págpapala de a pangpilas.

Roma 16:12

Ikumustaák moy di Tripena sakay Triposa a mágkasipag hide a manggagawa nu Panginoon. Ikumustaák moy be tu mahal ko a kaibigan a ti Persida. Dakál u netulung na tu gawain nu Panginoon.

1 Corinto 15:10

Pero dipo tu kagbi nu Diyos nikán ay nagin apostolák, sakay awan be nawanan ti kabuluhan u kaluub a iye nikán. Nagtrabahuwák ti husto kasera tu agum nide, pero bakán iye tu sadile ko a kakayanan nan tu kabaitan la nu Diyos nikán.

1 Corinto 16:16

a pasakup kam tu konna nide sakay tu deya man a tumáttulung tu tagapagserbi hide nu Panginoon.

1 Corinto 3:9

Dipo pareho kami la ay ti Apolos a mágtarabaho para tu Diyos, sakay hikam u kumán a araduwan sakay hikam u kumán a bilay a ipataknág nu Diyos.

2 Corinto 6:1

Nadid, bilang kaguman tu gawain nu Diyos, ay mákkekakagbi kame nikam a dyan moy sayangán u inyatád nikam nu Diyos a pagpapala.

Galacia 6:6

U tináttolduwan hide tu upos nu Diyos ay dapat mangatád tu pagpapala de tu magtoldu nide tu upos nu Diyos.

Filipos 2:16

mentras a ipakapospos moy nide u Maganda a Baheta a makapangatád ti biyag a awan ti kahád. Tánni tu káddemát ni Cristo ay mepagmadakál takam dipo awan nawanan ti kabuluhan u págpagud ko.

Filipos 2:29

Kanya tanggapán moy siya a tehhod a kasayaan bilang tunay a tagapagserbi tu Panginoon. Igalang moy u tolay hide a konna nikuna.

Filipos 4:3

Sakay ipákkekakagbi ko be niko, tapat ko a kaguman tulungan mo i duwwaán iye a bábbey. Dipo timmulung be hide nikán tu pángpakapospos tu Maganda a Baheta, a kaguman di Clemente sakay tu agum pa a tagapagserbi a konna nikán. U ngaha-ngahan de ay nakasulat tu libro nu biyag.

1 Timoteo 3:5

Dipo ni awan na kaya a mapangasiwaan u sadile na a pamilya, kodya na a mapangasiwaan u simbaan nu Diyos?

1 Timoteo 4:10

Dipo he, kaya kitam a magsumikap sakay magtiyaga dipo u pag-asa tam ay katoy tu biyag a Diyos, u Tagapagligtas nu atanan a tolay, lalu dán tu atanan a mánnampalataya.

1 Timoteo 4:14

Dyan mo páppabayan u inyatád niko nu Banal a Ispirito a kakayanan a inpagkatiwala na niko nikuna a itupo niko nu pinuno hide nu simbaan u kama-kamát de hide iye u kinagi nu prupeta a gimitan mo.

1 Timoteo 4:16

Bantayan mo u sadile mo sakay u págtoldu mo. Magtiyaga ka a magtulos-tulos a gimitán iye hide a bagay, tánni maligtas ka sakay u atanan nu nágsaneg niko.

1 Timoteo 4:6

Ni itoldu mo tu kákkapatkákka hide iye hide a bilin ay mahusay ka a tagapagserbi ni Cristo Jesus. Sakay itod u patunay a natolduwan ka tu tatahoden hide tungkul tu pannampalataya sakay tu pamamag-itan nu maganda a adal a sássunudán mo.

1 Timoteo 5:19

Sakay dyan mo paniwalaan u reklamo kontara tu pinuno ni awan ti mangtistigu a duwwa oni tállo.

1 Timoteo 5:3

Igalang moy sakay tulungan u bilo hide a bábbey a awan dán ti maasaan.

2 Timoteo 2:6

U masipag a nagaradu ay siya u karapat-dapat a mangalap tu purumero a bahagi nu ladáy na.

2 Timoteo 4:2

ipangaral mo u upos nu Diyos maski ánya a pagkakataun. Akitán mo u tolay hide, pagkagiyan sakay pabegsákkán u isip de tu pamamag-itan nu matiyaga mo a págtoldu nide.

Hebreo 13:17

Sumunud kam sakay magpasakup tu mangasiwa hide nikam dipo te pananagutan hide a magbantay nikam, sakay managut hide tu Diyos tungkul ti iye. Ni sunudán moy hide ay masaya hide a gimitán u tungkulin de, pero ni awan ay malungkut hide, sakay ni malungkut hide ay awan iye makatulung nikam.

Hebreo 13:24

Ikumusta moy kame tu mangasiwa hide nikam sakay tu atanan a kákkapatkákka. Kumustaán kam be nu kákkapatkákka ti Italia.

Hebreo 13:7

Alalahanán moy u nangasiwa hide nikam, a nángpakapospos nikam tu upos nu Diyos. Isipán moy ni kodya hide a nabiyag hanggan a natay ate pánnampalataya. Ahigán moy u pánnampalataya de tu Diyos.